رايح مطار القاهرة ان شاء الله

[MoH.SaLaDiN]

السلام عليكم ورحمه الله
انا ان شاء الله حسافر من اسكندرية ورايح اجيب الوالدة من مطار القاهرة يوم الاحد القادم فا كنت عايز اعرف كذا حاجة اولا افضل طريق للمطار (يعنى اقل زحمة و اقل حفر ونقر ) هى المفروض الطيارة توصل ان شاء الله الساعة 8 مساءا تانى حاجة لو حبيت اروح فندق كونكورد السلام قبل المطار هل الطريق حيختلف ولا لا لانى لقيته جنب المطار اوى تانى بالنسبة للمطار من جوه انا المفروض اروح صالة 3 هل دى ليها بوابة مختلفة عشان حاسس انى ححتاس هناك بالنسبة للعودة ان شاء الله الطريق حيكون ايه وضعه الامنى

وشكرا مقدما

[foxhonda2008]

انت هتوصل لبوابه طريق القاهرة تعديها تكمل علي طول هيقبلك كوبري بالعرض قبليه في داخله يمين تسيبها و تكمل بعديه على طول في طالعه يمين تطلعها هتلاقي مكتوب ميدان لبنان تكمل على طول لحد لما تلاقي كوبري برده قبليه طلعه يمين سيبك منها بعديه طالعه يمين تطلعها و تفضل و اخد الطريق على طول لحد ما توصل لطريق الا سماعليه الصحراوي و تلاقي نفق تنزل و تطلع تكمل علي طول لحد ما هيبقلك نزله يمين على مطار القاهرة على طول و هناك تسأل فين صاله 3 ربنا معاك مشوار صعب و خلى بالك يوم الاحد القاهرة زحمه موت عشان كده اعمل حسابك في الوقت بالميت هتحتاج من كارته القاهرة لحد المطار مش اقل من ساعتين و نصف و قول ساعتين من اسكندريه للقاهره
عشان ست الحبايب كله يهون

[MoH.SaLaDiN]

تقريبا ده نفس الطريق اللى طلعلى على جوجل ماب بس حسألك هو اول طلعة يمين بعد اول كوبرى ده كده يبقى المحور واول طلعة يمين بعد تانى كوبرى اللى بيقطع المحور حيكون ده الدائرى صح كده ولا لا
هى الوصلة دى بتاخد ساعتن ونص عشان اوصل للمطار ده كتير جدا مفيش طريق اسرع

[Ahmed_Adham]

تقريبا ده نفس الطريق اللى طلعلى على جوجل ماب بس حسألك هو اول طلعة يمين بعد اول كوبرى ده كده يبقى المحور واول طلعة يمين بعد تانى كوبرى اللى بيقطع المحور حيكون ده الدائرى صح كده ولا لا
هى الوصلة دى بتاخد ساعتن ونص عشان اوصل للمطار ده كتير جدا مفيش طريق اسرع

أيوه أول كوبري المحور اتجاه ميدان لبنان وتاني كوبري الدائري اتجاه المؤسسه. ولو تيجي بدري بزياده وتقضي الوقت في اي كافيه في المطار احسن من انك توصل متأخر بسبب الزحمه وتخلي والدتك تستناك يعني الساعه 3-4 بالكتير تطلع من اسكندريه.