مخالفة تعمد تعطيل حركة المرور

**ramezamgad** · 21-11-2014 12:49 PM

من حوالى سنة كنت دفعت مخالفة انتظار فى الممنوع (٢٠ جنيه) زائد تعمد تعطيل حركة المرور (٥٠٠ جنيه) منه لله أمين الشرطة إللى كتبها ده كله عادى !!
إللى مش عادى بقى ان دلوقتي طالعلى مخالفة تعمد تعطيل حركة المرور لوحدها من غير اى حاجة تانى !!
فأنا مش عارف دى ممكن يكون سببها ايه و لو رحت اعمل تظلم فى الدراسة هتتشال ولا لأ و للعلم مفيش مخالفة غيرها الحمد لله

**hesham fawzy h** · 21-11-2014 01:58 PM

متابع

**hateeem** · 25-11-2014 02:02 AM

طب ماتشوف تاريخها معاصر لتاريخ المخالفة القديمة ولا اى تاريخ ومكان الواقعه فين بالظبط

**asaeed** · 13-12-2014 01:41 PM

أنا عندي نفس المشكلة بتاريخ 14/2/2014 جيالي مخالفة تعمد تعطيل حركة المرور بقيمة 305 جنيه بمنطقة ميدان الجامع بمصر الجديدة... المشكلة أن اليوم ده كان يوم جمعة ويوم عيد الحب وأنا من عادتي لا يمكن أنزل من بيتي يوم الجمعة إلا في أضيق الحدود وفي محيط محل سكني بالمقطم أو المعادي...
الحاجة الثانية أن أنا عمري ما رحت ميدان الجامع ومبحبش أروح محيط مصر الجديدة خالص علشان معرفش أي شوارع هناك خالص
ومش عارف أعمل إيه...
سألت أمين شرطة قال لي النيابة إللي في مرور الدراسة اتنقلت منطقة زينهم وممكن تتخفض إلى 50 جنيه
حسبي الله ونعم الوكيل في الحكومة إللي مخليا أمين شرطة بورقة وقلم يكتب مخالفات وممكن متكنش صحيحة علشان نظره خانة في حرف من الحروف وأنا لبستها