مقارنة بين مواتير ال 405

[Nour_Peugeot]

السلام عليكم

اولا يارجاله انا محتار حيرا مبعدها حيره

عموما انا هفهمكم الحوار كله علشان اعرف استفيد

احنا عندنا عربية 405 1600 cc

و دلوقتي امامي اكتر من اختيار

الاول اني اخد العربية دي كده و اعدل فيها (تظبيط شبابي يعني)
بس المشكله في الحوار ده اني عيز موتور انجكشن و يكوني فيه قوه جبارة

الثاني اني اجيب عربية 405 برستيج ده طبعا بعد ما ابيع العربية ال 1600 و احل الموتور فتيس عادي علشان مبحبش الاوتومتيك

الثالث اني اخلي العربية الي معانا دي و اركبلها موتور mi 16
بكل الكماليات الزمة (عقشة و فرامل و ..... الخ)

الرابع اجيب برستيج و اركبلها موتور mi استيراد طبعا و هي كده كده ينفع اركبلها الموتور ده منغير تعديل

معا العلم ان ضريبة الموتور ال mi اقل من البرستيج 300 جينة في السنة

بس انا عيز حد ابن حلال يعميل مقارنة كامله بين الثلث موتير
من حيث

العزم - القدرة الحصانية -استهلاك الوقود داخل و خارج المدينة -الصيانة(سهله او صعبة) -و لو في حاجة انا نسيها في المقارنة حد يكملهالي بقي

يا شباب انا عيز عربية تبقي واجها بوجه معا ال bmw

علشان عيز اثبت للناس ان البيجو ند لاي شركة في العالم

انا اسف اني طولت عليكو و ابقي شاكر جدا لو سعدتوني بجد

و شكرا جزيلا مقدما اخوكم الصغير

[Mahmoud_405]

بص يانور العملية مش سباق البيجو عربية محترمة وحلوه بس ال BMW مش قليلة دي عالية قوي بالذات مواتير ال M Power . انا شوفت 406 بتطلع من ال 318 بس مش معاناه ان ال BMW تعبان لو دي كانت M3 اكيد كانت حتطلع من ال 406
علي العموم انا راي انك تبيع ال 405 وتجيب برستيج مانيوال ( موجوده في السوق) احسن ما تعدل في العربية وتلعب فيها لانها عمرها ماحتبقي ذي اللي جاية من المصنع حتي لو حتعدل في التوكيل

[kareem_Ashmawy]

البرستبج المانيوال هتبسطك اوى
هى معانا و سحبها بصراحا رهيب
و ثبات محترم
فى حاجة كمان انت ممكن تقلب اللى معاك انجيكشن
كان فلاينج بيجو قال على الحكاية دى قبل كده و كان بيقول ان سحبها فى الحالة دى أشد من البرستيج
و دا فى رأيى أحسن حل بعديه انك تجيب برستيج مانيوال

[Nour_Peugeot]

عارف يا محمد انه مش سباق يس يقولك عيز اتميز بحاجة خرافة

وشكرا علي ردك

[Nour_Peugeot]

و الله يا كريم انا خلاص هنفجر من الحيره ههههههههه

ربنا يسهل و يرزقني و يرزقكم و اخد القرار النهائي و نتوكل علي الله

[the-hero]

جيب ماتور بيجو 405 T16
ماتور 16 صباب 2كامة + تيربو 200 حصان رهييييييييييييييييييييييب وده اعلى حاجه فى ال 405 بس نادر وغالى
لكن على فكرة البرستيج الفول أنجكشن ال 2000 سي سي أحسن من ال أم أى وأحدث
ومين قلك حكاية ضريبة الام أى اللى أقل ب من البرستيج 300 وبعدين ماتور الاى ام أخره موديل 92 لكن البرستيج لحد 97
A

405 Mi16 1905 Motronic 160hp 10.4
405 Mi16 1905 Motr 1.3 150hp 9.5
405 Mi16 Mi16 X4 (4WD) 1905 EFI Bosch 148hp Wi
405 SRi 1905 EFI Bosch 125hp
405 SRi (Automatic) 1905 EFI Bosch 122hp
405 GRX SRi,GTX 1998 EFI Bosch 123hp
405 T16 1998 EFI Turbo 200hp

[Nour_Peugeot]

طيب يا هيرو

الموتور ال t16 ده بكام ؟ و ضريبتة كام

و ثانيا هو ال mi انجكشن ولا لا ؟؟

وشكرا علي ردك السريع

[the-hero]

كل الألفين سي سي ضريبة موحدة تبدا من الف جنية لموديل السنة اللى هى 2008 وتقل 5% عن كل سنة أقدم يعنى كل سنة أقل ب 50 جنية والكلام ده على موديل العربية
أما ماتور ال تى 16 فهو ماتور جامد جدا بس نادر ويعملو فى رنج 5000 -6000 بالتيربو وعلى فكرة زعيم العصابة مركبوا ممكن تسألو وهو فيدك
أما ماتور ال ام أى أنجكشن بس موديل قديم أخرة 1992

[Nour_Peugeot]

يعني ال ام اي مش احسن من موتور البرستيج

[FLYINGPEUGEOT]

نور باشا

مواتير البيجو كتير اوى...لكن انت عايز حاجة قوية عشان الجرى وكده


1-موتور البرستيج
2000cc
8v
...موتور جميل وقوى ومتواجد وقطع غياره موجوده
لكن يعيبة صوتة العالى نسبيا...غير ان رغم قوتة الا ان اداءة غير رياضى بالمرة
ويعتبر اضعف الخيارات المتاحة فى التعديل
تراوح القدرة الحصانية له
من 122 الى 128 h.p لاخلاغ ال ecu فى بعض الموديلات
السعر من 3500 الى 5000 حسب الحالة والبلد المصدرة
.................................................. ..........................
2-mi16
كان بينزل فى ال 405 وال 309 فقط
رغم انه اقدم من البرستيج اللا انه انعم بكتييييييييييييييييييييييييييييييييييييييير
القدرة الحصانية من 148 الى 160 حصان لاختلاف ال ecu
السعر من 6500 الى 8000 حسب الحالة والموديل
والموتور دا يعتبر خيرة ماانتجت بيجو من مواتير ..موتور عجيب جدا
1905cc
16v
......................................

3-XU10/z4
2000 cc
16v
والاسم التجارى له gti-6
كان بينزل فى ال 306
موتور غريب الشكل ايضا اكسليريشن رهيب
167 h.p
فتيس 7 نقلات
لكن يعيبة ضعف اداءة على السرعات المنخفضة
ملوش قطع غيار ....
الموتور نفسة مش موجود
بيجى من بره...وتمنة من 8000 الى 11000 جنية
.................................................. .............
4-xu9 الخاص بال 205 gti
1905 cc
8v
130 حصان
اقوى وانعم من البرستيج
قطع غيارة متاحه
اداء رياضى جدا
عامتا فهو اختيار افضل من البريستيج
.................................................. .
5-xu10 الخاص بال 605 وال 406
2000 cc
8v turbo
150
155 h.p
حسب ال ecu
سعرة من 5000 الى 7000
موجود...لكن شغلة كومبلكس الى ابعد الحدود
............................
6- ال t16
2000cc
16v turbo

فى منه اكتر من اصدار
الاصدار الاول...وهو ال rally edition
والموتور دا اللى نزل فى ال 205 ال t16 wrc فقط وعلى فكرة النسخة دى دفع خلفى !!!
425 حصان بالتمام والكمال
طبعا نادر جدا...لكن لو حد عايزه انا قصادى واحد فى اليابان
والسعر جميل جدا عشان خاطرى انا هايجى ب 45 الف جنيه ... !!!!!!!
.................................................. ................
الاصدار التالت وهوالخاص بال 205 ال t16 النسخة التجارية
1800 cc
16v turbo
200 h.p
بردو قليل لكن موجود....
السعر حوالى 15000 جنية
.......
الاصدار الاخير فهو من نصيب ال 405 ال 16
2000cc
16v turbo
200 h.p
220 h.p
حسب ال ecu
قليل لكن بردو بيتجاب..لكن مابيجيش الموتور لوحده....لازم نص عربية كامل
والنص بيعمل من 20000 الى 25000 جنية
.................................................. .

بالاضافة طبعا الى مواتير ديزل عديده...لكن احنا مش بصددها حاليا

اخيرا وليس آخرا.....
لو هتمشى فى اللذيذ يبقى عليك وعلى البرستيج او ال 205 gti

عايز اداء رياضى بحت...مفيش قصادك غير الاسطورة معبود الانجليز
ال mi16
............
وشكرا
ورمتوا صوابعى

[Nour_Peugeot]

ص يا باشا بعد مناوشات كثيره

انا خلاص هصقت موتور ام اي 16 علي عربي بيجو موديل 1990

و كده هغير دونجل ورا و عفشه كامله قدام لو في حاجة تنيه ياريت تقلها

و ياريت تقلي هتكلف كام بالكامل كده و استهلاك البنزين بتاع ال ام اي علشان اهم حاجة عندي

و انا الحمد لله لقيت قطع غيار ليه في التوفيقية يعني هنخلص خلاص

اه و الموتور بيجي بالقتيس و التكيف ولا ايه البيتم

[Ahmed Hassan]

الله ينور عليك يا Flying Peugeot

والموتور دا يعتبر خيرة ماانتجت بيجو من مواتير ..موتور عجيب جدا

فعلا الموتور ده تحفه و فعلا عجيب. عارف ايه سر قوه الموتور ده و تفوقه؟؟ انا كنت قريت عنه كتير قبل كده... بس هستناك ترد عليا.

[FLYINGPEUGEOT]

الله ينور عليك يا Flying Peugeot



فعلا الموتور ده تحفه و فعلا عجيب. عارف ايه سر قوه الموتور ده و تفوقه؟؟ انا كنت قريت عنه كتير قبل كده... بس هستناك ترد عليا.

ربنا يخليك ياباشا :)

1-the genius ecu directions
2-the awesome cylinder head
specially its venerable valves

[Ahmed Hassan]

ربنا يخليك ياباشا :)

1-the genius ecu directions
2-the awesome cylinder head
specially its venerable valves

الله ينور عليك.... انت فعلا من الناس القليله اللي بتتكلم عن فهم و معرفه حقيقيين. فعلا الصبابات بتاعه الموتور ده اكبر ميزه فيه.. و هيه حجمها كبير مقارنه بسعه الموتور.


الكلام ده من المذاكره ايام الـ 205

[FLYINGPEUGEOT]

ص يا باشا بعد مناوشات كثيره

انا خلاص هصقت موتور ام اي 16 علي عربي بيجو موديل 1990

و كده هغير دونجل ورا و عفشه كامله قدام لو في حاجة تنيه ياريت تقلها

و ياريت تقلي هتكلف كام بالكامل كده و استهلاك البنزين بتاع ال ام اي علشان اهم حاجة عندي

و انا الحمد لله لقيت قطع غيار ليه في التوفيقية يعني هنخلص خلاص

اه و الموتور بيجي بالقتيس و التكيف ولا ايه البيتم

نور باشا اللى يقلك عنده قطع غيار mi 16 فى التوفيقية يبقى لامؤاخدة بتاع قيشار
مفيش حد بيبع حاجة للام اى غير المسيرى فقط
يوم ما تلاقى حاجة فى التوفيقيه هتلاقى الآتى
1-السيور
2-الجوانات
لانها بتشترك مع موديلات تانية 405 و605
.....
لاوم تبقى عارف ان قطع غيارة غالية جدااااا
على سبيل المثال لا الحصر...وش الاسبراتير فقط من 750 الى 1100 جنية
!!!!!!!!!!!!!!!!!!!!!!!!!!!!
لو هتركب ام اى يبقى ماتحطش فى دماغك حكاية استهلاك بنزين خالص ولا تحسبلها
لان الموتور دا غووووووول بنزين
......
تعمل حسابك عفشة ورا وقدام وبالموتور كامل بكل المصناعيات
تحط ميزانية كحد اقصى من 13 الى 15 الف جنية بالكتيييييييييييير
.....
اى استفسار انا معاك اهو
او ممكن تتصل على الخط الساخن