في حدود معلوماتي ..البنك هيديك جواب مخالصه إنك خلصت أقساط..وده طبعا بتاخده وحضرتك واقف في البنك في نفس ذات الموقف ..لكن اللي حضرتك محتاجه من البنك للمرور جواب رفع الحظر ..مش المخالصة ..المخالصه دي بتاخدها من البنك عشان إثبات حقك في إنك ما عليكش فلوس ..لكن المرور ما يعرفش مخالصة ..المرور عاوز جواب رفع الحظر ..الجواب ده حضرتك ما بتاخدوش في إيدك ..الجواب ده بيروح المرور بالبريد وحضرتك بتاخد صورة منه من البنك للمتابعه فقط ما بين البنك والمرور ...موضوع بقى جواب رفع الحظر بياخد وقت قد إيه ..ده يختلف من بنك للتاني ..وحسب نضافة البنك ومصداقيته مع العملاء ..فيه بنوك بتبعت الجواب ده في خلال أسبوع ..وفي بنوك في شهر ..وفي بنوك في شهرين ..بس على سبيل المثال مثلا..البنك الأهلي بيقولك إحنا بنجمع الجوابات دي كلها مع بعض ..يعني جوابك وجواب غيرك..اللي جوابات رفع الحظر للناس اللي خلصت أقساط... وبيروحوا القاهرة الفرع الرئيسي بيدخلوا مجلس إدارة وياخدوا تصديق وبعد كده يرجعوا تاني وبعد كده يتبعتوا ا لمرور ..شوف بقى الوقت اللي بياخدوا الموضوع ده قد إيه ..بالنسبه لشهادة المخالفات بتطلع عادي جدا من نيابة المرور اللي حضرتك تابع ليه ..وبتطلع بخمسة جنيه بس
المفضلات