بيجو 206

[sherif boom]

يا جماعه العربيه ديه حلوه ولا لا ؟!

[Abo_Mazen]

بسمع إنها كويسه ..بسمع ..أنا مجربتهاش

[J A G U A R]

عربيه كويسه

بس قطع غيارها مش منتشره اوى وغاليه نسبيا

انا امتلكتها فى 2002 زيرو
العربية ثابتة وصالونها حلو وموتورها كويس فى الجرى والعزم
بس من وجهة نظرى لان استخدامى كان سيئ
العفشة كانت وحشة نظرا لاستخدامى
كنت لما اغير تيل اغير معاه طنابير
وكانت الى معايا فيها مشاكل فى الكهربة بس كانت مشاكل فردية

بالنسبة لقطع الغيار ايام ماكنت شاريها كانت غالية عن اى عربية تانية وان الى شغالين فيها بهوات وبعضهم حرامية فا نصيحة بلاشها احسن ولان العادى فى الفرنساوى مشاكلة كتير والعربية اصبحت قديمة فا بفلوسها شوف حاجة تانية

[abohend]

انت منين
لو من القاهرة او الاسكندرية توكل على الله و متفكرش
عربية محترمة جدا
ثبات عالي
أبشنز مستحيل تلاقيها فعربية موديل 2001...يا راجل هو حد ساعتها كان يعرف يعني ايه أيمبيليزر؟؟

جودة خامات..تقفيل سوبر...صالون واسع بالنسبة لفئتها


يعيبها توفر قطع الغيار و الصيانة
غير كده عربية ملهاش حل