Tweet
الزمان : السبت الماضي = 1\11\2008 من الساعة 3 حتي الساعة 9 مساء
المكان : بورسعيد – تحديدا معرض حمادة غزي للتعديل السيارات
طقم العمل : ثلاثه من اقوي المتخصصين في التعديل تحت اشراف حماده غزي و العبد لله.
الوحش : ميجان 2006 هاتش باك
القطع المعدلة :
1- طقم فلتر هواء رياضيK & N بسعر 1200 جنية ( تم تركيبة عن طريق الصور المرفقة مع الكت)
2 - عفشه رياضية كاملة ، مساعدين KONI الصفراء + سوست APEX لتهبيط العربية 3.5 سم بسعر 5000 جنية.
3- كت فرامل رياضي ، طنابير امامية هوائية مخرطه مشرطهEBC + تيل فرامل امامي سيراميك EBC RedStuff+ تيل فرامل خلفي سيراميك EBC GreenStuff. بسعر 2100 جنية
4- Exhaust System ماركه SuperSprint مكون من انبوب وسط للاستخدام الرياضي + علبة رياضية خلفية. بسعر 3500 جنية.
5 – طقم فوانيس اماميه سوداء (عدسات) بسعر 2200 جنية.
6- جنط 18" + كاوتش بسعر ( 8000 جنية) – لسه واصل النهاردة الجنط من دبي وانشاء الله تركيبة الخميس الجاي.
التكلفة : 22000 + 1500 مصاريف تركيب وسفر ومخالفة رادار وعشوة سمك جامدة جداوخلافة.
الاجمالي : 23500 جنية مصري.
الرقم بشع بصراحة بس الحمد لله كل تعديل كان من خلال كل ماركة هي الافضل علي الاطلاق في عالم التعديلات الرياضية ، عشان كدة الرقم بشع ... رغم التخفيض الكبير جدا ...لدرجه ان القطع دي وصلتني بسعر بلادها ومع ذلك الرقم كان غريب.. بس كون ان القطع دي كلها للميجان مخصوصا .. دا شعور مريح للغاية ومطمن جدا.Plug & Play.
حمادة غزي شخص محترم جدا ... فاهم جدا جدا جدا .... هو الوكيل الرسمي الوحيد ل K&N و APEX و EBC و brembo و SuperSprint وحاجات تاني كتير.
الزباين اللي بتتردد علي المكان، كلها فاهمة وواعية وعارفه يعني اية تعديل مش عك وتركيب اي حاجة وخلاص.
الايجابيات :
1- الفلتر وقطعتين الشكمان غيرو تماما من سرعة السحب والطلعة والتجميع والسرعة القصوي لسه مجربتاهش.
2- الفرامل قطعا حاجة خيالية في النعومة وقوة وسلاسة الفرملة.
3- الثبات اساسا في الميجان فوق الممتاز بس مع الكوني فعلا مش حقدر اوصف ازاي اما تتحرك بعرض الطريق في اضيق غرزة بكل ثقة وهدوء وثبات.
4- الفوانيس العدسات السوداء ادو شكل هجومي مفترس يليق بالوحش الاسود.
السلبيات :
الفلتر والشكمان بعد 4 RPM بيخلو صوت العربية كانها طالعة من فيلم Fast Furious علي اد ما الصوت ممتع ورياضي وجامد جدا ومغري للجري بس عالي جدا وملفت للنظر. بالنسبالي انا متكيف جدا من الصوت وبحس ان بسمع مزيكا وبلحنها كمان. ( معلش انا دماغي خربانة شويه ).
اخيرا :
الحمد لله والشكر لله علي كل شئ .... شعور جميل وراحة نفسية اجمل وثقه عالية في اداء العربية.
بأذن الرحمن الخميس الجاي حركب الجنط وحبعت الصور عالطول.
اللينك فية البوم صور التعديل، الصور النهائية بعد اما يركب الجنط انشاء الله.
متاكلش معايا عشان الجبال اللى بعدى عليها كل يوم
Comment