الحمد لله العربية اتخبطت النهارده وعرفت أحسن سمكرى فى مصر (موضوع كامل)

[thegreatnileman]

الحمد لله النهارده الصبح وانا رايح اوصل العيال المدرسه واحد بتاع ميكروباص عمل الواجب ولطشلى الجنب اليمين كله بتاع الشنطه

بس ربنا لطف الخبطه كانت بشعه جدا وربنا كرمنى بالسمكرىبتاعى ممتاز ردها لى على البارد باقل الخسائر مع العلم ان الماتريكس اتضح انها مقفله من جوه جدا وصعب ان السمكرى يتعامل معاها صعب جدا


بعد الحاثة مباشرة





بعد الاصلاح


والخط اللى نازل بالطول ده مياه مطرح الغسيل مكانتش نشفت مش عيب فى الشغل

الاسطى محمد القرش استاذ استاذ استاذ ردها على البارد هو والمساعد بتاعه
وناس مش طماعين الراجل طلب من بقه 40 جنيه فقط بس انا ذودته لان الشغل يستحق
موبيل الاسطى محمد 0123010868




الاسطى رجب المساعد بتاعه برضه استاذ

[Ahmed Anwer]

ربنا يعوض عليك و يجعله في ميزان حسناتك

فعلا سمكري شاطر

لان الماتريكس مشهورة بصعوبة سمكرتها لانها متقفلة علب صاج بطريقة صعبة

و كويس كمان انه تعب نفسه و حاول يردها عالبارد

معظم السمكري بيستسهلوا و يقولك اديها سخن و رش

[Abdo_Eldesokey]

ما شاء الله راجل إيده تتلف في حرير

أنا لما شفت الخبطة قلت دي لازم تترش

ربنا يباركلك في العربية يا باشا

[lancerevolution]

فى سمكرى كمان نفس النظام فى قرية إسمها الدبايبة بين قوسنا و شبين الكوم بيرد على البارد و بيظبط العملية أنا الحمد لله مرحتلوش و مش عايز أروحله خالص بس فى إتنين إصحابى هما الى لراحولوا و الصراحة الخبطة مش باينة و دخلت على والد صاحبى و معرفش أصلا

[thegreatnileman]

الله يبارك فيكم جميعا

[islamnabil]

الحمد لله على سلامتك المهمم
ممكن نعرف السمكري ده مكانه فين بالظبط ؟

[thegreatnileman]

مكان السمكرى فى اول مدخل الدويقة بعد الصخرة اللى وقعت على طول على ايدك اليمين ومتخافوش خلاص مافيش حاجة فاضلة علشان تقع

الاسطى محمد القرش

موبيل الاسطى محمد 0123010868

[Lion_Heart]

الحمد لله انها جت على اد كده وقدر الله وما شاء فعل , بس ما شاء الله الصنايعى تمام .

[محمد أنور]

هو السمكري ده مكانه فين ؟

[AhmedSarhan]

قدر الله و ما شاء فعل...الحمد لله انها جت على قد كدا...فداك انت و أولاد حضرتك

الراجل شغله ممتاز وواخد وضع سينمائى كمان للتصوير

(شكلك كدا أول واحد تعملها معاهم من يوم ما اشتغلوا)

[mangaa]

اولا الحمد لله علي سلامتك ومبروك رجوع العربيه ليك ماشاء الله الراجل واضح انه صنايعي محترف ومحترم كمان.
بس السؤال بقة هنا التامين يبقي موقفه ايه؟؟؟؟
ياريت حد يرد ويفيدني . . . . .

[thegreatnileman]

بس السؤال بقة هنا التامين يبقي موقفه ايه؟؟؟؟

بالنسبة لى التامين من عند الله

وجازاكم الله خيرا

[mangaa]

طيب ودة يقودنا لسؤال تاني؟؟؟

هل التامين حلال ولا حرام

[MedaSam]

enta 3amalt eh ma3a el ragel beta3 el micro bus? ........ we alf salama 3aleek

[thegreatnileman]

enta 3amalt eh ma3a el ragel beta3 el micro bus?

الحقيقة بناتى الاثنين كانوا معايا قاعدين فى الكنبه وراء ونزلت بصيت على العربية وعليت صوتى شوية بأدب ورحت ماشى يعنى حعمل ايه؟ حاخد منه فلوس؟

منه لله