ليه ملاك بيجو 301 بيبيعوا بسرعه كدا

[bedo84]

السلام عليكم ورحمة الله

يا جماعه انا دخلت علي contact cars لقيت عربيات كتير آوي 301 معروضة ،، هو ايه العيب الجوهري ال خلي كل الناس تبيع بخساره اقل شيء 10 آلاف جنيه ،، وايه عيوبها عموما ،، علما بان دي العربيه الوحيد هال موديلات 2014 بتتباع كدا بل هبل دا ،،،، وشكرا

[back2life]

انا معايا ستروين سى اليزيه نفس البيجو لكن بيجو انتشرت جدا عادى لما تلاقى ناس بتبيع ..بالنسبه للعيوب العربيه عيبها الوحيد الحقيقى التكيف والسحب بذات فى الطرق الزحمه لكن لو على السريع عادى خالص اما حوار الفتيس فدا عشان ebd ....ميزة الفرنساوى ان قطع غيارها كله بيركب على بعض يعنى هتلاقى ان تيل وطنابير والمساعدين والفتيس وحاجات كتيره موديلات متشابه فيهم يعنى تلاقى بيجو 307 206 فى حاجات تركب على 301 والعكس ...واحد صحبى مشى على بلاعه كسرت حاجه كدا فى الفتيس من تحت راح التوكيل قالوا 40 الف جنيه عربيه 301 راح عملها عند واحد برا متخصص بيجو فى المطريه ب1500 جنيه

[yasser100]

العربيه ما فيش فيها مشكله جوهريه , كل الموضوع انها نازله قسط بضمان المرتب و الوظيفه للجيش و تسهيلات بنكيه و ما فيش عليها حظر بيع , بيشتروها و يبيعوها تسييل فلوس , دى كل الحكايه

[aelsayed74]

كل المعروض فى كونتاكت 15 عربية فى مقابل 2147 عربية متباعة فى 2013 و3662 عربية لحد 9/2014 يعنى النسبة لاتذكر مقارنة بحجم المبيعات

[ابو هنا]

ممكن حضرتك تبص بصة في كونتكت مستعمل على التويوتا الياريس 2014 وتشوف عدد المعروض للبيع اد اه

[ابو هنا]

http://www.nilemotors.net/Nile/450529-2015.html
لو حضرتك شايف ان الي بيبيعو البيجو 301 مودلات 2014 دعيب فيها فياريت تشوف الرابط ده

[ابو هنا]

سيبك من كل الي فات تقول اه في واحد يشتري عربية ويبعها بعد 16 يوم فقط ويخسر فيها 15000 جنيه
http://www.nilemotors.net/Nile/436717-3-2015-a.html

[bedo84]

أشكركم جميعا ،، ربنا يباركلكوا في عربياتكم ،، هو كل الحكاية أني بعت اللوجان وعايز اطلع لفئه اعلي ويارب تبقي ال 301 لانها عربيه فخمه وشيك جداً وانتوا كدا طمنتوني وبالنسبة لموضوع السحب هيا عمرها ما هتبقي أسوأ من اللوجان ،،، شكرًا للجميع ،، السلام عليكم

[back2life]

سيبك من كل الي فات تقول اه في واحد يشتري عربية ويبعها بعد 16 يوم فقط ويخسر فيها 15000 جنيه
http://www.nilemotors.net/nile/436717-3-2015-a.html

ياباشا انا موهوم مبهور بمازدا دى وشكلها انت صدمتنى كدا هههههههههه او ربما دا يكون عيب فى العربيه مش كل الموديلات ودا اللى اتمناه

[moody_687]

العربيه ما فيش فيها مشكله جوهريه , كل الموضوع انها نازله قسط بضمان المرتب و الوظيفه للجيش و تسهيلات بنكيه و ما فيش عليها حظر بيع , بيشتروها و يبيعوها تسييل فلوس , دى كل الحكايه

حضرتك ممكن توضح اكتر يعني ايه تسييل فلوس