عاوز اروح مرور القوات المسلحة

**sasatony** · 08-09-2014 07:56 PM

السلام عليكم ورحمة الله وبركاته
انا باذن الله هجدد رخصة العربية وهي تبع القوات المسلحة فعاوز اعرف اروح المرور بتاع القوات المسلحة انا تبع محافظة القاهرة انا عارف ان هو اتنقل من عند كوبري الفنجري فعاوز اعرف العنوان الجديد واوصلو ازاي

**bassam nagy** · 08-09-2014 10:11 PM

تقريبا مرور الكيلو 4.5 الهايكستب طريق السويس

**الاسد المهاجر** · 08-09-2014 10:34 PM

المشاركة الأصلية كتبت بواسطة sasatony

السلام عليكم ورحمة الله وبركاته
انا باذن الله هجدد رخصة العربية وهي تبع القوات المسلحة فعاوز اعرف اروح المرور بتاع القوات المسلحة انا تبع محافظة القاهرة انا عارف ان هو اتنقل من عند كوبري الفنجري فعاوز اعرف العنوان الجديد واوصلو ازاي

عربيتي المالك السابق كانت مرور القوات المسلحه
ممكن تدخلها من صلاح سالم عمارات العبور بعد كوبري الفنجري مبينها وبين الخليفة المامون
الشارع الي بعد راديو شاك هتلاقي في اوله كشك شرطة عمارات العبور

**mohamed_selim** · 09-09-2014 12:02 PM

تطلع على شارع الثوره كانك رايح لطريق السويس و متطلعش كوبرى 4.5 تخش من تحته يمين هتلاقيه على يمينك

**sasatony** · 10-09-2014 04:00 PM

انا هروح المرور من الهرم ياباشا عاوز اسرع طريق باذن الله

**mohamed_selim** · 10-09-2014 04:10 PM

اطلع دائرى اتجاه المعادى و تمشى طوالى و تنزل النفقين بتوع التجمع و هتوصل عند طريق السويس تفوت اول نزله و تعدى فوق طريق السويس و تنزل النزله اللى بعده على طول اللى توديك اتجاه القاهره .... هتمشى بتاع 4-5 كيلو هتلاقى كوبرى 4.5 متطلعوش و تخليك ماشى من تحته (متخشش يمين انت هتمشى من تحته طوالى) هتلاقى بنزينه على يمينك و فى اختها على شمالك الناحيه التانيه هتخش شمال وة اخر فتحه تحت الكوبرى (اللى هى الفتحه اللى فى وش الشارع اللى بعد البنزينه) و تقطع الطريق هتلاقى مركز صيانة كيا على الشمال و بعديه على اليمين المرور

**sasatony** · 10-09-2014 07:41 PM

المشاركة الأصلية كتبت بواسطة mohamed_selim

اطلع دائرى اتجاه المعادى و تمشى طوالى و تنزل النفقين بتوع التجمع و هتوصل عند طريق السويس تفوت اول نزله و تعدى فوق طريق السويس و تنزل النزله اللى بعده على طول اللى توديك اتجاه القاهره .... هتمشى بتاع 4-5 كيلو هتلاقى كوبرى 4.5 متطلعوش و تخليك ماشى من تحته (متخشش يمين انت هتمشى من تحته طوالى) هتلاقى بنزينه على يمينك و فى اختها على شمالك الناحيه التانيه هتخش شمال وة اخر فتحه تحت الكوبرى (اللى هى الفتحه اللى فى وش الشارع اللى بعد البنزينه) و تقطع الطريق هتلاقى مركز صيانة كيا على الشمال و بعديه على اليمين المرور

بارك الله فيك ياباشا