تجربة فعلية لسواقة 207 الجديدة لمدة يومين

[zamalek26]

السلام عليكم


يا جماعة دة اول موضوع لى اعملة فى المنتدى المحترم دة :
وانا بتابع من زمان مواضيع عربيات كتير بس اول موضوع لى كان من نصيب سواقة ال207 اللى انا شايف اناها كويسة بس فى عيوب لاحظتها فيها واتمنة ان حد يفيدنى بمعلوماتة او يصححها:


العربية شكلها ممتاز واحلى بكتير من 206
العربية كانت موديل 2008
مش عارف هى فئتها اية بس اعتقد كدة انها التريندى trendy لان ماكانش فيها
فوج لايت -والزجاج مانيوال وارة- الكهرباء بس امامى- اتوماتيك طبعا- بدون سقف بانوراما- ريناجات اعتقد انها 17- بس رينجات عادية مش سبورت- تكيفها فوق الممتاززززززززززززز تلاجة بمعنى تلاجة-

العيب اللى لاحظتة فيها ان لما تدوس على البنزين جامد فى اول طلعة ما يتستجيبش معاك علطول ومش عارف السبب دة من اية يعنى كانت بتاخد وقت 7 ثوانى عشن تستجيب معاك -
العيب التانى كان صوت الموتور مسموع وانا ماشى وفاتح الشباك.. برضو غريبة ياريت اعرف السبب من اهل الخبرة للسؤالين دول لانهم خنقونى اوى وترددت انى اشتريها ؟؟؟؟


لما سالت المعرض اللى اجرت منة قالى دة ماتورها 1600 سىسى!!!!!!!! غريبة جدا لانى مش حاسس بكدة لية مش عارف ؟


وكمان قالى دة 110 حصان طب ازاى يا جماعة الملاحظات اللى بقول عيها دةة بتحصل؟؟؟؟؟ لما تكون 1600 سى سى و110 حصان ؟؟؟؟


مستنى ردودكم

لكن العربية رياضية وجميلة جدا بس ما عدا العيوب دة اللى زكرتها بس للاسف مش هشتريها لان العيب دة ضايقنى انا عاوز عربية اشد عليها تستجيب معى مش تهنج او ترد متأخر بصراحة مش عارف معالجة الموضوع دة اية؟؟؟ هل دة بسبب الهورس باور طب ازاى احنا كنا فردين فى السيارة والعربية اصلا هاتش باك يعنى مش تقيلة؟؟؟


ملحوظة العربية ثابتة جدا جدا على الارض.

وملحوظة تانية لما بتسحب معاك بعد لما بتستحيب بعد فترة من 7 ثونى ل 10 ثوانى تجرى بقى معك حلو وعادى بعد كدة ........

انا عاوز انزل صور لها بس مش عارف ازاى؟
اللى عاوز ممكن ابعتلة على الايميل بتاعة

[amr mokhtar]

الف شكر على الموضوع
بص يا سيدى بالنسبة للنقط اللى انت قلت عليها

أولآ اعتقد ان العربية دى كانت 1400 لإن هى اللى بتبقى بالمواصفات اللى انت قلتها
لإن 1600 بتبقى كاملة و فيه منها اوتوماتيك كمان

الحاجة التانية اى عربية إنجكشن و فيها وحدة كمبيوتر لو دوست على دواسة البنزين جامد العربية مش هتستجيب معاك خالص و هتعمل زى ما انت قلت بالظبط و دى بتحصل عندى فى العربية و كذا عربية تانية انا سقتها فده حاجة عادية
المفروض إنك لما تحب تسحب جامد بالعربية تدوس بالتدريج (طبعآ اسرع من المعتاد)هتلاقى العربية بتستجيب معاك زى الحلاوة

الحاجة الثالثة و هى الصوت العالى فكل العربيات الاوروبى صوتها بيبقى مسموع بس مش مزعج أبدآ بالعكس انا بحب الصوت ده

لو جربت العربية دى تانى يبقى أعمل زى ما قلتلك و إن شاء الله هتلاقى فرق كبير فى السحب
لإن فيه واحد صاحبى جرب العربية دى قبل كده و كانت 1400 و قالى سحبها أشد من العربيات ال1600

[Tariq]

seyanet we qeta3 3'eyar 207

Can anyone tell us about the prices of the spare parts wel seyana we keda westehlakha le banzeen? I really thinking about it and I saw it fel tawkeel werta7telha geddan belsara7a

[zamalek26]

سلام عليكم

Can anyone tell us about the prices of the spare parts wel seyana we keda westehlakha le banzeen? I really thinking about it and I saw it fel tawkeel werta7telha geddan belsara7a

العربية هنا فى الكويت اعادة بيعها فى الارض وقطع غيارها نار