انا بكره العربية اللادا وهذه اسبابي

[firstknight216]

لسيارة الخاصة بي لادا 2107 موديل 2007 السيارة انا بحافظ فوق ما سيادتكم تتخيلوا
لدرجة اني عامل اشتراك في نادي موبيل الحاجز لنظافة السيارة بشكل مستمر
العيوب الظاهرة
1-الوكيل ما تقدرش تفرقه عن اي ميكانيكي بره غير انه بياخد فلوس اكتر وانا شفت بنفسي
2- السيارة غير مريحة بالمرة في الركوب تحس انك راكب جرار زراعي لدرجة ان بتنزل من العربية حاسس انك مجهد
3- السيارة غير مريحة بالمرة في الركن لدرجة ان الناس بتقعد تضحك عليك لما تركن العربية طبعا لصغر محور الدوران الخاص بيها
4- السيارة 1600 سي سي لكن لا تستطيع ان تشعر بقوة الموتور وذلك لأن السيارة دفع خلفي وطبعا 85 حصان حاجة تضحك في عربية دفع خلفي
5- دائم الذهاب إلى الميكانيكي مع ان السيارة انا جايبها زيرو وعلى فاكره السيارة من عام وعامل بيها 18000 ألف فقط
6- امكانية السيارة للشعور بالأمان لا يتخطى 100 كيلو زيادة على كده مش ح تقدر تسيطر على العربية ويكون نوع من المخاطرة لو زادت
7- وهو ده المهم في 25 يونيه اللي فات كنت ذاهب اللي العمل من الأسماعيلية إلى السويس وماشي بسرعة 90 كيلو فجأة انكسرت بيض المقصات والسيارة طبعا في لحظة دخلت في الرصيف الجانبي وعملت حادثة ربنا ستر الحمدلله ورجلي تفتت عظام الكاحل الايسر ومن شهرين ولحد دلوقتي انا قاعد في البيت بتعالج

[zakiali]

لا حول ولا قوة الا بالله ألف سلامه عليك اخي العزيز ... طيب خد الموقف ده والله العظيم حصل مع والدي .. مره وهو ماشي بالادا 2107 وواخد يو تيرن الكمره اللي شايله الموتور اتفلقت والموتور وقع من العربيه وده خللي العربيه تقف منه في الشارع قدام التريلات المعديه الناحيه التانيه ولولا ستر ربنا كانت حصلت كارثه !





صراحه عربيه مؤذيه بجميع المقاييس ذهنيا وبدنيا انصح الكل بالابتعاد عنها وبتمنها يشتري اي عربيه يوزد محترمه وخلاص .





.

[MoDyBeNz2008]

سلامتك يااستاذ firstknight216
ان شاء الله ترجع زي الاول و احسن كمان
************************************************** **********************************************
موقف المقصات دة حصل مع زميل للوالد في الشغل و ركبوله شريحة و مسامير في كعب رجله و لسة بيتعالج لغاية دلوقتي اي عربية مستعملة نضيفة احسن من لادا 2107 دي

[hazem_khidr]

قدر الله و ما شاء فعل
كل اللي مضايقني في موضوعك هو مشكله البيضه اللي باظت و علي طريق كمان
من اهم عيوب اللادا حكايه البيضه دي
يا ريت تغير العربيه دي لان شكلها فقر اوي و انت مالكش حظ معاها

[blazer]

ربنا معاك و يصبرك على الابتلاء دا

[yusuf_daly]

الله يشفيك وياخد بيدك يا أخي بحق هذا الأذان
ويستر طرقنا جميعا

[cobraa2008]

والله اساسا الادا 2107 اساسا ده ماتنفعش عربية ده تركبلها جرافة وتشتغل في ارض زراعية


المهم الادا 2107 ده زبالة

ياعني انتهى عصر الادا عندها


وبدا في الا 2111 و 2110 والسمارة

[firstknight216]

والله ياجماعة فعلا انا بإذن الله مجرد ما ربنا يعافيني اول حاجة ح تخلص من العربية ديه بس ربنا يسهل

[ahmedsrs]

it is not acar for ride its atool for work

[firstknight216]

والله يااخويا احمد العربية انت بعد ما تنزل منها بعد المشوار بتاعك بتنزل منها جسمك مكسر
ده غير ان كل الراكبين معاك هرينك تريأه شوية على التكييف شوية على الصالون شوية على تعب الركوب في العربية
ياراااااااجل ده مش هاين عليهم يركبوا مفاتيح للتكييف محترمة شكلها اكنها مفتاح لمبة

[LUX]

اوه..ربنا يشفيك

و ايه أخبار كعبك دلوقتي؟؟؟؟!!

علي العموم انت روح بيع العربية دي و جيبلك واحدة كده حلوة انت تستريح ليها بدل الفقر و النحس دي

بس الظاهر كده انها مصري مش روسي صح؟؟

ولا يهمك يارب تخف بسرعة بس.
________

[amir]

انا كنت اتكلمت كتير عن مدي كرهي ان اللادا و ال128 و الشاهين بيتباعو زيرو لسه و الناس بتروح تشتريهم علي اساس انهم عربيات معمره
كان كلامي من وجهه النظر الماديه و ما تدفعه مقابل ما تحصل عليه
المهم كلامك ده بيؤكد بلاش حد يشتري العربيات دي زيرو نهائي خصوصا مع تواجد بدائل مريحه جدا جدا عنهم و في نفس السعر زي الاسبيرانزا a113 و ال516 و اللي يقولك صيني و هتتكسر ينزل يبص علي العربيات ماشيه زي الفل في الشوارع و الناس اصحابها بيشكرو فيها

[abdo2889]

ألف سلااااااااااااااااااااااامة عليك
ويا رب تقوم وترجع بالسلامة ويعوضك خير

[wardet]

انا كنت اتكلمت كتير عن مدي كرهي ان اللادا و ال128 و الشاهين بيتباعو زيرو لسه و الناس بتروح تشتريهم علي اساس انهم عربيات معمره
كان كلامي من وجهه النظر الماديه و ما تدفعه مقابل ما تحصل عليه
المهم كلامك ده بيؤكد بلاش حد يشتري العربيات دي زيرو نهائي خصوصا مع تواجد بدائل مريحه جدا جدا عنهم و في نفس السعر زي الاسبيرانزا a113 و ال516 و اللي يقولك صيني و هتتكسر ينزل يبص علي العربيات ماشيه زي الفل في الشوارع و الناس اصحابها بيشكرو فيها

اسبيرانزا ايه بس
دا انت لو عملت بيها حادثة بسيطة هتلاقى نفسك محتاج تغير اكتر من نص العربية غير ان ان اى حد راكب قدام هيضيع
انا عملت حادثة بالشاهين من سنة ونص والعربية لفت 3 مرات اتقلبت بيا وسقفها كان على الارض
كل اللى كان فيها خبطة فى السقف اد كف الايد والعتب اللى فى الجنب اتكسر وانا الحمد لله طلعت سليم من غير اى خدش حتى

[ahmad--ezzat]

لا لا لا لا لا لا لا اسبرانزا اية وبتاع اية انا اركب عربية روسى ومركبش عربية صينى
اة ناجحة فى البلد بس زى الزفت انا ركبت الاكسبلوجن والشرى ال a11 وال qq
اية دة يا راجل حاجة بجد مش هتستحمل على مدار الوقت ..دة فية عربية اسمها كتكوتة
بيقولو فظيعة وفى عضو فى المنتدى اشتراها وباعها وخلص منها
الادا للعلم عربية اة تقيلة وكل حاجة بس تصونك وتستحملك سواء سفر او غيرو بس الناس دايما بتقارنها بالعربيات الناعمة زى السيتى واليارس والصنى لا يا جماعة الادا دى ليها ناسها وليها شغلها