خطوات نقل السيارة من مرور السلام للاميريه بالتفصيل الممل

[MOHAMED ANIS]

بص يا سيدى انت هتعمل الاتي بالتفصيل
اول حاجة هتطلع شهادة مخالفات من الاميريه
تانى حاجة هتروح تفحص فى الاميريه بعد ما تشتري ملف وورق الفحص
هاتجيب بتاع البصمه ياخد البصمة و اديله 5 جنيه عشان ما يخدهاش ناقصه
بعدها تروح لمهندس الفحص اديله 20 جنيه و انت بتديلى الورق و ام شاء الله مش هيخليك تروح السلام تطابق البصمه فى مهندس فيهم اسمه حمدي مخالنيش ارجع اطبق بعد ما شاف ال 20 جنيه
بعد كده اركن العربيه و خش المرور ادخل اسحب رقم من الاستعلامات لو عرفت من اول اليوم تسحب الرقم اسحبه عشان المرور بيبقى زحمه
خد ورقة الطفاية اللى في الملف هي و الطفايه اللى معاك و روح كشك الطفايات عشان يختملك الورقة بعد كده ادفع التامين الاجباري و خش وحده عين شمس و المطريه اللي انت سحبت منها رقم الكونتر
استني رقمك و خش علي الشباك تقدرلك الضريبه و روح الخزنه ادفع و ارجع للموظف تاني هيقفل الورق و هتقعد في التندة تستني الرخصه و في الغالب هيبقى تصريح 6 شهور لحد الملف ما يوصل من السلام

من الاخر كل حاجة من مرور الاميريه الا لو مهندس الفحص رذل و طلب مطابقة من السلام
لو عرفت تطلع المخالفات قبل من تروح من على النت هتوفر وقت كتير
وربنا معاك

بالنسبه للي معاه تصريح بس الرخصه لسه ساريه
هيطلع مخالفات و يشترى ملف و يفحص زى التجديد و يجتم ورق الطفايه و يسلم الورق علي الشباك و هيدفع 10.40 جنيه و هيستنى الرخصة

نصيحة عامة المرور زحمه جدا خاصة يوم السبت حاول تاخد رقم الكونتر بدري
متديش لحد فلوس غير في الفحص عشان متروحش تطابق من السلام

[ramykimo]

شكرا