مميزات و عيوب بريليانس frv

[ezzatfox]

العربية بقالها حوالى اسبوع و لكن عملت ضجة كبيرة و ناس كثيرة بتفكر فيها فعلا بس بعيد عن الانبهار بشكل العربية اللى بيخطف نظر اى واحد بيشوفها عايزين نقيم العربية تقييم موضوعى على حسب المتاح لينا دلوقتى :
اولا : المميزات :
1- شكل العربية الخارجى اكثر من رائع .
2- الخامات المستخدمة فى الصالون جيدة ( احسم من الاسبيرانزا بكثير اوى )
3 - العربية هاتشباك و لكنك لن تلاحظ ذلك و انت جالس فيها نظرا لاتساعها الداخلى .
4- اسم بريليانس كان دائما يرتبط فى اذهاننا بالجالينا السيارة الفخمة التى حلم الجميع بامتلاكها .
5- توكيل البافارية المشهور بسمعة جيدة جدا و وكيل bmw
6- امكانيات السيارة و التى لا تتناسب مع سعرها بالمقارنة باي سيارة اخرى فى نفس مستوى السعر ( airbag-abs-ebd-1600cc)
ثانيا العيوب :
1- الضمان على السيارة قليل اوى 40 الف ك او سنتين
2- الموتور شكلة و تقفيلة تحس انهم ركبوة و هما مستعجلين مش عارف لية
3- الفنش الخاص ببعض الاجزاء غير جيد و لكنها حاجات مش مهمة
4- السيارة مجهولة تماما محدش ركبها او جربها و لا نعلم نظام قطع الغيار و اسعارها

بعد ان استعرضنا المميزات و العيوب نيجى لنقطة ثانية مهمة هو توقيت نزول هذة السيارة و ما صاحبة من ركود فى كل شىء سواء العقارات او السيارات .. يعنى اغلبية الناس بتقول ان اكيد العربيات كلها اسعارها هتنزل فى حدود 10000 جنية اول السنة و دة يقلق اى واحد بيفكر يشترى عربية دلوقتى و فى نفس الوقت ناس كتير شايفة العربية فرصة و على حسب كلام الموزعين و المعارض ان العربية هتغلى فى حدود 5 الاف بعد فترة .. بصراحة الواحد مش عارف يصدق مين و يعمل اية .. يا ريت تقولو اية رأيكو فى الكلام دة و شكرا

[mazagngi2010]

اللى انا شايفه ان الامان محدش بيتكلم عليه خالص
انا قلبت يوتيوب وجوجل على اى اختبار امان للعربيه دى ومش لاقى اىحاجه عنها فى الموضوع ده ولا حتى اى اختبار منظر كده ملعوب فيه زى الكيو كيو
وطبعا بكده مش هتنزل اوروبا طبعا وعمار يامصر يارض الحضاره

اللى انا شايفه ان الامان محدش بيتكلم عليه خالص
انا قلبت يوتيوب وجوجل على اى اختبار امان للعربيه دى ومش لاقى اىحاجه عنها فى الموضوع ده ولا حتى اى اختبار منظر كده ملعوب فيه زى الكيو كيو
وطبعا بكده مش هتنزل اوروبا طبعا وعمار يامصر يارض الحضاره

يا سيدى بالنسبة لللامان الخاص بالسيارة بالمقارنة مع السيارات الاخرى فى فئتها من المفترض ان تكون اعلى سياراة بالنسبة لعوامل الامان و ذلك لانها تحتوى على 2 ايرباج و فرامل مزودة بتقنية abs, ebd مما يعطيها ميزة الثبات عند الفرملة فى المنحنيات ، كما انة يقال ان الابواب مزودة بدعامات فولاذية و الله اعلم ،

[MoToRiZeR]

يا سيدى بالنسبة لللامان الخاص بالسيارة بالمقارنة مع السيارات الاخرى فى فئتها من المفترض ان تكون اعلى سياراة بالنسبة لعوامل الامان و ذلك لانها تحتوى على 2 ايرباج و فرامل مزودة بتقنية abs, ebd مما يعطيها ميزة الثبات عند الفرملة فى المنحنيات ، كما انة يقال ان الابواب مزودة بدعامات فولاذية و الله اعلم ،

كل ده لا يغني عن الكراش تست .. أصل الإيرباج مش هتفيد بحاجة لو لا قدر الله الكابينة إتدشدت .. لأن الركاب و الإيرباج هيبقوا كفتة ، لازم نعرف العربية بتستحمل الصدمات ولا لأ و مدي صمود الكابينة و سلامة من بداخلها خاصة و إننا بنسوق في السيرك المصري ، أنظمة الفرامل و الثبات مفيدة لتجنب الحادث .. إنما الكراش تيست و إختبارات الأمان بتوريك الوضع في حالة وقوع الحادث بالفعل .. و إلا كانت كل العربيات ركبت abs ebd و كل الأنظمة و كلهم خدوا خمس نجوم امان.

[ezzatfox]

كل ده لا يغني عن الكراش تست .. أصل الإيرباج مش هتفيد بحاجة لو لا قدر الله الكابينة إتدشدت .. لأن الركاب و الإيرباج هيبقوا كفتة ، لازم نعرف العربية بتستحمل الصدمات ولا لأ و مدي صمود الكابينة و سلامة من بداخلها خاصة و إننا بنسوق في السيرك المصري ، أنظمة الفرامل و الثبات مفيدة لتجنب الحادث .. إنما الكراش تيست و إختبارات الأمان بتوريك الوضع في حالة وقوع الحادث بالفعل .. و إلا كانت كل العربيات ركبت abs ebd و كل الأنظمة و كلهم خدوا خمس نجوم امان.

ظاهرة جديدة مش عارف اية حكاية الامان اللى الناس مركزة عليها اوى كدة ، مش قصدى انها مش مهمة ، بس احنا فى مصر 90% من العربيات مفيهاش امان اصلا يعنى مبنشفش فى شوارع المحروسة الا 128 و ماروتى و اكسنت و فيرنا و دايو و كارو و الباقى انتو عارفينة ، و بعدين من الاخر انت بتشترى عربية ب 70000 الف عايز امان بقة خمس نجوم ممكن تزود شوية و تجيب حاجة اعلى يعنى السيراتو اللى ب حاجة و تسعين واخدة 3 نجوم

[mazagngi2010]

كل ده لا يغني عن الكراش تست .. أصل الإيرباج مش هتفيد بحاجة لو لا قدر الله الكابينة إتدشدت .. لأن الركاب و الإيرباج هيبقوا كفتة ، لازم نعرف العربية بتستحمل الصدمات ولا لأ و مدي صمود الكابينة و سلامة من بداخلها خاصة و إننا بنسوق في السيرك المصري ، أنظمة الفرامل و الثبات مفيدة لتجنب الحادث .. إنما الكراش تيست و إختبارات الأمان بتوريك الوضع في حالة وقوع الحادث بالفعل .. و إلا كانت كل العربيات ركبت abs ebd و كل الأنظمة و كلهم خدوا خمس نجوم امان.

انت باشا وقلت اللى كنت لسه هقوله
ابسط مثال عندك اختبار الاسبرنزا الكبيره ضايعه جدا ولا الاير باج له اى لازمه

ظاهرة جديدة مش عارف اية حكاية الامان اللى الناس مركزة عليها اوى كدة ، مش قصدى انها مش مهمة ، بس احنا فى مصر 90% من العربيات مفيهاش امان اصلا يعنى مبنشفش فى شوارع المحروسة الا 128 و ماروتى و اكسنت و فيرنا و دايو و كارو و الباقى انتو عارفينة ، و بعدين من الاخر انت بتشترى عربية ب 70000 الف عايز امان بقة خمس نجوم ممكن تزود شوية و تجيب حاجة اعلى يعنى السيراتو اللى ب حاجة و تسعين واخدة 3 نجوم

مع احترامي لكلامك........احنا مش عايزين عربية 5 نجوم ب 70000جم......
ولكن الحد الادني من الامان....فاذا كانت الجالينا اللي ليها كبوت 3 متر قوايمها اتنت علي حادثة علي سرعة 60كم (وخدت نجمة واحدة)في الساعة امال لو اتعمل بيها حادثة لا قدر الله علي سرعة 120كم يبقي الناس اللي فيها يحصلهم اية....فما بالك بال FRV المصري اللي عملت اختبارات سلامة في نجع ابو شجرة ممكن تاخد اية في اختبارات السلامة...والسبب في نزولها السوق المصري انة لا يوجد مواصفات قياسية مصرية للعربيات اللي بتدخل مصر....
وعلي فكرة اللانوس واخدة نجمتين ونصف في اختبارات السلامة...
والامان يعني ماذا سيحدث لي ولاسرتي في حالة وقوع حادث لا قدر الله....لو بصيتلة من الجانب دة حتركز علية حضرتك برضة......

[Rafraf]

بالنسبة للامان فـ ابواب السيارة مزوده بـ فولاذ على شكل X الباب تقيل جدا و الكبوت اقعد عليه ولا هتحس بحاجة

كصاج اقوى بكتير من الهيونداى و الدايو!

هذه الاشياء انا اختبرتها فعلا فى البافرين اوتو قعدت على الكبوت و الرفرف و حاولت اقارن بينها و بين اللانوس اقوى بكثير كـ عضم!

الله اعلم فى الحوادث ايه اخبارها

بس كلو على الله يعنى لو مكتوب لك تشوف شئ هتشوفه لو حتى راكب bmw 760i

[foxarc]

اللى انا شايفه ان الامان محدش بيتكلم عليه خالص
انا قلبت يوتيوب وجوجل على اى اختبار امان للعربيه دى ومش لاقى اىحاجه عنها فى الموضوع ده ولا حتى اى اختبار منظر كده ملعوب فيه زى الكيو كيو
وطبعا بكده مش هتنزل اوروبا طبعا وعمار يامصر يارض الحضاره

اسف بس كلام حضرتك مش دقيق البريليانس الماركة الوحيدة اللي دخلت اوروبا الغربية و النهاردة كنت بتفرج علي ماتش لمحمد زيدان في الدوري الالماني و شفت اعلانات كتير لبريليانس في ارض الملعب و هذا يدل علي وجودها في المانيا و علي فكرة كل الموديلات بتتقفل في مصنع bmw اللي في الصين و علي فكرة الشيري موجودة في اوروبا الشرقية مثل اوكرانيا و رومانيا و بلغاريا و غيرها

[ahmedaliamer]

نصيحة لوجه الله بخصوص بريليانس FRV وهي أني رحت للمصرية للسيارات للكشف على السيارة فوجدت الآتي :-
*المميزات:
1- السيارة انسيابية الشكل من الخارج ذات طابع رياضي , والفوانيس الأمامية تعطي ملامح هجومية
2- السيارة من الداخل واسعة ، أنا طولي 185 سم وقاعد مرتاح ورا وقدام، أيضا العدادات شكلها جميل وإضاءتها جميله والفرش في المعقول وخامات التبلوه متوسطة الجودة
3- تجهيزات السيارة ABS, EBD, 2 AIR BAGS 1300cc ,101HP
4- الحوض واسع والمكونات حول الموتور واضحة
*العيوب:
1- فيها عيوب في القوايم خطيرة ، إفتح الشنطة وبص على القايم هتلاقي GAPفجوة بينها
2- الموتور مش MITSUBISHI وليس عليه العلامة
3-تعصيب الكبوت سيئ وملزوق بمادة تشبه في تكوينها السيليكون
4- الشنطة لا يوجد جوان خلف الفانوس الخلفي مما يسمح بدخول المياه إليها

_____________________
- ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

إ.م.2