قانون تبديد اللوحات

[abdullahshawky]

جماعه انا شاري عربيه شيفورليه سبارك بتوكيل من والدي و مسجلتهاش باسمي و لظروف ماديه مجددتش الترخيص و الترخيص كان معاده فبراير 2014 و دلوقتي والدي مسافر يوم الجمعه هل هيكون عليه قضية تبديد لوحات ولا القضيه دي بتتعمل بعد وقت اطول ولا ايه انا مش فاهم امتى يبقى في قضيه بس واحد صاحبي قلقني و ياريت تقولولي ايه الحل علما باني هارخص الاسبوع ده ان شاء الله

[Abo_Mazen]

بص يا باشا ..من خلال خبراتي المتواضعه ..المرور بيديك شهر سماح بعد تاريخ إنتهاء الرخصه عشان تجدد فيه الرخصه بتاعتك ..ولما الشهر ده يخلص لو رحت تجدد المرور بيلبسك في ضريبة و تلت الضريبة عشان جيت متأخر
بالنسبة بقى لقضية تبديد اللوحات فدي المرور من حقه إنه يرفعها ضدك بعد مرور أو يوم من إنتهاء الشهر السماح ..لكن ..هل ده بيحصل فعلا ؟؟..طبعا ما بيحصلش ..لإن لو ده حصل كان زمان نص ملاك السيارات واخدين أحكام ..لإن في سيارات كتير تراخيصها منتهية ..ولسه مجددش لظروف معينه ..زي مثلا كثرة بيعها من شخص للآخر ..زي مثلا ظروف السفر ..وهكذا ..لكن من حق المرور إنه يحرك دعاوى قضائية ضد كل من عدى عليه الشهر ولم يأتي ليجدد رخصة سيارته ..طيب والحل .؟؟؟الحل إنك تروح تجدد..ولو عدى عليك الشهر هتدفع الضريبة وتلت اللي عليك ..وهتدفع التأمين اللي عليك ..ومتخافش ..بنسبة 99.9 في المائة المرور ما بيحركش دعاوى ضد المتأخرين في تجديد تراخيص السيارات ..أنا عارف واحد رخصة عربيته كانت منتهية لمدة أربع سنين ..وراح فحص وجدد ولا حصله حاجه ..إنجز بس في موضوع التجديد ومتركنش