بولو 1300 - شجرة المية مخرومة ؟؟

[casper2010]

شجرة المياة اللي تحت الإسبراتير بتنقط مياه و المروحة ما بتدورش - و العربية بتسخن - حد مر بالتجربة دي قبل كدة - يا ريت يفيدنا علشان نعرف نسلك مع الميكانيكي.؟؟

[XLANS]

شجرة المياة اللي تحت الإسبراتير بتنقط مياه و المروحة ما بتدورش - و العربية بتسخن - حد مر بالتجربة دي قبل كدة - يا ريت يفيدنا علشان نعرف نسلك مع الميكانيكي.؟؟

شوف ياباشا شجرة المياه كدة عايزة تتغير

وخلى بالك شجرة ال 1300 غالية فى رنج 600 جنية

نصيحة هات بتاعت ال 1000 سى سى جديدة بحوالى 170 جنية

بس خلى بالك بتاعت ال 1000 مش بتشغل التكيف السخن لو هتفرق معاك

علشان خرطوم السخن بيتلغى .. أنا كنت عامل كدة فى عربيتى ال 1300

والحمد لله زى الفل دلوقتى مفيش تسريب ولا سخونية.

[casper2010]

انا ما عنديش تكييف بس يا تري تركب عندي عادي بتاعة ال 1000 ؟؟

[XLANS]

ايوة هيه هيه بتركب عادى بس دية مافيهاش مخرج لخرطوم السخن زى ماقلتلك

مافيش اى مشكلة...هات بتاعت ال 1000 وتوكل على الله وركبها

[ramzi]

casper 2010 على حق انا كمان مريت بنفس المشكلة .

[cheeez]

انا لحمتها كزا مره و مكنتش بتعد عشان السخنية ,و دخت عليها كتير و مكنتش موجوده عشان هي بولو فوكس 95 ,بص هييا فيها اخرام كتير كده 6 اخرام صح؟؟ . مرره بتاع محل بيروت إللي في شارع دمشق قللي حعمل order من بررا لو جبت معاها بقيت قطع الغيار إللي كنت بسأل عليها سعتها و كان حيجبها في حدود 550 , انا استغليتها بصراحه. المهم, بعد اللف, لقيتها استيراد عند واحد اسمه ياسر في الحرفيين كانت في حدود 225-280 بخرطيمها. لو عايز نمرته قللي .. و ربنا معاك عشان موضوع السخنيه دة سخيف أوي والصيف داخل أهه. good luck.