مسجد مصطفى محمود من المعادى

[sherif222]

ممكن حد يوصفلى بطريقة سهلة ازاى أوصل لمسجد مصطفى محمود من المعادى بالعربية ... وايه كمان أشهر الأماكن الموجودة فى هذه المنطقة علشان الواحد يلم بالمنطقة كلها .. شكرا

[sherif222]

ايه يا جماعة .. ما حدش عارف الطريق ولا ايه !!! ده أنا لسه كنت حسألكم عن مستشفى مصطفى محمود لأنى عرفت انها بعيدة عن المسجد ... أشكركم

[amr011111]

انت تاخد كوبرى اكتوبر تنزل اخر نزله فيه خالص وبعدين تاخد اول يوتيرن وتخليك ماشى طوالى الشارع اللى انت ماشى فيه ده اسمه البطل احمد عبدالعزيز بعد ما تخلصه هتلاقى نفسك فى شارع جامعة الدول العربيه

هيبقى المسجد وراك فهتلف من اول لفه وترجع تانى تلف من اول لفه
تبقى قدام المسجد
فيه وصفات اسهل بس اكمنك اول مره تروح فديه اسهل وصفه

[exelence]

أشهر الأماكن من ناحية ايه يعنى مثلا" محلات ولا شركات و لا شوارع يعنى هادى لحضرتك أمثله :
نادى الزمالك اخر الشارع شمال و بعد منه نادى الترسانة.
أول الشارع تقاطع مع شارع السودان يوديك على بولاق و ناهيا و الجيزة او لو مشيت العكس يوديك ارض اللواء و ميدان لبنان و فى الأخر الكيت كات و امبابه.
لو عديت الناحية الثانية من المسجد هتلاقى نفسك عند شارع شهاب و شارع سوريا.
فى شارع البطل احمد عبد العزيز هتلاقى شركة Vacsera المسئولة عن تطعيمات الأطفال.

[Abo Yasso]

بص ده طريق طويل شويه بس ده اسهل حاجه عشان متسألش حد وانت فى السكه
انا مش عارف انت فين فى المعادى وعاوز تمشى اواوستوراد ولا كورنيش
امشى لغايه ميدان عبد المنعم رياض(اللى عند ميدان التحرير) اطلع كوبرى اكتوبر (الطلعه الشمال) وبعدين هتمشى على الكوبرى مسافه 3 كيلو تقريبا تنزل اخر الكوبرى(اخر الكوبرى نزلتين واحده على الاتجاه اللى يودى على جامعه الدول والتانيه مالناش دعوه بتودى فين ) المهم هتنزل النزله اليمين وهنفضل ماشى فى ش البطل احمد عبد العزيز لغايه اخره (هتلاقى على يمينك ماك ) خود اليوتيرن اللى على شمالك فى اول يمين (من جمب دونتس هاوس) دقيقه بالظبط هتلاقى مسجد مصطفى محمود

[sherif222]

أشكركم على ردكم شكرا جزيلا