اشاعات اشعات - الحلقة الثانية

[ENG\AHMED]

الحلقة الثانية:

اشاعة مشاكل الكهرباء:

الموضوع مطروح للنقاش كل واحد شايف فية مشكلة يقولها

[HNaga]

مافيش مشاكل فى الكهربا خالص
المشكلة الوحيدة كانت خاصة بالبطارية

ايه الإشاعات اللى بتتقال على الكهربا؟

[ENG\AHMED]

اللمبات يا اتش ;)
فى ناس يقولك الاوبل كلها مشاكل كهربا واللمبات بتتحرق على طول ...احنا مستنيين الكلام اهو كل اللى فى نفسة حاجة يقولها :)

[Ahmad Allawy]

مش مظبوط خالص معايا الكلام ده..
مرة واحدة بس اللمبة بتاعت الفانوس قدام شمال اتحرق منها بول واحد..
غيرتها بلمبة مش فاكر نوعها بس الماني.
و مش اوسرام كمان يا احمد عشان انا عارف ان ده انضف نوع..
و لخد دلوقتي بقالها ييجي شهرين و نص.. و زي الفل..
كانت ب 18 جنيه..

[ENG\AHMED]

انا عارف ان مفيش الكلام الفاضى دة بس بما ان الليلة ليلة شائعات فعلشان كل واحد يقول اللى عندة ويرتاح

فى ناس عايزة تحط لمبة مصرى ولا صينى بجنية ومش عايزاها تتحرق وعلى فكرة كل العربيات الامانى تقريبا من الموديلات الحديثة اللمبات الصينى والمصرى مش بتعيش فيها مش الاوبل بس واحد صاحبى معاهم C180 كمبيوتر العربية بيطلع eroor كل لما يرجع reverse لقى لمبة محروقة فاخد لمبة من عربية تانية عندهم علشان يجرب وركبها ال error راح واللمبة مكملتش يوم واتحرقت !!

[noon_eg]

العربيات الاوبل فق مستوى الشبهات تماما من حيث الاداء
ولكن التكنولوجيا بتاعتها متقدمه ومعقده نسبيا وده حال اغلب السيارات الجديده من الفئات العاليه
ومش معقول ان واحد شارى اوبل ب 160 الف يروح يصلحها بره التوكيل
ده فكر قديم واعتقد ان ثقافه الناس هنا اتغيرت واغلب اللى بيشترى سياره غاليه بيعمل صيانه فى التوكيل

اعتقد اللى بيتكلم على مشاكل الاوبل بيتكلم على الفيكترا موديلات 1994 - 1996 الاتوماتيك
كان فيها مشاكل متكرره نسبيا حتى فى الفتيس وكان يصعب صيانتها بره التوكيل انما الجديده اعتقد انى مسمعتش على اى شكاوى فيها من اصله

احنا عندنا واحد فيكترا 2007 و2 كورسا 1996 و 1997 وماشيين كويس

[ENG\AHMED]

العربيات الاوبل فق مستوى الشبهات تماما من حيث الاداء
ولكن التكنولوجيا بتاعتها متقدمه ومعقده نسبيا وده حال اغلب السيارات الجديده من الفئات العاليه
ومش معقول ان واحد شارى اوبل ب 160 الف يروح يصلحها بره التوكيل
ده فكر قديم واعتقد ان ثقافه الناس هنا اتغيرت واغلب اللى بيشترى سياره غاليه بيعمل صيانه فى التوكيل

اعتقد اللى بيتكلم على مشاكل الاوبل بيتكلم على الفيكترا موديلات 1994 - 1996 الاتوماتيك
كان فيها مشاكل متكرره نسبيا حتى فى الفتيس وكان يصعب صيانتها بره التوكيل انما الجديده اعتقد انى مسمعتش على اى شكاوى فيها من اصله

احنا عندنا واحد فيكترا 2007 و2 كورسا 1996 و 1997 وماشيين كويس

مشكلة المصرى انة عايز عربية لاتكل ولا تمل عربية يدخلها فى الحيطة تطلع من الناحية التانية سليمة وياخدها فحط وردم طول اليوم ومتقولش عايزة حاجة ولا طلعت قليلة الادب وقالت تبقى حاجة من غير فلوس لأنة مش عايز يدفع
ومعظم الاشاعات اللى بتطلع على العربيات مصدرها التجار وسوق الخضار بتاع مدينة نصر , المصريين لما بيحبوا عربية بيدورو على اى ميزة فيها حتى لو مفهاش علشان يقنعوا نفسهم بيها ولو غضبوا على عربية حتى لو برقبة العربية التانية بيدورا على العيوب بس وينسى ميزاتها والامثلة كتيرة مش محتاجين نقولها اكيد الكل عارفها

مفيش عربية من غير مشاكل مفيش عربية مبتعطلش مفيش عربية من غير عيوب
بس فى فرق بين مشاكل عبيطة وهايفة او مش مشاكل اصلا وبين انى اصورلك الحاجات دى على انها كوارث ومصايب ملهاش حل فى العربية , ببساطة الانسان اللى عمل العربية مش كامل علشان يعمل حاجة كاملة ومعنى انك توصل للكمال انك وصلت للنهاية لأن خلاص هتطور او تعدل اية انت وصلت للنهاية

[M.Mokhtar]

المشكله الوحيده اللى قابلتنى فى الكهربه
كنت فى مره رايح اسكندريه ومجرد ما دخلت البلد العربيه بدأت تقطع وفصلت
ادور مافيش فايده مش عاوزة تقوم ابدا
رحت التوكيل جاب عربيه وطلع معايا
قالى ممكن تكون طرمبة البنزين
فتح وكشف قالى تمام
وصل الكمبيوتر وقعد يلعب شويه
قالى دى الموبينه وهنغير الموديول بالمره
فعلا شال وركب ودور يا باشا العربيه دارت

بالنسبة للمبة
اللى علمتها معيا لمبة عداد الكيلومترات اللى فى التابلوه
ودى كلفتنى كتير عشان فك وتركيب التابلوه نفسه :)

[ENG\AHMED]

المشكله الوحيده اللى قابلتنى فى الكهربه
كنت فى مره رايح اسكندريه ومجرد ما دخلت البلد العربيه بدأت تقطع وفصلت
ادور مافيش فايده مش عاوزة تقوم ابدا
رحت التوكيل جاب عربيه وطلع معايا
قالى ممكن تكون طرمبة البنزين
فتح وكشف قالى تمام
وصل الكمبيوتر وقعد يلعب شويه
قالى دى الموبينه وهنغير الموديول بالمره
فعلا شال وركب ودور يا باشا العربيه دارت

بالنسبة للمبة
اللى علمتها معيا لمبة عداد الكيلومترات اللى فى التابلوه
ودى كلفتنى كتير عشان فك وتركيب التابلوه نفسه :)

اللمبة عاملة معاك اية دلوقتى وياترى مفيش لمبات تانى اتحرقت وجبت الصينى ولا الاصلى ؟؟ :):)
الحمد للة ناس معاهم اوبل اهو وبيتكلموا وبيأكدوا الكلام

[M.Mokhtar]

اللمبة عاملة معاك اية دلوقتى وياترى مفيش لمبات تانى اتحرقت وجبت الصينى ولا الاصلى ؟؟ :):)
الحمد للة ناس معاهم اوبل اهو وبيتكلموا وبيأكدوا الكلام

كل تمام يا باشا
الموضوع ده بقاله سنه ونص اهو وكل شئ تحت السيطره وكله يعمل فى صمت :)

[lancerevolution]

انا مسمعتش غير عن طرنبة البنزين الى بتبوظ لما تمشى والتنك بيطلع فى الروح كتير عشان بتشد كل البلاوى الى فى قاع التانك بس و مفيش حاجة تانى

[Ahmad Allawy]

انا بيتهيألي ان مش الاوبل بس اللي كده علي فكرة..
تقريبا كل العربيات كده.. وساخة التنك بتقلل عمر الطلمبة..

[ENG\AHMED]

انا مسمعتش غير عن طرنبة البنزين الى بتبوظ لما تمشى والتنك بيطلع فى الروح كتير عشان بتشد كل البلاوى الى فى قاع التانك بس و مفيش حاجة تانى

الله اكبر امسك اشاعة جديدة :D
يعنى اية التنك بيطلع فى الروح؟؟ :)
عموما هى العربيات الاوبل بتطلع من المصنع من غير بلاوى فى التنك فلو فى بلاوى فى التنك يبقى من البنزين بتاعنا اللى فية بلاوى وصراصير وحاجات تانية واى عربية فى مصر مش معصومة من البلاوى دى ومفيش طلمبة بنزين مصممة للعمل مع البلاوى دى يعنى مش الاوبل بس ... وربنا يكرمك وتلاقى الاوبل اللى بتدور عليها :):)