حوار من القلب للقلب - الجزء الأول

**نور القمر** · 28-10-2008 08:36 AM

المشاركة الأصلية كتبت بواسطة toteman

انا دورى الكام يا نووووور انا مستعجل على الأجابه على اسألتك

هالو توتي منور البرنامج
هانزل قريب جدول بالضيوف الجدد اللي هانبدأ نستضيفهم ابتداء من السبت

**نور القمر** · 28-10-2008 08:39 AM

المشاركة الأصلية كتبت بواسطة Ayman_52

ماشاء الله...الموضوع من تألق لتألق والله...والاسئله والضيوف جامدين جدا....واكيد تألق المذيعه هو الاساس..

متـــابـع...

ايمن باشا ميرسي اوي اوي كلك زوق ويسعدني انك متابع معانا ياترى ممكن تكون ضيف من ضيوفنا في الحلقات القادمة ؟؟
على فكرة انا ظبطتك مسجل في منتدى من بتوعي بجد نفسي اعرف عرفته ازاي ووصلت له ازاي؟؟

**waled369** · 28-10-2008 08:54 AM

ازاي انا مشفتش الموضوع ده الا الوقتي بس
فكرة جميلة
أنا متابع معاكم

**نور القمر** · 28-10-2008 10:02 AM

انتظرونا مع حلقة ahmedcar

**نور القمر** · 28-10-2008 10:02 AM

سيداتي انساتي سادتي النهاردة معانا ضيف جديد واضح جدا انه شجاع ومقدام وداخل المعركة بقلب جامد وواضح جدا انه حلقته هتكون ظريفه اوي لانه فعلا دمه خيف
رحبوا معايا بالضيف الجديد

AHMEDCAR

احمد باشا في البداية نحب نتعرف عليك اكتريعني بعض المعلومات الاساسية عنك
ماذا تعني لك الكلمات الآتية .... العاطفة .... الرحمة ..... العقلانية
عندك كام صديق ممكن تثق به
موقف محرج حصلك في الكلية اذا كنت لسه طالب او شغلك اذا كنت اتخرجت
ايه رأيك في البنات اللي يتشيش في الكوفيهات
تحب تعيش في اي محافظة في مصر
لو جاتلك فرصة للسفر للخارج هتحتار اي دولة ويا ترى ممكن تهاجر طول عمرك
مين اقرب انسان او انسانه ليك

استراحة قصيرة ولنا عودة
اسمح لي اقدم جاتوه في الفاصل بمناسبة ان النهاردة عيد ميلادي اللي مش هقولكم طبعا رقم كام
متنسوش بقه اللي عايز ياكل جاتوه لازم يجيب هدية الاول

عودنا معكم بعد الفاصل ونستكمل حوارنا مع احمد

لو واحدة قالت لك الاتي
إن كنتَ تحبّني, فعلاً...
فلا تَتفوه بكلمةِ "لا"..
ولا تقل "مستحيلْ ",

فإن طلبتُ المحالْ.. أجبْ بحاضِر
وارحل..
ولا تعد إلّا وقد جلبتَ " المحالْ "...

اعرب ما تحته خط هههههههههههههه ولا اقولك بلاش السؤال ده
نغير السؤال
هتتصرف معاها ازاي وهتقولها ايه
هل تؤمن بالحب من اول نظرة
ياترى انت من الشباب اللي ممكن يضحكوا على البنات بكلمتين حلوين بغرض التلسية
انت بتعاكس في الشارع او الموبايل
طبعا اليومين دول البنات كمان بيعاكسوا في الشوارع والموبايل
ياترى انت اتعاكست قبل كدة
ولو اتعاكست بتتصرف ازاي
اووووه كفاية كدة وشك احمر خجلا

اتفضل العصير

تحب تكون رئيس الجمهورية
ايه اللي مش عاجبك في مصر
وايه اللي عاجبك
ايه رأيك في حال الامة العربية وهل عندك امل ينصلح حالنا
تقول ايه لبوش
لو امريكا انهارت فعلا زي الاتحاد السوفيتي سابقا تفضل اي دولة تكون هي القوة العظمى في العالم

كفاية كدة احسن نتهور في الاسئلة والامن المركز ياخدونا

في سؤال كان نفسك اسأله لك ومسئلتوش ؟
ايه اكتر سؤال حسيت بالاحراج منه في حياتك وعموما وايه السؤال من اسئلتي ممكن تكون احرجتك

**نور القمر** · 28-10-2008 10:14 AM

المشاركة الأصلية كتبت بواسطة waled369

ازاي انا مشفتش الموضوع ده الا الوقتي بس

المشاركة الأصلية كتبت بواسطة waled369

فكرة جميلة
أنا متابع معاكم

وليد باشا منور الموضوع اكيد ما شوفتش الموضوع علشان اشتغل من 3 ايام بس
ميرسي لرأيك ومرورك الاجمل وسعيدة بمتابعتك للموضوع
حضرتك تقبل تكون ضيف من ضيوفنا ؟؟
تحياتي

**AHMEDCAR** · 28-10-2008 10:35 AM

بسم الله الرحمن الرحيم
احمد باشا في البداية نحب نتعرف عليك اكتريعني بعض المعلومات الاساسية عنك

العبد لله اسمه أحمد سيد أبوزيد
عندى 24 سنه و شهر
خريج حقوق جامعه عين شمس
شغال محاسب فى شركه تداول اوراق ماليه (لحد ماربنا يكرمنى )

ماذا تعني لك الكلمات الآتية .... العاطفة ....
الرحمة ..... العقلانية

(العاطفه =الام )
(الرحمه = العفو عند المقدره)
(العقلانيه = الاب )

عندك كام صديق ممكن تثق به
دى مشكلتى فى الحياه بمجرد ما اتعرف على اى حد خلاص بقى صديقى و اقدر اثق فيه
موقف محرج حصلك في الكلية اذا كنت لسه طالب او شغلك اذا كنت اتخرجت
فى مره المدير طلب منى جرد القسم الخاص بيا و طبعا انا ذوهلت لانى كنت شغال فى مكتبه علميه و القسم بتاعى بيضم 100 الف كتاب بالظبط و كان عايزنى اخلص الجرد فى يوميين طبعا نفذت بس و انا بنفذ كنت قاعد على الارض و قالع الجزمه و الشراب و كنت متدارى وراء كتب خشبى كده و عمال اقول ( حسبى الله ونعم الوكيل فيك يا هانى ) ده كان اسمه المدير المهم لقيت واحده عماله تضحك قولت مين الاستاذه اللى عماله تضحك دى كنت فاكرها زميلتى فى القسم التانى و فجاه اكتشفت انها زوجه المدير
ايه رأيك في البنات اللي يتشيش في الكوفيهات
ربنا يهدى امه المسلمين جميعا
تحب تعيش في اي محافظة في مصر
الاسكندريه
لو جاتلك فرصة للسفر للخارج هتحتار اي دولة ويا ترى ممكن تهاجر طول عمرك
انا ضد فكره السفر خارج مصر نهائى غير للفسح فقط لكن اليوميين دول الواحد تعب من مصر و برضو بقول احسن من غيرها (الدوله ممكن تكون دبى ) اعيش على طول فيها ده مستحيل كفايه انى اصحى الصبح على صوت بنت اخويا و هيه بتصحينى
مين اقرب انسان او انسانه ليك
و لدتى الله يرحمها بالغرم من انى لم ارها قط
بالتالى بتكون اختى الكبيره + عمتى

كل سنه و حضرتك طيبه بمناسبه عيد ميلادك

**AHMEDCAR** · 28-10-2008 10:52 AM

إن كنتَ تحبّني, فعلاً...
فلا تَتفوه بكلمةِ "لا"..
ولا تقل "مستحيلْ ",

فإن طلبتُ المحالْ.. أجبْ بحاضِر
وارحل..
ولا تعد إلّا وقد جلبتَ " المحالْ "...

اعرب ما تحته خط هههههههههههههه ولا اقولك بلاش السؤال ده
نغير السؤال
هتتصرف معاها ازاي وهتقولها ايه
بصراحه و شى احمر فعلا و مش عارف اقول ايه
هل تؤمن بالحب من اول نظرة
هو من وجهه نظرى انه بيكون اعجاب بالشكل او المظهر و بعد فتره بيبان كل شيى هل هو حب فعلا ام اعجاب
ياترى انت من الشباب اللي ممكن يضحكوا على البنات بكلمتين حلوين بغرض التلسية
الصراحه عملتها مره واحده و لمده يوم و مقدرتش اكمل و استغبيت نفسى جدا جدا جدا و الحمد لله ربنا قوانى
انت بتعاكس في الشارع او الموبايل
فى الشاعردى عملتها بس مش كتير والحمد لله بحاول اخلص من الحكايه دى و ربنا معايا

طبعا اليومين دول البنات كمان بيعاكسوا في الشوارع والموبايل
ياترى انت اتعاكست قبل كدة
فى الشارع دى حصلت مره واحد
ولو اتعاكست بتتصرف ازاي
فى المره الوحيده دى طلعت جرى على البيت و حكيت للاختى و بالنسبه للموبيل اخر مره كانت من اسبوع قولتلها شكرا يا استاذه انا عايز اصلى العشاء و قفلت معاها

اووووه كفاية كدة وشك احمر خجلا

**AHMEDCAR** · 28-10-2008 10:59 AM

تحب تكون رئيس الجمهورية
لا مسؤليه كبيره جدا و اخاف من سؤال ربنا عليها
ايه اللي مش عاجبك في مصر
حال الشباب و الطبقه المعدومه ربنا يكون فى عونهم
وايه اللي عاجبك
البلد دى فيها دين اكتر من دول عربيه تانيه كتير
ايه رأيك في حال الامة العربية وهل عندك امل ينصلح حالنا
حاله الامه العربيه صعب اوى و مش هايتصلح لان حله الوحيد فى قيام القيامه و ساعتها هاتتوحد الامه
تقول ايه لبوش
اهلا بك فى مزبله التاريخ
لو امريكا انهارت فعلا زي الاتحاد السوفيتي سابقا تفضل اي دولة تكون هي القوة العظمى في العالم
ياريت ماتكونش مصر من عايزين قرف اكتر من كده و محسوبيات ممكن الدوله تكون ماليزيا

كفاية كدة احسن نتهور في الاسئلة والامن المركز ياخدونا

**AHMEDCAR** · 28-10-2008 11:04 AM

في سؤال كان نفسك اسأله لك ومسئلتوش ؟الحمد لله انتى استوفيتى كل حاجه
ايه اكتر سؤال حسيت بالاحراج منه في حياتك

اكتر سؤال حسيت بالاحراج منه انت عايز تتجوز ليه و كان من عمتى
ايه السؤال من اسئلتي ممكن تكون احرجتك
اسئله البنات اللى حضرتك و جهتهالى كانت صعبه جدا جدا