جلب مقصات وبيض اسكترة لل fsv

[mohamedali8588]

كل سنة واعضاء المنتدي الكرام بخير بمناسبة شهر رمضان المبارك
عندي صوت دقدقة كبير في عربيتي fsv بيظهر في الشوارع اللي مش معتدلة وكمان الدركسيون بيرعش لما اكون ماشي علي سرعة90 فما فوق والعفشجي قالي انها محتاجة جلب مقصات وبيض دركسيون
فهل ممكن اركب بيض وجلب مقصات الماني من بتاعة الفولكس جولف او اوكتافيا وهل سعرها كويس
ولا ايه رايكم اركب بتاعة العربية الاصلي ان لقيتها ويا ريت رنج سعرها كام
وشكرا

[SYD]

عفشة الجولف 4 بالكامل بتركب عندك في البيرليانس
فرق السعر كبير بس فرق الجودة والعمر الأفتراضي بردو كبير جداً
اهم حاجة تشتري قطع الغيار دي اصلية من تاجر فولكس معروف
انصحك تنزل شارع دمشق وتسأل هناك

تحياتي

شكرا علي الاهتمام وان شاء الله هعمل بالنصيحة ولنا لقاء ان شاء الله

[khaledazizeg]

انا غيرت في عربيه والدي جلب المقصات قبل كده وكان الواحد الالماني الاصلي ب٨٠ جنيه
وتيشات الدركسيون الي هيا بيضات الدركسيون بالعمود يتاعها جبت الاصلي ب٣٢٠ جنيه الطقم وبقالهم تقريبا اكتر من ٣ سنين راكبين عامتا هما بتوع الجولف ٤

[Mostafa Hessen]

كلام سليم 100%

شاكر اهتمام كل الزملاء