ايه رئيكم نبدء دورة صيانة الفولكس البيتلز

[أحمد سالم]

ياريت كل اللى عنده معلومه يقولها وياسلام لو مدعومه بالصور
اولا ازاى نغير بوجيهات البيتلز


وده شكل الكوندينسر


وده ترتيب البوجيهات فى الموتور والاسبرتير





وده شكل الابلتين


طبعا يستحسن ان البوجيهات تتغير بعد 5000 كيلو
وبعا يستحسن ان يتغير معاها الابلتين
ولو غيرنا كمان الكوندينسر يبقى احنا كده غيرنا طقم الكهربا كامل
طبعا ده شكل الاسبرتير ومكوناته

[ahit]

السلام عليكم

موضوع هايل و ممتاز يا أستاذ أحمد
ياريت نكمله كلنا عشان نتبادل الخبرات و المعلومات

بس هناك ملحوظة

اللى أعرفه و قرأته إن ترتيب البوجيهات على الإسبراتير الخاص بالبيتلز بيكون على شكل حرف V (فى) زى الشكل دا

[ihab]

فتحة البوجيهت مبتبقاش على 25 انما من 60-70
و فتحة الابلاتين بتبقى من 30-40

[أحمد سالم]

فتحة البوجيهت مبتبقاش على 25 انما من 60-70
و فتحة الابلاتين بتبقى من 30-40

استاذ ايهاب انا جايب الصوره من موقع لصيانة البيتلز فهل انت متأكد
ثانيا عايزين حد يفيدنا فى مقاس فتحة التاكيهات

[أحمد سالم]

الاخ الفاضل احمد حسن انا مش متأكد بصراحة لاكن نسئل عم محمد على قريبا باذن الله

[hotboja]

لسة مغير واش الاسبرتير ؟
بس 26 جنية بحلهم هههههههه

على شان الفحمة اللى جوة كنت محروقة

[ihab]

المقاس الموجود فى الصورة ده بالانش لانه اجنبى
اما المقاس الموجود ( باستخدام الفيلر الموجود هنا فى مصر) فا ده بيبقى بالمليميتر و علشان كده حتلاقيه من 60-70 مم

[yosri11]

انا مهندس ميكانيكا ولسة شارى بيتلز 84 ومش لاقى دواير الكهرباء (المبينة ليها 3 اطراف اية هما)

[أحمد سالم]

وده شكل طرمبة البنزين للبيتلز

[أحمد سالم]

وده طريقة توصيل كتاوت الدينامو

[أحمد سالم]

طريقة ظبط الكربرتير للبيتلز

الصورة المرفق بتبين 3 مواضع بيتم ظبط الكربرتير منهم
رقم 1- مسمار ظبط الهوا وظيفته بيعلى الماتور
2- تنظيم مرور البنزين داخل الكربرتير
3- تنظيم مرور الهواء داخل الكربرتير
والمفروض ان رقم 4 بيكون بيك السلانسيه
وظيفته انه بينظم مرور البنزين مع الهوا بعد مرورهم من المسامير السابقه
طبعا الصورة اللى جايه بتبين قيم فتح وغلق المفاتيح الثلاثه
واللى عنده معلومه فى الموضوع ده يارت يفيدنا

ودى صور للكربرتير من الداخل







والصور اللى جاية اعتقد انها بتشرح بيكات الكربرتير احجامها وادائها تقريبا

[ahit]

السلام عليكم

كلام جميل جداً و مجهود ممتاز من الأستاذ و المرجع أحمد سالم
بس ياريت ترجمة واضحة و مفهومة للكلام اللى موجود فى الصوره دى عشان نستفيد كلنا
شكراً

[أحمد سالم]

طريقة ظبط تاكيهات البيتلز ومقاسها الجزء الاول ( ماهى التاكيهات )

السلام عليكم
اولا التاكيهات هى صمامات مسؤله عن دخول وخروج البنزين والهواء وخروج العادم من غرفة الاحتراق اللى هى وش البستم من فوق
والصمامات دى لازم تكون مظبوطة وموحده فى فتحها لان لو كانت مقفوله زياده او مفتوحة زياده تعمل مشاكل فى الماتور
الشرح بالصور
اولا ده شكل الجزء اللى بتمر فيه التاكيهات

وده شكلها وهى راكبه فى الماتور وطبعا عليها غطى وش التاكيهات

وهنا شلنا الغطا

وده جوان وش التاكيه

وده الجوان القديم

[img=http://img167.imageshack.us/img167/9472/57614393jw8.png]


طبعا الصورة الاخيرة اللى بالاحمر بتبين
المقاس الطلوب للفتح التاكيه
والمقاس ده بيتعرف بقطعه اسمها الفيلر
ودى صورته اللى بيقيس بيه البوجيه

هى كلها شرائه كل شريحة عليها المقاس بتاعها
بتتحط تحت الفتحه
وبنمسك صامولة التاكيه بمفتاح ونفتح ونقفل بالمفك
بس ظبط التاكيهات فى البيتلز بيبقى ليه طريقه لان الظبط بيتم مره من ناحية اليمين ومره من ناحية اليسار
وده بيتوقف على رفع البساتم
وده اللى هنشرحة فى الجزء التانى

[El.Hossieny]

الله ينور عليك يا ابو حميييد .... صور فعلا اكثر من رائعة ..... و مجهود متميز ...

[أحمد سالم]

ظبط التاكيهات الجزء التانى
ده شكل الفيلر اللى بنقيس بيهالمسافه بتاعة فتحة التاكيهات

وطبعا لازم يكون معانا مفتاح ومفك زى كده

وده طريقة عمل التكيه



طبعا مهم جدا ان نعرف الترتيب بتاع كل تاكيه من الاربعة وده متعلق بفتح البستم وقفله
النقطة دى انا مش عارفها كويس لاكن فى رسم توضيحى بيبنها
لغاية لما نسئل عم محمد على الميكانيكى لازم نعرف منه بنبدء بأى تاكيه فى الاول وبنعرف ازاى ان البستم مغلق او مفتوح وياريت لو حد يعرف النقطة دى يساعنا

المعلومه الاخيره ان موقع شركة فولكس بيقول ان لازم نعمل شف على الاكيهات بعد 3000 ميل عم محمد على بيقول ممكن كل 5000
وطبعا بعد ظبط التاكيهات بنقوم بتنظيف غطا التاكيهات بالبزين ونركب الجوان
ونثبته مكانه بمشبك معدنى مثبت على الماتور زى ماهو موضح ف اول صوره
مهم جدا اننا نتأكد بعدها ان الجوان راكب كويس ومش بيسرب زيت وده ممكن نعرفه تانى يوم لو لقينا نقط زيت تحت العربيه