إعـــــــلان

Collapse

.

,
See more
See less

اختبار قيادة كابرس كلاسيك موديل 1988 (Drive Test)

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    اختبار قيادة كابرس كلاسيك موديل 1988 (Drive Test)

    اختبار قيادة كابرس كلاسيك موديل 1988 جميع الكماليات

    النوع:ـــــــــــــــــــــــــــــــ كابرس كلاسيك
    الموديل: ـــــــــــــــــــــــــ 1988
    الموتور: ـــــــــــــــــــــــــ حولي من 2500 إلى 5200 cc مش متأكد
    حجم الموتور : ـــــــــــــــــ 8 سلندر على شكل حرف V
    الفتيس: ـــــــــــــــــــــــــــ خمس سرعات أوتوماتيك
    الكماليات: ـــــــــــــــــــــــــــ جميع الكماليات والإضافات

    العربية دي نادرة في مصر مش عشان غالية عشان غول بنزين
    المهم العربية جميع الكماليات اللي تتخيلها بالإضافة إلى مثبت سرعة بذاكرة للعودة لآخر سرعة مثبته من لمسه واحده
    كبوت العربية لوحده بحجم ال 128 على بعضها
    تفتح الباب عشان تركب تلاقي الباب سماكته حوالي ربع متر لو إتقفل على إيد حد يكسرها فورا
    المهم تركب وتقفل الباب تحس إنك قاعد على الأنتريه وتظبط وضع الدركسيون على مقاسك وتظبط الكرسي بالكهربا حسب طولك وحجمك.

    تيجي تدور الصبح في التلج هتلاقي الهواية اللي قدامك تفتحها تلاقي مكتوب طريقة التدوير في الصباح الباكر وهي دوس بنزين على الآخر ثلاث مرات وبعدين دور ومن أول تكه والسخان الأوتوماتيكي يشتغل يسخنلك العربية يفضل مزود بنزين لوحده لحد ما تسخن لو مستعجل كارك البنزين يلغي التسخين الأوتوماتيكي

    المهم تيجي تطلع تعشق في ال D - طبعا الفتيس في الدركسيون والحكاية دي بتوفر مساحة كبيرة للصالون العربية – تدوس بنزين في وحش جوه الكبوت بيحرك العربية يقابلك مطب إنت هتهدي ولا إيه دوس بنزين وكله مش هتحس بيه من تقل العربية إلا لو كان جبل من جبال مصر.

    المهم بالنسبة للشد دوس زي ما إنت عايز مش هتقولك لأ أنا كنت بفتح من الصفر بدوسه وحده لغاية لما أخلص العداد في طريق سفر طبعا وثبات زي الحديد
    عداد السرعة مدرج لغاية 140 وبعد كده مفيش تدريج دوس وسلمها لله والمؤشر يفضل يزيد لغاية لما يوصل للصفر تاني
    التسارع محسبتوش ومظنش إني ألحق أحسبه المهم إنه مبهر

    التكيف معقول بس العربية كبيرة جدا مهما كانت قوته مبيغطيش العربية كلها

    حجم الصالون أنا لم أركب عربية في حياتي أوسع من الكابرس

    العربية قعدت معانا حوالي أربع سنين عمر ما عجلة ضربت وإنت ماشي زي ما البيجو 504 كانت بتعملها في كل مشوار

    الإكصدامات حديد كمر وشاسيه العربية كمر حديد من الأول للآخر

    العفشة كأنك قاعد على المرتبه في البيت والمساعدين ورا كانوا هواء ممكن تنفخهم عند بتاع العجل وتعلي العربية على مزاجك

    عيوب العربية كبر حجمها وإستهلاك البنزين العالي حوالي 120 كيلو في الصفيحة
    العيب الكبير قوي هو الحسد العربية دي بتتحسد جامد لدرجة مره كنا راكنين في ميدان الإسماعيلية بمصر الجديدة وواحدة ست معدية قالت بالنص (كل دي عربية !!!!! ربنا يحرقها ) طبعا كانت جدتي قاعده معايا في العربية وقعدت تزعق للست وتقولها حرام عليكي

    المهم أنا مركبتش بعدها زيها رغم إني جربت قيادة شيروكي 2003 بس مكنتش مرتاح فيها حاسس إني عالي قوي عن الأرض كأني راكب جمل والكابرس عندي أحسن منها سواء في الراحة أو التمكن من العربية

    طبعاً عربية سفر ليس لها منازع

    أتمنى إني أكون أفدتكم
    والله أعلم
    سبحانك اللهم وبحمدك أشهد أن لا إله إلا أنت أستغفرك وأتوب إليك
    [I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
    [/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]
    الكلمات الدلالية (Tags): 128, 1988, 20, 2007, 40, 50, 504, drive, test, أحسن, أوتوماتيك, اتزان, اختبار, البنزين, التسارع, الجديدة, السرعة, السعودية, اللهم, اللي, الي, بنزين, تاكسى, تكيف, ثبات, سرعة, صالون, طريقة, عايز, عداد, عربية, عفشة, عن, عيوب, غالية, غيار, فتيس, في, قابل, قطع, قطع غيار, قيادة, كابرس, كبوت, كرايسلر, كرسي, كل, كلاسيك, كماليات, للبيع, مرتب, مساعدين, مصر, مع, مقاس, من, موتور, موديل, نار, هل, هي
  • #2
    متشكريين يا احمد على الاختبار بس ياريت تجيبلى صورة ليها علشان الصراحة مش عارف شكلها و تقريبا سعرها كام علشان الواحد يكون عنده فكره برده :D :D :D
    hoko_mosha سابقا

    Comment

    • #3
      السعر حوالي 45 ألف والصورة هحاول أجبهالك إن شاء الله
      [I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
      [/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]

      Comment

      • #4
        ده كده على المواصفات اللى انت بتقولها تعتبر رخيصة قوى بس مشكلتها البنزين و الضريبة اكيد هتبقى عالية
        شكرا يا احمد على ردك و منتظر الصورة :)
        hoko_mosha سابقا

        Comment

        • #5
          شكرا يا احمد على الأختبار دة و شكلها عربية جامدة ما شاء الله
          [CENTER]الحمد لله[/CENTER]
          [CENTER] [/CENTER]
          [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

          Comment

          • #6
            العفو يا رجاله
            وآدي الصورة :
            (alt+p)[/img]
            [I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
            [/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]

            Comment

            • #7
              العربيه دى ممتازه فعلآ
              و عامه الأمريكانى كله فخم و ممتاز و انا اعتبرها احسن عربيات فى العالم بعد الفولفو طبعآ

              ركبتها مع واحد صاحبى كانت صاروخ
              و حاسس اننا بنطير بالعربيه
              العربيه كانت 5700 CC
              [CENTER][FONT=Comic Sans MS][SIZE=3]Don't Play With Fire[/SIZE][/FONT][/CENTER]
              [CENTER][FONT=Comic Sans MS][SIZE=5]Be The Fire[/SIZE][/FONT][/CENTER]

              Comment

              • #8
                شكرا يا احمد على الصور و اسف على تأخرى فى الرد
                hoko_mosha سابقا

                Comment

                • #9
                  العفو يا هوكو
                  إنت بس تقشر :D يعني تأمر
                  [I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
                  [/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]

                  Comment

                  • #10
                    زمن الامريكى راح خلاص العربية دى كنت بحبها اوى هى و كراون فكتوريا و جراند ماركز و لنكولن و كرايسلر عموما غير كدة كل الامريكى (GM) دلوقتى استراللى و الامريكى منه ملوش لزمة و قطع غيار اغلى من بنز
                    [CENTER][SIZE=4][URL="http://www.youtube.com/watch?v=AbR3fgcJacE"][B]People of The Lie[/B][/URL][/SIZE]
                    [/CENTER]
                    [CENTER]<!--EndFragment-->[/CENTER]

                    Comment

                    • #11
                      كابريس كلاسيك

                      العربية دى بسم الله ماشاء الله تحفة تحفة تحفة

                      كان عندنا واحدة موديل 1990
                      وللاسف مش عارف اعوضها لغاية النهاردة مفيش عربية قدرت تملا دماغى زى العربية دى
                      على فكرة بالنسبة للموتور هى معظمها موتور 8 سلندر 5700 سى سى وفى منها 8500 سى سى بس دى قليلة
                      العداد كان اخره 200 بس فعلا ممكن تكمل بعد العداد عادى جدا وحتى على سرعة 200 تحس انك ماشى على 60 بسم الله ماشاء الله من كتر اتزان العربية
                      كماليات العربية مش موجودة فى عربيات كتير النهاردة كراسى كهرباء 10 اوضاع
                      مثبت السرعة
                      حتى حزام الامان كهرباء بيشتغل مع الفرامل يعنى مهما حاولت تشد الحزام عشان يعشق مش هيعشق معاك لكن فى حالة الفرملة القوية هيعشق.
                      بصراحة انا بعشق العربية دى
                      Waleed Abbas

                      Comment

                      • #12
                        'طب الكابريس كلاسيك 1987 سعرها كام اليوميين دول لو حالتها نظيفة و هل قطع غيارها متوفرة
                        مع تحياتي
                        أحمد سرحان

                        :satelite:
                        [url=http://www.postimage.org/image.php?v=Pq1Kza_0][img]http://www.postimage.org/Pq1Kza_0.jpg[/img][/url]

                        Comment

                        • #13
                          شكراً على التقييم
                          [CENTER][shfaf2]http://yfrog.com/na02f1gpmalaysia1133j[/shfaf2][/CENTER]

                          Comment

                          • #14
                            شكرا على التقييم
                            العربية دي في السعودية 2000 ريال بتكون جايبها
                            ولو نظيفة اخر حاجة ممكن 5000
                            انا بحب الميركوري 1989 كمان
                            واحسن حاجة بتعجبني فيهم
                            انها وااااااااسعة +متحسش بالمطبات نهائي
                            بس متنفعش في شوارع مصر الضيقة لانها كبيرة
                            [mtohg=null]http://img104.herosh.com/2011/03/13/883603718.jpg[/mtohg]
                            :S_thum1[1]:

                            Comment

                            • #15
                              العربيات دى كانت منتشره جدا ايام ما كنت فى السعوديه و كانت تاكسى هناك غالبا
                              انا سوقت عربيه زى دول مره واحده بس كانت طيااااااره العربيه بتجمع سرعه بطريقه غريبه بس كانت 2800cc
                              6 سلندر 210 حصان
                              [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

                              -- اللهم ارزقنيها --
                              [/COLOR][/SIZE][/CENTER]

                              Comment

                              السابق 1 2 3 template التالي
                              Working...
                              X