ممكن مساعده لو سمحتم :(

[اللورد ميدو]

انا عايز اروح شارع النيل عند شيراتون القاهره الي عند نفق العجوزه

انا بتحرك ديماً من مكانيين بس وهما المظلات او من الخصوص من عند نزلة مسترد يعني جنب الدائري ممكن افضل طريق اوصل فيه بسرعه للشارع النيل من المكانيين دول واكون شاكر جداً

[mohamed_selim]

اوصل للكورنيش و انزل اتجاه التحرير .... بعد مبنى التليفزيون هتلاقى مطلع لكوبرى اكتوبر اطلعه و عدى النيل و الجزيره هتلاقى نزله يمين قوى متنزلهاش و اول ما تعديها نزله يمين قوى و نزله طوالى .... خليك فى اليمين هتلف بيك فى اتجاه شيراتون .... هتكمل شويه هتلاقى النفق .... تنزله ولا لا يعتمد انت رايح فين ....
طفى طريق تانى انك تكمل كورنيش طوالى و متطلعش اكتوبر و تاخد يمين عند كوبرى قصر النيل و تعدى كوالى لحد ما تعدى كوبرى الجلاء كده انت فوق النفق

[اللورد ميدو]

شكرا استاذ mohamed_selim علي الرد

بس وانا بشوف من جوجل ماب لقيت اني ممكن امشي من علي الكرنيش واطلع كبري روض الفرج وانزل من ع الكبري واكمل علي الكرنيش الناحيه التانيه لحد ما اوصل لحد النفق وقسم الدقي الي هوا جنب الشيراتون
ياتري الطريق ده صح ولا لا

وياتري كمان بيكون زاحمه اوي ولا لا
شكراً مره تانيه وياريت تفدني في الطريق ده

[Mostafa Khalil]

شكرا استاذ mohamed_selim علي الرد

بس وانا بشوف من جوجل ماب لقيت اني ممكن امشي من علي الكرنيش واطلع كبري روض الفرج وانزل من ع الكبري واكمل علي الكرنيش الناحيه التانيه لحد ما اوصل لحد النفق وقسم الدقي الي هوا جنب الشيراتون
ياتري الطريق ده صح ولا لا

وياتري كمان بيكون زاحمه اوي ولا لا
شكراً مره تانيه وياريت تفدني في الطريق ده

ايوة ممكن كده انت حتاخد كورنيش العجوزة من اوله و بالنسبة للزحمة حسب الساعة كام بس فالغالب بيبقي زحمة رخمة فالاحسن تنزل بدري عن ميعادك شوية

[mohamed_selim]

حضرتك عدى النيل من اى كوبرى و كمل الناحيه التانيه هتوصل
بالنسبه للزحمه انت و حظك غالبا الدنيا هتكون زحمه على الكل او فاضيه على الكل

[اللورد ميدو]

شكراً لحضرتكم جداً

وجزاكم الله جميعاً كل خير