ارجو من مالكي v5 الرد للاهمية

[Hos2011]

انا باذن الله هجيب v5 الاسبوع اللي جاي و مقتنع بيها بس الرجاء من مالكي السياره تنصحوني بيها او لا علشان لحد الان خايف احط المبلغ ذه كلها و اندم بعدين.

خالص تحياتي

[abou-yahia]

هات شنجان :)

[hugan]

الشانجان بتتقدم يخطي ثابته وبدون دعايه
بس اظن بريليانس افخم منها

[abou-yahia]

الشانجان بتتقدم يخطي ثابته وبدون دعايه
بس اظن بريليانس افخم منها

سعر مقابل قيمه شايف الشانجان تكسب


البريلينس ليها ميزه التواجد في السوق من فتره كبيره

لاككن بصراجه شايفهم بيعكوا وسعرهم مبالغ فيه جدا جدا

ده غير فضايحهم بتاعت رش العربيات

ومشاكل علبه الدركسيون اللي بتبوظ

ده غير ان مسئول ضليع في التوكيل هناك حذرني منها

تحياتي

نصيحه لوجه الله انا جبتها الهاي لاين 4 شهور وبعتها مشاكل بس (علبه دريكسيون و سقف تفتحه مايقفلش تاني و ريموت مابيلقطش و تكييف كانت مروحته بايظه )ده اللي انا فاكره انا خسرت فيها 21 الف في 4 شهور انفد بجلدك و هات شارك و لا سيراتو و لا النترا و لا فلوانس برقبتها ..... مصر كلها هتدخل دلوقت و تقولي مفيش الكلام دهو تهاجمني والله كل ده حصل ....خدمه بعد البيع سيئه جدا و كيل سيء جدا

معاك حق .. التوكيل مليان عربيات v5 طول الوقت شكلها عربيه مشاكلها كتير

[YahiaAshraf]

معايا موديل 2015 اوتوماتيك هاى لاين ومفيهاش اى مشاكل الحمد لله مع العلم انى انتقلت من فولكس فاجن لبرليانس يعنى مش مجنون انى انقل من المانى لصينى الا اذا كنت متاكد من جودتها

العربيه دي حظوظ فعلا لان تقفيلها مش كل عربيه زي التانيه (عيب الصيني اللى بيجي مصر عشان مفيش مراقبه)
اذا عجباك فعلا لازم تفحصها كويس جدا قبل متشتريها

العربيه عفشه كويسه وبودي كويس فراملها وال asr بيعمل كويس وفعلا بيلحق في مواقف محرجه الحمد لله كويسه لكن سحبها ضعيف عشان وزنها كبير وعدادها اخره 170
عربيه فيها كل الاوبشنز ما عدا ضم المرايات الكهرباء

الحاجات اللى لازم تفحصها كتيره حقول اللى واجهتني:
1- الدركسيون في الدوران من سكون او مع ملفات
2- الشنطه الخلفيه فتح وغلق وبعد الغلق اذا فيها حركه وهي مقفوله شمال ويمين
3- صوت الموتور في السلانسيه وفي السرعات 100 فما فوق
4- الكنب الخلفي فتح وغلق سهله ولا فيها عيوب صناعه
5- ترعيش لمبه الفرامل
اذا الحاجات اللى فوق دي تأكدت انها مش موجوده في العربيه يبقى ان شاء الله العربيه جميله.

اما العيوب المستديمه عزل ضعيف وصوت زقزقه خفيفه في التابلوه وفبر القوايم الداخلي بيعمل صوت مع حزام الامان

لكن نصيحه مني اذا حضرتك حساس في السواقه يبقى مش حتبقى حلوه وبسعرها الان تجيب حاجات تانيه احلى الا اذا مصمم على suv

لم استفيض في المزايا لانها معروفه انا ركزت على العيوب وهذه لها حلول لكن اللى بيجيب جديد وبعدين يقعد يحل في مشاكل نفسه بتقفل

ممكن نعرف منك استهلاك البنزين قد ايه من غير تكييف وايضا بالتكييف
لانى سمعت ان التكييف بتعها قوى وبيحرق بنزين كتير

وياريت كمان لو عندك فكرة عن اسعار قطع الغيار

[Dr.Ahmed KH]

200 لتر فى الصفيحة تقريبا