أوعى تنسى النهارده 4 نوفمبر ( عيد الحب ) المصرى

[wael_adel31]

النهاردة ياجماعة يوم 4 نوفمبر.... يوم عيد الحب المصرى.
ودى طبعا فكرة مصرية خالصة للتعبير عن الحب وأنا من هذا (المزنق) أحب أقول كل وسنة وأنتو طيبين لأحلى منتدى وأحلى أعضاء وأفضل ادارة.
وعايز كل اتنين النهاردة يجيبو ورد أو دباديب (كما جرت العادة) ومحدش يروح البيت وايده فاضية أما الناس اللى قاعدين فى البيت متنساش كلمة حلوة لبابا أو لماما لأن احنا فعلا بنكون محتاجين الاحساس بالحب فى الأيام (السو.. ) ديه.

عايزين اليوم ده يكون يوم فى حب مصر
كل الشباب يعبروا عن حبهم لمصر
نخليهم يحبوا بلدهم... محدش يشتم فى البلد
اللى عايز يلوم يبقى يلوم الحكومه الفاشله و الحزب الفاشل

وكل سنة وانتم جميعا طيبين
:k1::k1::k1:

[wael_adel31]

أرجو من الادارة نقل الموضوع فى المكان المناسب لو كان المكان هنا غير مخصص لهذا الموضوع ( عشان مش عارف أنقله)

[Hacker5]

كويس يا باشا انك فكرتنى انا كنت ناسى كنت هاخد علقة من ... احم احم ربنا امر بالستر بقى :)

كل سنة و انتم طيبين جميعا

[askoda]

Thanks ya basha :)

[mido777]

الف شكر يا باشا على التذكير

كان حيبقى يوم عكننه لو كنت نسيت ومبعتش ماسدج ده غير بوكية الورد اللى لازم اروح بيه

[wael_adel31]

طبعا لو حد حد نسى أو عمل ناسى هيبقى ذنبو على جنبو :k37:
عشان كده أنا قولت ألحقكم ,أصل الجنس الناعم بيهتم بالحاجات دى مووووت وبردو احنا (الرجالة المتزوجين) بنبقى ساعات محتاجين زقة (عيد-مناسبة)عشان نعملهم مفاجأة حلوة ونرسم ابتسامة على وجوههم وعشان (يخفو علينا شوية..
يارب يسعد أيامكم جميعا.

[Miss_Pharma]

ايه ده .. هو النهاردة كام ؟
اه صحيح ..

[Bossy_Fadl]

كل سنة و انتو طيبين يا جماعة

معنديش حد اقوله Happy Valentine بس انتو عندي كفايه و الله

ربنا يارب يسعد كل اتنين بيحبو بعض سواء متجوزين او مخطوبين

و يسعد ايامنا كلنا ياااااااااااارب

و ياريت ده يبقي يوم كل حد يفتكر فيه الانسان اللي بيحبه بشيء بسيط اوي و لو وردة عشان يفكره انه لسه بيحبه و مش يقدر يستغني عنه

[TICOXX]

مش عارف تعمل تنويه بدري شوية يا عم الحاج؟؟ اديني لبست في الحيطة من غير ما آخد بالي اهو