الى كل خبير ومهتم وفاهم فى الصوتيات وسيستم صوت العربيات

[mazgangy]

1- زيرو باور كلريون وسيمفونى وايهم افضل؟

2- سماعات بايونير 400 وات و300 وات وايهم افضل وانقى؟

3- جى ام كينوود 350 وات و سيمفونى 280 وات وسيمفونى 400 وات

4- شماسات كلريون وشماسات سيمفونى

5- احسن مكان مضمون ومجرب اشترى منهم الحاجات دى وباسعار كويسه

(الحاجات دى اللى عاوز ازودها)

الحاجات دى حتضاف كتزويد على العده اللى عندى وهى كاسيت سى دى كينوود وسماعتين بايونير 400 فى رف خلفى وسماعتين ابواب كينوود 120 وات وجى ام كينوود 400 وات 4 شينيل وصب بايونير اصلى 800 وات اللى الرق بتاعه ازرق ( الحاجات دى راكبه عندى بالفعل)


وارجوا بقى من خبره وعباقره الاصوات طريقه تركيب العده ديه المثاليه ولو فى تغير فى الحاجات اللى طالب اعرف سعرها اللى هى حشتريها تزويد انشاء الله يقول ايه الامثل وانهى جى ام يركب على السماعات وانهى جى ام مناسب للصب ده وايه اللى يتوصل على الكاسيت وايه وكده عايز افضل اداء وشكرا ليكم ومع العلم (الحاجات اللى هى عندى وركبه بالفعل دلوقتى مش عايز ابيع منها او استغنى عن حاجه انا عاوز ازود عليهم)

[mazgangy]

معلش يا جماعه نسيت اكتب ان الاربع حاجات اللى فوق دى عاوز اعرف اسعارها

[KoDaK_Gti]

- زيرو باور كلاريون وده سعره 530 جنيه فى توكيل كلاريون

2- سماعات بايونير 400 وات التايلاندى فى حدود 350 او اقل
3- جى ام كينوود طبعا بس يكون 400 وات و2 شانيل فى حدود 450

4- شماسات كلاريون طبعا ومش هتلاقى جديد منهم ولو لقيتهم مستعملين مش هيقلو عن 250 جنيه

5- احسن مكان مضمون توكيل كلاريون اللى فى احمد عرابى او انزل التوفيقية عند الموزعين

طريقة التوصيل
السى دى وعليه سماعتين الابواب بس انا منصحكش توصلهم لأنك مش هتحتاجهم
ومن السى دى للزيرو باور الكلاريون
والجى ام ال 400 وات اللى عندك 4 شانيل وصل عليه الاربع سماعات ولو هتجيب الشماستين حط كل شماسة مع فرده من السماعة القديمة اللى كانت راكبه عندك
والجى ام الجديد وصل الصب عليه بريدج ياخد ال 400 وات كلهم

ولو حد عنده رأى تانى يتفضل يقول بردو

[mazgangy]

تمام كده يا باشا بس الزيرو باور انا كنت شوفت هنا فى المنتدى ان فيه زيرو باور تمنه 375 او حاجه كده والا ايه؟ وكمان الشماسات انا مش عايز مستعمل مفيش حاجه جديده بديل يعنى؟؟؟
وياترى الصب ده مش يقوم بجى ام اقل فى التكلفه واقل فى الوت ؟؟

وكمان هو لما اجيب جى ام تانى حيحتاج نفس السلوك والتوصيلات اللى واخدها الجى ام القديم؟؟

والا بيقل حاجات؟؟

وكمان الجى ام الكينوود اللى عندى ال400 وات حيقوم 4 سماعات بايونير 400 وات وشماستين كويس والا حيبقى قليل عليهم والا ايه؟

[KoDaK_Gti]

الزيرو باور اللى انت شوفته هنا مستعمل وانت بتقول مش عاوز مستعمل
وبعدين انا بقولك على الاسعار اللى انا سألت عليها
والشماسات زى منا كتبتلك مفيش منها جديد واصلا مش هتعرف تجيب منها مستعمل
ولو ملقتش كلاريون مستعمل يبقة بلاش تركب شماسات خالص لأنك مركب 4 سماعات والصوت هيبقة عالى
الجى ام اللى عندك هيقوم الاربع سماعات كويس جدا ولو حطيت عليهم كمان شماستين بردو هيقومهم
مش قليل ولا حاجة والتوصيلات اللى هتحتاجها جديد مش كتير