إعـــــــلان

Collapse

.

,
See more
See less

تغير لمبة شاشة البيانات بالكليو "أفضل موضوع لشهر مايو 2009 عن قسم رينو "

Collapse
X
Collapse
 
  • Page of 4
  • Filter
  • الوقت
  • Show
Clear All
new posts
السابق 1 2 3 4 template التالي
  • #1

    تغير لمبة شاشة البيانات بالكليو "أفضل موضوع لشهر مايو 2009 عن قسم رينو "

    [frame="7 80"]
    تم اختيار هذا الموضوع كافضل موضوع لشهر مايو 2009
    [/frame]
    السلام عليكم

    أنا عارف إن من قراءة العنوان ممكن حد يفتكر إن الموضوع بسيط....لأ

    الأسبوع الي فات شاشة البيانات (الي فيها بيانات الساعة والراديو) نصها طفى....طبعاً حاجة زي دي بتنكد عليا عشتي ولازم أصلحها يعني لازم:k41: إجتهدت لمدة ثلاث أيام في البحث وسط منتديات فرنسية وبريطانية وإكتشفت إن لازم التابلوه كله يتفك :ack2::ack2:!!!....ماتتخضوش أقوي كدة!!....إستمريت في البحث لحد ما جمعت كل المعلومات اللازمة لفك التابلوه وتغير اللُمد من الاف الى الياء......الي تعبني جداَ في البحث إنك ممكن تخش على منتدى فرنساوي تلاقي واحد شارح بس من غير صور وطبعاً إنتو عارفين أنا ثقافتي تايواني:D.....المهم جمعت كل المعلومات من كذا منتدى وحبيت أشرحلكوا بالمصري الخطوات اللازم إتباعها:
    1-قبل البدء بـ20 دقيقة يجب فصل البطارية ( عشان ممكن الإيرباج يضرب في وش سياتك وإنت بتشيل التابلوه)
    2-إستخدام مُفك نجمة مقاس T20
    3-مجموع المسامير الي هاتتفك 11 مسمار ( هاتشوفوا أماكن المسامير في الصور )
    4-شراء لُمد Tungsten 1.2W اللمبة بـ5جم وأنا مصورها هاتشوفوها صغيرة جداً ( ما تسترخص في شراء اللُمد عشان مش كل يوم هاتفك التابلوه )

    طيب هانشوف الصور...( في شرح تحت كل صورة)


    صورة الشاشة نهاراً واللمبة اليمين محروقة


    صورة الشاشة بالليل


    صورة التابلوه والأسهم بتشير لأماكن المسامير...المسامير الي قوق موجودين في فتحات التكيف (خد بالك وإنت بتفك مسمار يقع في فتحات التكيف) والي في الجناب بتشوفهم لما تفتح الباب -في مسمارين تحت الدركسيون (أنا مركب صورتين على بعض عشان مش عارف أخده كله صورة واحدة)



    لازم تشيل الجلد بتاع الباب عشان تفك الجرايد الي على الجنب عشان التابلوه يطلع


    الموضوع سهل جداً...مجرد تضغط على البلاستيكة الي الصورة وبعدين الباقي ماسك بكلبسات


    ده المسمار الي على كل جانب


    المسمارين الي تحت الدركسيون


    لما تفك المسمارين الي تحت الدركسيون القطعة الي فوق دراع الإشارات والأنوار تمسكها من ورا وتحركها ورا وقدام هاتلاقيها إتخلعت



    إهنا أصلاً بنفك الي القطعة الي فاتت دي عشان نوصل للمسمارين دول ( ولاديل إيه!!!:D)

    نكمل ولا تعبتوا....هانت خلاص


    بعد ما فكينا المسمارين الي تحت العدادت كده التابلوه مفيش أي حاجة ماسكاه...هاتمسكه من النص كدة وهاتلاقيه طلع معاك بمنتهى السهولة


    إيه رأيك بقى في العك دة:ack2:.....هانفك المسمارين الي ماسكين شاشة البيانات عشان نعرف نغير اللُمد بسهولة


    شاشة البيانات من الخلف


    أحسن برضه نفك الفيش بتاعتها....شوف الفرنسيون دول مشكلة...بص على الفيشة... لازم ترفع الجاك لفوق وتلاقيها طلعت زي الملبن:D





    الدوايتين الي ورا دول هم الي فيهم الشغل كله




    إيه رأيكه بقى ؟؟؟:D:Dطبعاً أنا غيرت اللمبتين....النتيجة مبهرة الصراحة


    أي أسئلة أنا تحت ألامر
    اللهم أجعل سائر أعمالنا خالصةً لوجهك الكريم
    [CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]
    الكلمات الدلالية (Tags): 20, 2006, 2007, 2008, 2009, 40, font, zx, أحسن, أفضل موضوع لشهر مايو 2009 عن قسم رينو, اختلافات, البيانات, الجديدة, اللهم, اللي, الي, اوبشن, بالكليو, بنزين, بوصة, تغير, تغيير لمبة, تكيف, تنظيف, توكيل, توكيل رينو, خدمة, دى, رائع, رينو, رينو كليو, شار, شاشة, شاشة بيانات, شراء, شرح, شوفو, صور, عداد, عرض, عن, فرق, في, فيشة, قطع, قطعة, قلب, كاسيت, كل, كليو, كليو 2, كهربائى, لمبة, مشكلة, مصر, مع, معلومات, مقاس, من, مين, هل, هنا, هي
  • #2
    ماشاء الله يا عمرو
    شغل ميه ميه و لا أروع من كده
    إنت راجل دماغ

    Comment

    • #3
      الله ينور ياباشا

      الصراحة انا كنت خايف ع التابلوه بعد ما شفتك عمال تفك في المسامير

      قلت اكيد التابلوه ده نهايته وحشة

      بس الحمد لله ربنا ستر

      هههههههههههههه

      الف مبروك ع اللمبات
      [CENTER][B][U][FONT=Impact][COLOR=darkorange][SIZE=6]ALeX GR0UP[/SIZE][/COLOR][/FONT][/U][/B][/CENTER]
      [CENTER][B][COLOR=dimgray][FONT=Comic Sans MS][SIZE=4]Se@t ReV0luTioN[/SIZE][/FONT][/COLOR][/B][/CENTER]

      Comment

      • #4
        احييك على شغلك بايدك.
        [CENTER][COLOR=Red]لأي استفسار أو شكوى بخصوص الإدارة والإشراف والدعم الفني، يرجى المراسلة على:[/COLOR]
        [/CENTER]


        [RIGHT][CENTER][COLOR=Navy][B][EMAIL="nilemotors.all@gmail.com"]Nilemotors.all@gmail.com[/EMAIL][/B][/COLOR][/CENTER]
        [/RIGHT]

        Comment

        • #5
          هو ده الشغل يا عمرو بجد

          على فكره انا علمت كده في تابلوه السيريون بس مش علشان لمبه
          ده لزوم دماغ وشوية نظافة بس

          ولكن للأسف بعد ما خلصت افتكرت اني كنت المفروض اصور الموضوع للأفادة للناس
          ولكن مش مشكلة مره جايه ان شاء الله

          والف مبروك على النور الجديد منور ما شاء الله
          [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
          [COLOR="Olive"]قال رسول الله صلى الله عليه وسلم :[/COLOR]
          [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

          Comment

          • #6
            جهد جميل

            شكرا على مشركتنا تجربتك

            نفس القصة مريت بيها لتغير لمبة الساعة فى عربيتى القديمة تمبرا

            بس انا 13 مسمار علشان افك التبلوه بخلاف الفيش والاماكن الضيقة

            بس بجد احييك لانى بحب اعمل كل حاجة بنفسى

            بخلاف الاستمتاع اللى بتحس بيه اثناء شغلك
            وشوف كنت هتدفع كام لوحد هيغيرلك لمبة تمنها 75 قرش
            [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


            [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
            [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

            [/CENTER]
            [/CENTER]
            [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

            [CENTER] _______________[B]
            [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

            [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
            [/CENTER]
            [B][COLOR=Blue][B][SIZE=2]
            اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

            _______[COLOR=Blue]_______________
            [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

            Comment

            • #7
              عمرو يا فنااااااااااان

              أيه يا باشا الجمال ده.....100 100 يا باشا......

              أنا بصراحة ميجليش قلب أعمل كده بنفسى........ممكن أشوف حد يعمللى كده عشان لو بوظ حاجة أمسك في زمارة رقبته :)

              بس شغل هايل يا باشا الله ينور
              [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
              [/CENTER]

              Comment

              • #8
                بسم الله ماشاء الله عليك
                بجد انت استااااااااااااااااااااذ
                [CENTER][SIGPIC][/SIGPIC][/CENTER]
                [CENTER][B]Ahmed Atef[/B][/CENTER]

                Comment

                • #9
                  الله ينور يا عمرو باشا
                  شغل رجالة 100 100
                  ربنا يوفقق،،،
                  [LEFT][COLOR=#1f497d][FONT='Harlow Solid Italic']Mohamed Mossad Faried[/FONT][/COLOR][/LEFT]
                  [LEFT][B][COLOR=#1f497d][FONT='Comic Sans MS'] [/FONT][/COLOR][/B][/LEFT]

                  Comment

                  • #10
                    بجد والله استاذ كبير
                    [COLOR="Red"][URL="http://www.7abamix.com/2minutes.htm"][SIZE="6"]سبحان الله وبحمده[/SIZE][/URL][/COLOR]

                    Comment

                    • #11
                      والله باشا

                      Comment

                      • #12
                        ربنا يجزيكم خير يا جماعة على الردود الجميلة دي وربنا عالم أنا تعبت أد أيه عشان أجمع المعلومات دي......فك وتركيب التابلوه مخدش في إيدي ساعة إلا ربع عشان إنت عارف إنت ماشي إزاي

                        الله المستعان
                        [CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]

                        Comment

                        • #13
                          الله اكبر .......بجد 100/100 يا عمووووووور بجد تسلم ايدك شغل احييك عليه ويارب الواحد يجمد قلبه زيك كده ويهابر بإيده في الحاجات دي مفيد جداً والله ان الواحد يكون ماشي بعربيته كده وعارف كل مسمار فيها رايح فين وجاي منين ...............

                          سؤال على الجنب كده طالما ماشاء الله ربنا قدرك تفك وتركب التابلوه ....المسامير دي بس هي اللي ماسكه التابلوه ؟ يعني هل انت وانت بتفكها حسيت انها مفكوكه او مهويه شويه ؟

                          السؤال ده لئني دايما عندي هسهس ناحية تابلوهات العربيات باحس انها من كتر شخللة شوارع المحروسه التابلوه بيشخلل هو كمان ويمشي عامل سيمفونيات بتناغم رائع مع كل تكسير في الشارع او عيون الفران اللي بيحطوها في الطريق دي .....نفس السؤال برضه..........هل بعد ما رجعت التابلوه بسلام لمكانه الطبيعي وسط اخواته الدركسون والايرباج :D حسيت اي فرق يعني كان بيعزف زي مانا بقول وبطل يعزف دلوقتي ولا مافيش فرق.

                          تحياتي يا وحشنا العزيز وجزاكم الله كل خير على مشاركتنا التجربه وجعلها الله في ميزان حسناتكم ان شاء الله .
                          [CENTER][SIGPIC][/SIGPIC][/CENTER]
                          [CENTER][FONT=Times New Roman][SIZE=2][COLOR=royalblue]East Or West Megane Is The Best[/COLOR][/SIZE][/FONT][/CENTER]

                          Comment

                          • #14
                            أحييك علي شجاعتك و مجهودك.....و أنا من أنصار الdiy :)

                            شجعتني اني أفك حااجة تانية عندي....بس مش عارف ايه هي :)
                            [CENTER][SIGPIC][/SIGPIC][/CENTER]

                            Comment

                            • #15
                              المشاركة الأصلية كتبت بواسطة Ramy_Tantawi مشاهدة المشاركة
                              الله اكبر .......بجد 100/100 يا عمووووووور بجد تسلم ايدك شغل احييك عليه ويارب الواحد يجمد قلبه زيك كده ويهابر بإيده في الحاجات دي مفيد جداً والله ان الواحد يكون ماشي بعربيته كده وعارف كل مسمار فيها رايح فين وجاي منين ...............

                              سؤال على الجنب كده طالما ماشاء الله ربنا قدرك تفك وتركب التابلوه ....المسامير دي بس هي اللي ماسكه التابلوه ؟ يعني هل انت وانت بتفكها حسيت انها مفكوكه او مهويه شويه ؟

                              السؤال ده لئني دايما عندي هسهس ناحية تابلوهات العربيات باحس انها من كتر شخللة شوارع المحروسه التابلوه بيشخلل هو كمان ويمشي عامل سيمفونيات بتناغم رائع مع كل تكسير في الشارع او عيون الفران اللي بيحطوها في الطريق دي .....نفس السؤال برضه..........هل بعد ما رجعت التابلوه بسلام لمكانه الطبيعي وسط اخواته الدركسون والايرباج :D حسيت اي فرق يعني كان بيعزف زي مانا بقول وبطل يعزف دلوقتي ولا مافيش فرق.

                              تحياتي يا وحشنا العزيز وجزاكم الله كل خير على مشاركتنا التجربه وجعلها الله في ميزان حسناتكم ان شاء الله .
                              رامي حبيبي إزيك......بص يا باشا الجزء الي إتفك يعتبر الجزء العلوي فقط من التابلوه عشان كدة مش محتاج مسامير كتيرة......باقي التابلوه في الصورة الي إنت شوفتها بعد ما شيلت الجزء العلوي

                              أما بالنسبة للتزيق ففعلاً كنت باسمع صوت تزيق بسيط أوي حتى إن ساعات وأنا ماشي أروح خابطه خبطة خفيفة:k41: كدة عشان الأصوات دي بتعملي أقلق وفعلاً بعد ما ركبته تاني الصوت دة إختفا تماماً

                              لأ المسامير مكنتش مهوية خالص

                              أي خدمة يا باشا

                              ________
                              تم تثبيت الموضوع
                              ادارة المنتدى2
                              [CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]

                              Comment

                              السابق 1 2 3 4 template التالي
                              Working...
                              X