مساعدة في معرفة طريق الاسماعليه من المنصورة

[paramara]

ان شاء الله رايح فايد في الاسماعلية يوم الجمعة عاوز اعرف اروحها ازاي من المنصورة من علي الدولي الساحلي. وهل الطريق امان و لا لا. و بردة الطريق كويس و لا لا عشان العربية منخفضة جدا جدا جدا.

ياريت حد يساعني ضروري

[mohamed_selim]

ايه اللى يوديك الدولى الساحلى ... كده هتطلع على دمياط و بعدين بورسعيد و بعديها اسماعيليه .... لفه طويله قوى
لو عايز تلف يبقى اطلع من المنصوره على بلبيس على طريق القاهره اسماعيليه الصحراوى طويل برضه (بس اقصر من الساحلى) و انضف بمراحل (على الاقل من بلبيس للصحراوى للاسماعيليه)

[paramara]

طب من المنصورة لبلبيس ده كويس و لا وحش و برده امان و لا لا، و اروحه ازاي؟

المشكلة ان معايا حامل في اول ٣ شهور كمان فالموضوع صعب، و فايد اروحها ازاي؟

[mohamed_selim]

لو رايح فليد يبقى انسى الساحلى ... اصلا فايد فى النص بين القاهره و الاسماعيليه
معرفش المنصوره بلبيس ظروفه ايه ... من بلبيس للصحراوى طريق معقول (معرفش الامان عامل ازاى بس زيه زى اى طريق) و بعدين تطلع بلبيس العاشر و تمسك اسماعيليه الصحراوى لحد الكارته ... تعدى الكارته و بعدها على طول دخله يمين لطريق فايد (حوالى 70 كيلو)

[paramara]

شكرا جدا

[azwoz65]

ايه الاخبار عملت ايه
ياريت تشرحلنا الطريق كان ازاى

[paramara]

الحمد لله، روحت بس الطريق كان طويل شوية عشان روحت من الدولي

مشيت طريق المنصورة دمياط، و بعدين طلعت علي الدولي، و كملت الدولي لحد ما وصلت للكارتة الاولي، و قبل الكارتة التانية في دخلة شمال كدة اسمها ابو سلطان تقريبا و منها وصلت لفايد.

الطريق في المجمل مش و حش خصوصا. الدولي معقول، و من الاسماعلية لفايد طريق كويس جدا.

بس طبعا كان طويل جدا لاني طولت المسافة علي نفسي عشان مكنتش عاوز امشي طريق الطريق لحد الزقازيق دة لان الناس مشكرتش فيه

[ahmedsrs]

طولت الطريق على نفسك بدون داعى عموما الطريق من الزقازيق لبلبيس مفهوش مشاكل ومن بلبيس للعاشر كمان كويس

[paramara]

الحمد لله، انا بس كنت بدور عل طريق مفيش فيه مطبات كتير عشان عربيتي واطية جدا عن الارض

[azwoz65]

معلش ممكن بهدوووووووووووء تشرحلى الحتة دى بالبطئ
( مشيت طريق المنصورة دمياط، و بعدين طلعت علي الدولي، )
ولك منى جزيل الشكر