سؤال مهم:ليه عز مش مهتم بالبروتون؟

[aapaap855]

سؤال؟ ليه عز مش مهتم بالبروتون؟
كنت من كام يوم في عز العرب السابع قابلت هناك مندوب المبيعات المهم اداني الكارت بتاعو
الغريب ان الكارت عليه كل انواع العربيات الي بيبيعوها ما عدا بروتون
غير كدى التسويق
تلاقيه بيسوق على مزاجو
يعني مفيش دعاية للعربية, مفيش معرفة الناس عايزة ايه في العربية:-
شال مثبت السرعة والناس عايزاه
نزل الوان على مزاجو غير الالوان الي الناس عايزاها
تقريبا التوكيل دة ادارتو من برة مصر اعتقد من افغانستان
ولا ايه رايكو؟ يا ريت حد يفهمني

[ahmed ismail]

بص كون ان عربية تنجح وتنتشر بين الناس و توكيلها عز العرب اللى بيعملها اعلان وحيد كل عشرميت قرن فده يعتبر نجاح للعربية انها مسوقة لنفساها داخل السوق المصرى يعنى الناس لما تشوفها فى الشارع تقعد تسال ديه وبتاع لحد ما تعرف عنها كل حاجه وتشتريها و ده دليل على ازيادة الاعتمادية بتاعت العربية وانها بتحقق احلامناس كتير فى تملك سيارة شبة مضمونة وليها شكل و امكانيات معينة قد لا تتوافر الا فى العربيات الصينى الغير مضمونة بالمرة حتى الان

[fadynabil]

يا باشا إحنا هنا في مصر ... يعني إتعودنا خلاص ناخد علي دماغنا ونقول كمان

يعني لو ده حصل في أي دوله تانيه الناس هتقاطع العربيه ... يعني تيجي إزاي ... الوكيل يبهدلني

ويجبلي اللي علي مزاجه ،، وبرضه الناس تجري وراه أنا مش فاهم العربيه دي بتكتر كده إزاي

بس أنا في إعتقادي .. سبب عدم إهتمام عز العرب هو تصميم الشكل الخارجي لل چين ٢ اللي بيحلم بيها كل شاب في مرحلة عمريه معينه

وخد باللك الشريحة اللي بيتارجتها مش محتاجه دعايه .... هتقوللي إزاي ؟؟؟

أقوللك دي تارجت شباب ...
١
- يعني أنا إشتريت عجبتي
٢- يعني بحكي عنها أساطير لأصحابي
٣- الشباب طبعا بتسخن .. بالأضافه للشكل الثوري للسياره

وطبعا لما شاف كمية الإقبال عليه إبتدي في الإستهبال و سياسة (( إذا كان عاجبك ))

وللأسف زي ماقولت في الأول إحنا إتعودنا علي كده

يعني شوف الزيادات الرهيبه اللي حصلت في تويوتا ولانسر

علي الرغم من فشل ميتسوبيشي عالميا بس شوف عامله إزاي في مصر دي الشركه الأم مستغربه إزي الرواس بيعمل كده (وكيل ميتسوبيشي)

وللأسف إحنا شعب طيب وبيتضحك عليه

[aapaap855]

بص كون ان عربية تنجح وتنتشر بين الناس و توكيلها عز العرب اللى بيعملها اعلان وحيد كل عشرميت قرن فده يعتبر نجاح للعربية انها مسوقة لنفساها داخل السوق المصرى يعنى الناس لما تشوفها فى الشارع تقعد تسال ديه وبتاع لحد ما تعرف عنها كل حاجه وتشتريها و ده دليل على ازيادة الاعتمادية بتاعت العربية وانها بتحقق احلامناس كتير فى تملك سيارة شبة مضمونة وليها شكل و امكانيات معينة قد لا تتوافر الا فى العربيات الصينى الغير مضمونة بالمرة حتى الان

ايا كان انا معيبتش عالعربية العربية ممتازة بس مش واخدة حقها
دنا سألت الراجل بتاع التوكيل ايه هوة موتور IAFM قالي دة الموتور الي بتنزل بيه العربية من زمان متغيرش فيه حاجة
طبعا دة كلام غلط مينفعش يطلع من مندوب الشركة

[aapaap855]

غير كدة مندوب التوكيل في فرع تاني لا داعي لذكر اسامي
بيقولي عن الموتور الجديد Iafm دة احسن عشلن عمر اطول للموتور واستهلاك بنزين اقل
طبعا في البروشور لو قارنت هتلاقي استهلاك البنزين زاد 0.2 عن 2008
واكيد مفيش حاجة اسمها عمر الموتور يزيد

دة اسمو قلة خبرة

[gagareen]

سؤال؟ ليه عز مش مهتم بالبروتون؟
كنت من كام يوم في عز العرب السابع قابلت هناك مندوب المبيعات المهم اداني الكارت بتاعو
الغريب ان الكارت عليه كل انواع العربيات الي بيبيعوها ما عدا بروتون
غير كدى التسويق
تلاقيه بيسوق على مزاجو
يعني مفيش دعاية للعربية, مفيش معرفة الناس عايزة ايه في العربية:-
شال مثبت السرعة والناس عايزاه
نزل الوان على مزاجو غير الالوان الي الناس عايزاها
تقريبا التوكيل دة ادارتو من برة مصر اعتقد من افغانستان
ولا ايه رايكو؟ يا ريت حد يفهمني

فى الفتره الماضيه عز منزل اعلانات تقريبا كل اسبوع فى الجرائد للبيرسونا والجين2 يعنى الدنيا ابتدت تتغير

وعلى فكره موضوع مثبت السرعه ده متشال اصلا من المصنع فى الميديم لاين وده موجود فى البروشور ونفس الكلام تقريبا بالنسبه للالوان

وان كان على الكارت يا سيدى ده ممكن يتغير ويتحدث كل اسبوع .. مش قاضيه يعنى .. وبكره إن شاء الله عن قريب حتلاقى البروتون منوره فى كل حته ..

تحياتى ..

[aapaap855]

طب ايه رايك في الكلام الي انا قولتو عن مندوبين البيع


دنا سألت الراجل بتاع التوكيل ايه هوة موتور IAFM قالي دة الموتور الي بتنزل بيه العربية من زمان متغيرش فيه حاجة
طبعا دة كلام غلط مينفعش يطلع من مندوب الشركة

غير كدة مندوب التوكيل في فرع تاني لا داعي لذكر اسامي
بيقولي عن الموتور الجديد Iafm دة احسن عشلن عمر اطول للموتور واستهلاك بنزين اقل
طبعا في البروشور لو قارنت هتلاقي استهلاك البنزين زاد 0.2 عن 2008
واكيد مفيش حاجة اسمها عمر الموتور يزيد

دة اسمو قلة خبرة

[ahmedsiyam]

يا شباب احب اوضحلكم حاجة بس

بروتون مالزيا موش ملاحقة على الطلبيات اصلا و التوكيل بيطلب عربيات تجيلهم عربيات اقل من المطلوب و كلها ماشاء الله بتتباع هايفكر التوكيل ليه فى دعاية

هو كان المفروض من بدرى انهم يهتموا براحة العملاء و يكون فى اتجاه لدعم اسعار قطع الغيار و الصيانة شوية بدل مايصرف فى دعاية لعربية بتتباع بدون اقل مجهود

الاتجاه دلوقتى انهم يريحوا العملاء لان العربية نجحت نجاح غير متوقع و مركز الصيانة الرئيسى فى ابو رواش اصبح لا يكفى بالمرة

وياريت بس بروتون تلاحق على الطلبيات لان انتاجهم موش كبير زيى ما الناس متخيلة و بعد عز العرب يصرف على الدعاية اكتر

[mayki4u]

أنا معاك فى قلة خبرة المندوبين عند عز العرب ولكن متعرفش هل هو معتم على الموضوع ومش بيقول حتى لمندوبينه وبالتالى الموضوع بينعكس للعميل
ولا دى قلة خبره فعلا عشان أنا لاحظت انه فى توكيل اسكندريه فاكرين انه جين2 2009 هى هى جين 2 2008 ومتغيرشي فيها حاجه ونفس الموتور القديم وكلله .
أنا مش عارف الغلط فين الصراحه

[elmadawy]

هذا الموضوع من ضمن المشاكل مع توكيل عز العرب انه المسئولين بالتوكيل مش مهتمين بالعربية من حيث الدعايه والصيانه وخلافه وديه من ضمن الاسباب ال الواحد ارسل رساله الي شركة بروتون في ماليزيا ولم تقوم الشركة بالرد حتي الان
معا ضد التوكيل

http://www.nilemotors.net/Nile/showthread.php?t=43142

[gagareen]

طب ايه رايك في الكلام الي انا قولتو عن مندوبين البيع


دنا سألت الراجل بتاع التوكيل ايه هوة موتور IAFM قالي دة الموتور الي بتنزل بيه العربية من زمان متغيرش فيه حاجة
طبعا دة كلام غلط مينفعش يطلع من مندوب الشركة

غير كدة مندوب التوكيل في فرع تاني لا داعي لذكر اسامي
بيقولي عن الموتور الجديد Iafm دة احسن عشلن عمر اطول للموتور واستهلاك بنزين اقل
طبعا في البروشور لو قارنت هتلاقي استهلاك البنزين زاد 0.2 عن 2008
واكيد مفيش حاجة اسمها عمر الموتور يزيد

دة اسمو قلة خبرة

طبعا معاك حق فى الكلام ده ومعظم الناس حصل معاهم نفس الكلام واتضحلهم انهم بيفهموا ويعرفوا حاجات كتيير بتوع التوكيل مسمعوش عنها حاجه اصلا وده حصل معايا شخصيا فى فرع العجوزه وفى الصحراوى كمان ..

ده ممكن يكون لان مفيش حد يزودهم بالمعلومه او معندهمش الاهتمام انهم يحصلوا عليها من اى مصدر تانى( عدم اهتمام بالبيع واللى عايز يشترى لانه كده كده حياخد مرتبه واصلا هو مش قادر يعمل حاجه)

طبعا فى الاساس ده عيب اداره التوكيل اللى المفروض تعرف مندوبينها يعنى ايه المعلومه الصح وتزودهم بيها

المفروض يكون اللى جاى احسن باذن الله حسب المتداول حاليا ..

بالنسبه للiafm استهلاك البنزين المفروض ان الاستهلاك واحد على حسب الكلام ده:

The Gen2 M-Line gets the Campro with the Intake Air-Flow Module (IAFM) which is also used in the New Saga's 1.3-litre engine. The IAFM does nothing to boost output but because it varies the airflow at lower speeds, it has eliminated the dip in the torque curve and made torque generation more linear. Factory tests show that acceleration is marginally improved while fuel consumption is pretty much the same as the previous engine without IAFM. Driveability should, however, be significantly different and drivers won't have to wait till 4000 rpm for some decent acceleration.

[momenhamdy]

هو يا جماعة مفيش غير موضوع في قسم بروتون غير الشكوي من عز العرب ........ يبدو انهوا ممل اوي يعني مش لازم كل شوية عز العرب ايه ؟؟؟ مش عارف عمل ايه .......... انتوا بتتكلموا علي اساس ان بقيية التوكيلات زي الفل تعالوا شوفوا غبور و الي بيحصل عنده و تعالوا و اتفرجوا علي النيسان الي فيها عيوب في الضفيرة و العربية زيرو ( مع احترامي الكامل لملاك هذه السيارات و الي اختيارهم ) سيبوا بروتون في حالها شوية ....... و علي فكرة عز العرب داخل علي 3 اسابيع ورا بعض في الاهرام صفحات كاملة عن البيروسونا و الجين 2
و مجهود المهندس امر و الاخ كريم منير و الاخ عمرو لتحسين خدمات التوكيل و حصول اعضاء نايل موتوز علي خصم ........ تفسروا الكلام دا بأيه دا غير بناء مركز خاص للبروتون في ابورواش ( تحت الانشاء) للتوسعه و زياده حجم العملاء .........
ارجو من الاخوه الافاضل كفاية فتح مواضيع تحمل هذا العنوان و لكم جزيل الشكر

[ahmad alshaaer]

اه والله فعلا عز العرب احسن من عشرات التوكيلات وقد ذكرت هذا في احدى مواضيع الاخوه من قبل
كفايه انه راااااجل بيحترم ضمانه فعلا

[batoot556]

بضم رأييى لراى الاعضاء التوكيلات التانية زفت وحتى منصور وحش جدا مع ان الشعبية بتاعتة رهيبة لدرجة ان واحد صاحبى معاة اوبترا المرايا بتاعتة انكيرت قالة مش عارف روح اشتريها من حتة معينة وتعالى بالفاتورة وانا احاسبك عليها طبعا قمة فى الاستهتار مش معنى كدة ان عز العرب وااو بس معقول نسبيا مقارنة بالباقى

[aapaap855]

يا جماعة انا عاشق للبروتون
وكلامي دة مش غلط
يعني لو فضلنا نقول كويس واحلو واحسن من الباقيين المستوى هيقل اكتر
لازم هوة يضور عالعيوب ويحلها
واكيد المشاكل دي حلها سهل جدا بس المهم يكون عايز يحلها