مشكلة في النقلة الخلفية

[the_first_knight]

مساء الخير على أحلى منتدى
أنا يا شباب عندي مشكلة في عربيتي الكيا ريو ( فتيس عادة ) موديل 2004
باختصار الفتيس عندي لما أديله غيار النقلة الخلفية ( بينطر ) يعني عشان أرجع للخلف لازم أكون ساند بإيدي عليه للخلف .
أنا خايف أهمل في تصليحه ويأثر على الفتيس كله ... بس يا لايت حد يفيدني في المشكلة دي بالضبط ( إيه اللي ممكن أعمله وهغير إيه بالضبط في الفتيس )

مستني ردود المتخصصين يا شباب

[HARDD]

الافضل فى الفتيس والماتور انك توديهم التوكيل يكشفوا على العيب حتى لو مش ناوى تصلح عندهم

[shoudy2005]

متهيألى كده ديه غوايش و شوف رأى الأعضاء

[محمد ابراهيم 1]

أعتقد إن الفتيس الإستعمال بيبقى أرخص من التصليح

[delldell]

دا ممكن يكو من الدبرياج اكشف على الديسك والاسطوانة اكيد هتلاقى الاسطوانة اليايات ناقصة او ضعيفة

[the_first_knight]

متشكر قوي يا شباب على كل الردود


اللي مخوفني يا جماعة إن العربية دي أنا شاريها زيرو ...
وعشان كده خايف أصلحها عند أي حد ...
أنا من المنصورة ... وميكانيكية الكيا مش كتير هنا ... وبعد كام لفة على الميكانيكية كل واحد يقول سبب المشكلة :
1 - الفتيس عايز يتعاير
2 - تغيير الغويشة
3 - تغيير شجرة الفتيس ( استعمال )
4 - تغيير الفتيس ( استعمال )

شايفين الاحتمالات دي كلها .................................
ده مخليني قلقان أصلحه عند مين وإيه اللي هيتغير


عندنا في المنصورة ( عيسى للسيارات ) مركز صيانة معتمد لدايو & إسبيرانزا ... ومن فترة بسيطة أخد كمان صيانة الكيا ....

مش عارف أروح لعيسى واعرف سبب المشكلة واصلح الفتيس هناك ... ولا أتصل بالتوكيل في أبو رواش وافضي نفسي يوم من أوله ....

يا ريت يا جماعة لو حد حصل له نفس المشكلة يفيدني فيها

منتظرك تواصلكم معي يا رجال الكيا