Abs

[AHMEDCAR]

حبيت انهارده اجيب ليكو صور عن الABS و كمان اشرحلكوا شرح مبسط عن اللى انا فاهمه عن الABS تمام و لو حد عنده معلومه عن الABS ياريت مايتاخرش و يفدنا بيها


الABS زى ما احنا عارفين فى مصر انه نظام فرامل بيساهم فى من ازلاق السياره فى حاله الفرمله الجامده على سرعات و كل الناس فاهمه انها مدام معاها الجهاز ده فى العربيه يبقى خلاص تمشى و تدوس بنزين على الاخر و مش مهم خلق الله اللى فى الشارع

انا بس عاوز اقول حاجه واحد ان الABS فعلا بيساهم فى ايقاف العربيه لكن مش ده الدور الاساسى بتاعه هو مهمته انك فى حاله الضغط على الفرامل جامد العربيه بتمسك فى الارض فتيجى تحاول تجيبها يمين او شمال و انت دايس فرامل العربيه مش بتلاقيها بتيجى معاك و ده نظرا لان العربيه بتتحرك فى اتجاه الكتله بتاعتها لكن اول ما تشيل رجلك من على الفرامل و انت محود مثلا هتلاقيها حدفت معاك على طول على الاتجاه ده و ده طبعا ممكن يسبب حوادث

بالتالى جت فكرره الABS
و هو عباره عن جهاز بيستشعر بمجرد الضغظ الجامده على الفرامل فبيقوا بعمل نبضات عباره عن و كائنك بتدوس فرامل و تسيب على البدال بس انت مش بتعمل كده الجهاز هو اللى بيعمل كده و بالتالى بتحس ان دواسه الفرامل عماله تطلع و تنزل تحت رجليك كتير جدا

بالتالى فى الحاله دى تقدر تجيب العريه بتاعتك يمين و شمال و تتحكم فيها اثناء الفرامل الخطره

اسيبكوا بقى مع الصور
(كان فيه ناس فكره ان الABS بيبقى موجود على المستر مع كل عجله لكن ده مش صحيح الجهاز بيكون موجود داخل حوض الماتور و بيتوصل بعد كده الى العجلات الاربع بواسطه انابيب حديديه )

ارجوا انى اكون قدرت افيد فى حاجه يا جماعه و اللى عنده معلومه جديده يقول مافيش مشكله

الصور

[aif]

موضوع مفيد وجامد يا ابو حميد ... الله ينور
................
انا فعلا كنت فاكر ان ال abs حاجة تنبقي راكبة علي العجل من جوة .....
طلع في الحوض عند الموتور ...... صحيح .... العلم نورون
شكرا علي الموضوع

الله يخليك يا احمد باشا انا بس حبيت اقول للناس اللى انا اعرفه عن النظام ده و ياريت اى حده عنده معلومه عن انواع الفرامل المختلفه يقولنا

[MMamdouh]

1- الABS مبيشتغلش الا لما الكمبيوتر بتاعة يحس ان فيه عجلة حتقفش و بالتالى عمل الABS يعتمد على تماسك العجلات مع الطريق بغض النظر عن قوة الضغط على بدال الفرامل

2- الاجزاء الموجودة عند الماستر العمومى هى طلمبة الزيت... فيه كمان وحدة التحكم (الكونترول) و حساس على كل عجلة لارسال اشارة للكونترول لتحديد اذا كانت العجلة على وشك انها تقفش ولا لا

3- الABS مش حيوقفك فى مسافة اقصر... لكن حيسمح ليك بتوجيه العربية يمين و شمال اثناء الفرملة القوية

4- الABS بيطول مسافة التوقف على الطرق المغطاه بالرمل و الجليد و الطين

MMamdouh

4- الabs بيطول مسافة التوقف على الطرق المغطاه بالرمل و الجليد و الطين

مش فاهم دى

يعنى ايه لما يكون معايا ايه بى اس وافرمل على رمله هتزحلق معايا اكتر من الفرامل العاديه . دا لو كدة فعلا تببقى مصيبه واخطر بقى من الفرامل العاديه

[MMamdouh]

yes

لان الABS حيمنع ان الكاوتش يقفش و يزيح الرمل اللى على سطح الاسفلت و يكلبش فى الاسفلت... حصلت معانا فى BMW E36

MMamdouh

[aif]

1- الABS مبيشتغلش الا لما الكمبيوتر بتاعة يحس ان فيه عجلة حتقفش و بالتالى عمل الABS يعتمد على تماسك العجلات مع الطريق بغض النظر عن قوة الضغط على بدال الفرامل

2- الاجزاء الموجودة عند الماستر العمومى هى طلمبة الزيت... فيه كمان وحدة التحكم (الكونترول) و حساس على كل عجلة لارسال اشارة للكونترول لتحديد اذا كانت العجلة على وشك انها تقفش ولا لا

3- الABS مش حيوقفك فى مسافة اقصر... لكن حيسمح ليك بتوجيه العربية يمين و شمال اثناء الفرملة القوية

4- الABS بيطول مسافة التوقف على الطرق المغطاه بالرمل و الجليد و الطين

MMamdouh

الله ينور يا ممدوح .....
مش باقولكم العلم نورون
معظم الناس(انا طبعا اولهم ) فاكرينه بيوقف العربية في مسافة اقصر .... القصة قصة توازن السيارة مش فترة وقوفها ....

موضوع مفيد جدا
طيب ال ebd بيعمل اية

الebd غلبا بيوزع ضغط الزيت بانتظام على الاربع عجلات فى حاله تماسك عجله عن الاخرى علشان يمنعها من انها تقفش و برضو بيساعد على اتزان السياره لان لو عجله قفشت فبل التانيه هايخلى العربيه تعوم منك


و الله اعلم انا حسس ان هو ده التفسير بتاعه و ممكن جدا جدا يحتمل الخطاء

[MMamdouh]

الebd غلبا بيوزع ضغط الزيت بانتظام على الاربع عجلات فى حاله تماسك عجله عن الاخرى علشان يمنعها من انها تقفش و برضو بيساعد على اتزان السياره لان لو عجله قفشت فبل التانيه هايخلى العربيه تعوم منك


و الله اعلم انا حسس ان هو ده التفسير بتاعه و ممكن جدا جدا يحتمل الخطاء

كلام صح... الفكرة من النظام هو توزيع ضغط الفرامل بشكل يحافظ على عدم اتختلال توازن العربية فى الملفات... لو حد كبس فرامل جمدة شوية فى ملف حيلاقى عربية بتحود زيادة فى الملف او بمعنى اصح بتعمل oversteering

http://www.youtube.com/watch?v=LoJ3hVyVifc

MMamdouh