جحيم بعد بوابات اسكندرية

[seamans4]

انا قلت انزل بدرى واروح اسكندرية
نزلت الساعة 5 الصبح من مدينة نصر وكان الطريق تمام التمام
اول ماعديت بوابات اسكندرية شفت الجحيم بعينة من تكسير و ميكروباصات هوايتها المفضلة انها تخبطك
و انتهى المطاف بأتوبيس زقنى علشان بس يعدى منى و يلف !!!! اة و المصحف دة اللى حصل
سير عكسى
دبش
تكسير
بلاعات او بالاصح ترب مفتوحة
مطبات !! مش عارف عاملينها لية رغم وجود كل دة
ناس فى قمة الاحترام لو مكسرتش عربيتك ومشيت بسرعه هتسمع اسم الوالد و الوالدة كتييييييير
انا معايا فولفو 60 بس خلاص ناوى اروح بيها التوكيل بعد العلقة دى
و الحمد لله وصلت بدرى الساعة 11 !!!!!!
المشكلة انى راجع بكرة مش عارف هرجع منين ؟

[svneleven]

أنا عملتها من كام يوم ب e90 لكن روحت صده رده مشيت الساعة 8 الصبح و رجعت 2 الضهر. نمت لحد تاني يوم.

[elpasha1]

حمد لله علي السلامة
المهم انك بخير

[fourseasons]

يا باشا انت حضرتك كملت بعد البوابات و كوبرى العامرية ولا دخلت طريق محور التعمير؟ لأن الصح ان حضرتك تدخل محور التعمير احسن 1000000000000000000 مرة من انك تكمل على مرغم عشان اعمال الطريق

[مصطفى-حسن]

بيصلحوا الطريق من من بعد العامرية وانت نازل لحد كارفور

رايح الخميس القادم يعنى كمان اسبوع قولولى اعمل ايه وامشى ازاى الله يكرمكم ولا اروح من الزراعى الجمعه الصبح بيبقى رايق واخد الطريق الحر من الدفره ل كفر الزيات اللى بيعدى الغربيه وطنطا

[Mostafa.Mahran]

انا كل يوم فى الطريق ده لحد ما اتعودت عليه خلاص بس بصراحة الحتت الصغيرة الى خلصت بقت جميلة جدا

[seamans4]

فعلا زى ما قال fourseasons محور التعمير افضل 100 مرة

[S O P H O S]

ده كده الواحد ميسفرش