بولو 99 ولا ابيزا 99

[ahmedbadr_99]

السلام عليكم يا جماعه
انا محتار بين بولو 99 وابيزا 99 مش عارف اشتري مين الكل بيقول نفس الموتور والعفشة . بس في الكفاءة ولاداء مين احسن بالرغم ان ابيزا 99 اثقل من بولو 99 هايكون السحب اقل اعتقد كده
وبعدين لما احب ابيعها فيما بعد مين اسهل
وكمان مين قطع غياره احسن
والافضل في الشد والجري
ارجو الافادة
شكرا يارجاله

[ahmedbadr_99]

هو فيه حد موجود يرد عليا ولا انتظر

[iBiZa]

انا محتار بين بولو 99 وابيزا 99 مش عارف اشتري مين الكل بيقول نفس الموتور والعفشة .

فعلا الكلام دة مظبوط, الاتنين تقريبا واحد.

بس الIbiza هتلاقيها نازلة فابريكة 4 زجاج كهرباء وسنتر هواء و مرايات كهرباء و بس.

الPolo هتلاقيها نازلة تكييف و باور بس.

اى حاجة غير اللى مكتوب دة يبقى غالبا متركب.

بس في الكفاءة ولاداء مين احسن بالرغم ان ابيزا 99 اثقل من بولو 99 هايكون السحب اقل اعتقد كده

الIbiza ثابتة اكتر من الPolo فى الملفات (مش معنى كدة ان الPolo وحشة) انا قصدى الملف اللى تاخدة مستريح فى الPolo على 80, هتاخدة فى الIbiza على 100 و فى كل الاحوال الملف اللى انت واخدة 80 مش هتلاقى حد بيعرف ياخدة بسرعتك.

الPolo هتلاقيها تجميعها اسرع حاجة بسيطة و يمكن مش ملاحظة كمان.

وبعدين لما احب ابيعها فيما بعد مين اسهل

الاتنين بيعهم سهل و سوقهم ماشى.

وكمان مين قطع غياره احسن

الاتنين حاجتهم موجودة جديد عند كل الناس, بس الPolo حاجتها استيراد موجودة اكتر.

والافضل في الشد والجري

خللى بالاك ان 1000cc مش موتور جرى, دة موتور اخرة يوديك و يجيبك و يوفرلك بنزين فا ما تستناش منة اكتر من كدة.

هو فيه حد موجود يرد عليا ولا انتظر

ذى ما قلنا قبل كدة يا باشا, دة مش Chat Room فا اسئل اللى انت عايزة و هتلاقى حد يرد عليك لو مش فى يومها يبقى تانى يوم.

و فية ناس بتقرأ اسئلتك و مش بتكون عارفة الاجابة فا مش عايزة تفتى.

[ahmedbadr_99]

شكرا يا رجاله ودائما كده رفعين راسنا وتحيا مصر

[ahmedbadr_99]

معروض عليا عربية بولو 2001 عامله 156 الف وصاحبها طالب 46000 سعرها كده كويس ولا قليل علي غربية من نفس الموديل
وبعدين 156 الف مش يبقي الموتور بدا يتعب ولا ايه
وفي واحد عارض ابيزا 99 عامله 89 الف فول اوبشن وبيتكلم في 39500 بس الصراحه عربيه موديل 99 وعامله 89 مش احاجه تقلق ممكن يكون العداد ملعوب فيه ؟

[iBiZa]

معروض عليا عربية بولو 2001 عامله 156 الف وصاحبها طالب 46000 سعرها كده كويس ولا قليل علي غربية من نفس الموديل
وبعدين 156 الف مش يبقي الموتور بدا يتعب ولا ايه

سعر العربية فى السوق من 48 الى 52 حسب الحالة.

كدة ممكن التكييف و الباور ميكونوش الاصلى بتوعها او ممكن العربية يكون فيها حاجة.

و ممكن صاحبها منزل فى تمنها عشان يبيع بسرعة.

اكشف عليها عند محمد سمير و هو هيقولك كل حاجة فيها و اية اللى هيحتاج يتغير فيها.

156 دة مش رقم لو الService بتاع العربية بيتعمل فى مواعيدة, العربية مرتاح توصل معاك ل400 او 500 من غير اى مشاكل.

وفي واحد عارض ابيزا 99 عامله 89 الف فول اوبشن وبيتكلم في 39500 بس الصراحه عربيه موديل 99 وعامله 89 مش احاجه تقلق ممكن يكون العداد ملعوب فيه

اية الكماليات اللى فيها ؟؟
رشة اية ؟؟

هو سعرها قليل شوية و بس جايز حاجة من اللى قلتها قبل كدة.

العداد لو فعلا قليل بيبان على العربية. بتلاقى حتت كتير فابريكة و شكلها واقف الصالون و الدواسات سليمة.

موضوع العداد: كل شىء وارد فى بلدنا.

[mohamed ibiza]

مش هتكلم بعد ibiza الله ينور عليك:)

[iBiZa]

يا باشا متقولش كدة, دة انت كفاية انك شرفتنا

[Mohamed_Ibiza]

ابيزا انت قولت كل حاجة

بس كان فيه حاجة عايز اقولها

انا كمان متهيالي ان الابيزا اوسع شوية من البولو من ناحية الصالون والشنطة

انا مش متاكد بس ياريت حد يعلق على كلامي

تاني حاجة 89 الف كيلو على عربية 99 معقول جدا وبيبان فعلا ع العربية زي ما ابيزا قال

وبعدين انا عربيتي موديل 94 وعاملة 87 الف كيلو

يعني عادي ياباشا بس اتاكد ان فعلا استهلاك العربية بسيط زي كده

[iBiZa]

انا كمان متهيالي ان الابيزا اوسع شوية من البولو من ناحية الصالون والشنطة

فعلا فاتتنى دية, الصالون و الشنطة و الحوض كمان بتوع الIbiza اوسع من الPolo.