مستعدين للمعركة؟ سلاحك آلى Automatic ولا ابيض manual !!!!!

**mr.president** · 30-10-2008 01:47 PM

يا جماعة انا عايز اتكلم عن مشكلة خطيرة اصبحت ظاهرة:
دلوقتى معظم الناس وفعلا اكتر من 90% محتفظين بشئ للخناقات فى سياراتهم وتشمل (مسدس - طبنجة - مضرب بيسبول - صاعق كهربائى*منتشر بكثافة*- خنجر) وانواع تانية كتير ولاتفرق هذه الظاهرة بين متعلم أو غير متعلم أو فقير أو غنى كلة مستعد بسلاح ما.
ليه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟
قريت فى الجرايد كلام كتير عن حوادث من النوع ده كله بينزل بسلاحه غلطان مش غلطان صاحب حق أو لا المهم انه يقطع اللى قدامه من الضرب وشفت خناقات كتير وكله بيضرب اللى قدامه كأنه كافر أو كأنه أسير من 73 لما صدقوا انهم لاقوه عشان يعوضوا الحرب اللى محضرهاش.
مينفعش حوارنا يبقى حضارى شوية عن كدة.
أنا عن نفسى مش شايل سلاح فى عربيتى ومش هاممنى من أى حد واذا تعرضت لموقف زى ده ميهمنيش لأنى بصراحة شايل 5 أصحابى فى شنطة العربية يوم ما اتخانق هينزلوا يقطعوا أى حد.......

**MoToRiZeR** · 30-10-2008 03:57 PM

انا متفق معاك و انا عن نفسي شايل مضرب بس مش عشان لو حد كسر عليا ولا حتي خبطني أنزل أهبده علي دماغه .. دي حاجات بسيطة (ولو إن بيبقي نفسي) إنما البلد مبقتش أمان فعلا ممكن يحصل أي حاجة و إنت ماشي فا لازم يبقي معاك حاجة تدافع بيها عن نفسك .

**Casio2000** · 30-10-2008 03:59 PM

If that is true then I should get something too - to defend myself.

**elassar2010** · 30-10-2008 04:38 PM

بمناسبة الكلام دة فى تاكسى خبط ملاكى فى منطقة سان استيفانو فى اسكندرية سواق التاكسى نزل بيشوف اية الى حصل ورافع طبنجة!!!!!!!!!!!!!!!!!!!!!!!!!
فى ارقى حتة فى اسكندرية رفع طبنجة
انا اعرف ناس كتير الى بيسافر بالعربية باليل معاة سلاح نارى على لاقل يدافع عن نفسة مدام محدش خايف علية هيعمل اية؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

**michohat** · 30-10-2008 05:31 PM

بعد ما لقيت الموضوع ده منتشر حطيت جنب الكرسى فوق عتبه الباب بار تجميع"بسوستة" صغير كده

**Nour_Peugeot** · 30-10-2008 05:47 PM

انا والدي شايل شومه في العربيه بس دي للحوادث الكبيره يعني مش علشانواحد خبطنا يضرب

يعني مثلا واحد نزل يضرب ابويه ابويه بدافع عن نفسه

كده يعني

**AhmedSarhan** · 30-10-2008 05:52 PM

أنا لسه مش جبت حاجة بس فى الطريق ان شاء الله...

القيادة فى مصر على الطرق السريعة كالدائرى و المحور و مداخل المدن الجديدة و ما أكثرها و خصوصا ليلا لا يعلم بحالها الا الله

لو حد يعرف يدلنى على طريق اليكتريك شوك بس نضيف يبقى كتر خيره

**aratux** · 01-11-2008 11:16 AM

و ده يطلع إيه يا باشا؟

المشاركة الأصلية كتبت بواسطة michohat

بعد ما لقيت الموضوع ده منتشر حطيت جنب الكرسى فوق عتبه الباب بار تجميع"بسوستة" صغير كده

**michohat** · 01-11-2008 03:29 PM

هيا بالضبط شكلها زى جادون العجله المستقيم بمقبضين من كل ناحيه وفى النص فى سوستة
هيا فى الاصل اداه رياضية لتقوية عضلات الذراعين

ودى صورتها وهيا متنيه
تنفع جامد فى الرزع ع الصاج