معروض عليا بيتلز موديل 69

[drjadoire]

هاي شباب
معروض عليا بيتلز موديل 69 موتور 1500
العربيه معدله سبعينات وشكلها روش متجنطه وفيها صالون حلو
بس سعرها انا شايف انه عالي ايه رايكم
مطلوب فيها 16 الف
اعمل ايه؟؟
هل ده سعرها
وهل البيتلز موديل 69 افضل من البرازيلي موديل ثمانينات او اواخر السبعينات؟؟؟
يا ريت تفيدوني لاني محتار
انا قدامي واحده برازيلي 1300 موديل 79 ومطلوب فيها 15
يا ريت تقولولي الافضل
علما بان الموديلات القديمه برده تخوف

[أحمد سالم]

السلام عليكم
هو طبعا الالمانى كان افضل لانه هو الاصل
بس طبعا مدة استخدامه اكبر من البرازيلى والماكسيكى
لهذا دلوقتى اعتقد انه مافيش فرق
كمان الفروق بين البرازيلى والالمانى هى فى البودى الخارجى فقط
من ناحية متانة المعدن
طبعا انصحك بالموديلات الحديثة
لاننا مش عارفين ايه اللى هيحصل قدام شويه فى ترخيص الموديلات القديمه

[drjadoire]

ايوةا يعني انتم رايكم البيتلز موديل 69 ال1500 سي سي ولا البرازيلي موديل 79 موتور 1300
يا ريت تفيدوني
الاتنين شكلهم حلو بس الالماني القديمه موتورها اقوي والحديثه موتور 1300
وناس بتقولي البرازيلي صوته اعلي من الالماني لان الالماني فيه كواتم صوت
وانا خايف اخد الالماني عشان قديمه بس هي روشه جدا
ومحتار
ايه رايكم

[أحمد سالم]

خليك فى الوديل الحديث افضل

[hotboja]

خد الالمانى على شان مش هيخليك تحتاج لحاجة تانى

وسئل ميكانيكى وشوف هيقولك اية
مع ان الاجابة معروفة هيقولك الالمانى

[drjadoire]

انا اخت الميكانيكي وشاف الاتنين
الالمالني طلعت صاجها مش حلو ومش فابريقه ولما بضص في الشاسيه سليمه بس لقاها 63 مش 69
وشاف التانيه البرازيلي لقاها موديل 78 وفابريقه ومتورها فيه شويه زيت بس طلع بوجيه هو اللي بيعرق زيت الحمد لله
ايه رايكم
البرازيلي حلوه ويا تري ايه عيبوها يعني؟؟

[ahmed_esmail]

حرام عليك غاليه جدا
15 او 16 دول تجيب لادا 1600 موديل 81 او 82