من الاسكندرية لشرم

[t.fatehy]

السلام عليكم
أنا كنت عاوز أسافر من الاسكندرية إلي شرم ومحتار أسافر أزاي
أنا حسافر مع الاسرة وخايف أسافر بالسيارة علشان القلق اللي الواحد بيسمعه خاصة أني خارج مصر حالياًً ومش شايف بنفسي اللي بيحصل من سرقة وخطف وتثبيت (مع انها حصلت معي شخصيا قبل ما أسافر بس ربنا ستر)
بصراحة عاوز نصيحة اسافر بالسيارة ولا بحاجة تانية
ولو سافرت بالسيارة اروح أزاي لأني بصراحة مش عارف الطرق الداخلية نهائي لدرجة أني بتوه في معشوقتي الاسكندرية اللي محدش ينفع يتوه فيها
عارف أني ممكن اسافر عن طريق القاهرة ثم إلي شرم بس بصراحة حاسس أني حتوه ده علي اساس أني استاذ توهان
وفي الطريق الساحلي من الاسكندرية (طريق دمياط والاسماعيلية) سمعت ناس شكرت فيه علي اساس أنه سهل مش بيتوه بس ناس قلقتني من الأمان فيه (لي اصدقاء أتثبتوا علي الطريق ده)
طبعاً أنا حسافر أن شاء الله فجرا مع أول ضوء للنهار علشان الأمان
دلوني علي النصيحة ولو كانت اسافر بالسيارة يبقي أزاي اسافر وأنا مطمن ويبقي طريق سهل لي كل لا أتوه بالطريق
شكراً لكم جميعاً

[dodo2000]

سافر بالسوبرجيت افضل

[t.fatehy]

شكراً لردك أخي الكريم
طيب السوبرجيت أخباره أيه علشان معايا أطفالي والطريق طويل
وبصراحة برضة متردد في موضوع السيارة مع أني بقول أخدها لأني من ساعة ما أشترتها وهي محطوطة في جراج لظروف سفري خارج مصر والعربية ممشتش بيها ألا 3000 كيلو وقلت أمشي بيها شوية
زي ما أنت شايف متردد في القرار

[dodo2000]

السوبر جيت بيطلع 9 بليل من الموقف الجديد و بيوصل 6 الصبح و مش بيكون زحمة و قعدته مش متعبة خالص و بيقف ريست كذا مرة و هيبقى افضل من العربية و تعب السواقة و لا قدر الله حاجة تحصل ولا حد يعمل حاجة على الطريق و التاكسيات فى شرم مش غالية اوى و ممكن تفاصل معاهم عادى

[t.fatehy]

جزاك الله خيراً أخي الكريم

[mohamed_selim]

لو هتروح بالعربيه انسى موضوع الطريق الساحلى ده هتاخد الطريق اسكندريه القاهره صحراوى و دائرى لحد طريق السويس و تمسك طريق السويس للنفق و منه داخل سينا على شارم
لو دورت فى منتدى الطرق فى حد كان بيسال برضه على الطريق من اسكندريه لشرم و هتلاقينى رادد عليه بالتفصيل الممل

[t.fatehy]

بارك الله فيك استاذ محمد
أنا فعلاً مش عارف أأخذ قرار لأني خايف اسافر بالسيارة أتوه وبصراحة بعد اللي قريته خفت أكتر ههههه
وزي ما قلت عن نفسي أنا أستاذ توهان والحمد لله
وفكرت في الطريق الساحلي علشان ساهل يعني ميتوهش وده اللي فهمته من الشباب
وبرضة بصراحة فكرت أخد طيران بس مستغلي الموضوع لأني لقيتها حتخش معايا في حوالي ستة ألاف جنيه (تمن التذاكر)

[mohamed_selim]

الطريق الساحلى ميتوهش لحد دمياط و بعديه بقى صباح القرف ... الحته الوحيده اللى ممكن تتوه فيها هى فى القاهره على الدائرى و دى حسب انت هتسافر يوم ايه و هتكون عند بوابات القاهره الساعه كام ممكن يتوصف طريق يسهل الدنيا تماما
السوبرجيت اريحلك من السواقه و غالبا انت نازل all inclusive فى شارم فمش هتحتاج تخرج من افلندق كتيريعنى يمكن مره او مرتين بالكتير فى ال 4-5 ايام اللى انت قاعدهم هناك

[MR A7MED]

بما انى من جنوب سيناء اللى اقدر اقوله لحضرتك طريق جنوب سيناء من اول النفق لغايه شرم الشيخ اأمن طريق فى مصر
مفيش اى مشاكل منه ان شاء الله

وتروح وترجع بالسلامه

[t.fatehy]

بارك اللهم فيكم جميعاً وجزاكم الله خيراً