6 اكتوبر

[yasser hussien]

والعنوان هو القطعة 45 المنطقة الرابع بين ابنى بيتك 4 وشركة سنابل
عايز يا جماعة حد يوصفلي العنوان ده ازاي اروحة من الدائري بتاع المعادي/طريق المريوطية
للاهمية القصوي/وكل سنة واعضاء المنتدي بخير وسلام رمضان كريم عليكم

[فتح الباب]

من الدائرى هرم هتاخد محور 26 يوليو ثم طريق الواحات هناك اسأل
وبعدين مافيش حاجه اسمها معادى فيصل زى ما انت كاتب ايه اللى جاب المعادى للمريوطيه

[mohamed_selim]

هتمسك دائرى المعادى و تعدى النيل و توصل وصلة المريوطيه تكمل و تنزل يمين اتجاه الصحراوى و تنزل الصحراوى كانك راجع القاهره فى اتجاه ميدان الرمايه .... توصل لاشارة الميدان تخش يمين فى طريق الفيوم و تكمل طوالى ... هتعجى طريق الواحات و تكمل طوالى شويه هتلاقى عماير يمينك ... ابنى بيتك 4 جوه هناك بس هنحتاج تسال لما توصل
و دى خريطه : Wikimapia - Let's describe the whole world!

[yasser hussien]

ياريت لو حضرتك رحت هناك قبل كده توصفلي المنطقة وهل المكان جميل ولا مش حلو وياريت المسافة بالعربية من دائري المعادي لحد هناك تاخد وقت اد ايه

[mohamed_selim]

انا عديت على المكان من بره بس مدخلتش جوه
من دائرى المعادى معرفش بس من اول ما توصل للرمايه لو الدنيا ماشيه هتاخد بتاع عشر دقايق ربع ساعه