شوفو البيتلز قبل ماتتشد وبعد مااتظبطط وبقت عروسه

[أحمد سالم]

دى بيتلز 1200 سى سى موديل1965 ذات الزجاج العريض

طبعا الراجل اشترى العربيه وفكر يعمل كل حاجه فيها بنفسه ولاكن لا يمنع لو توقف معه شيء ان يسئل المهم ده شكلها اول مااشتراها


وهنا اول يوم فى التجديد فك الابواب والرفارف وشال الزجاج بتاع العربيه بالكامل

وراح شايل فرش العربيه كله من الداخل والكراسى وفرش السقف كمان والطاره وكله طبعا ماتستغربوش ان الطاره بتاعة العربيه فى اليمين فى عربيات كتير كده المهم







جينا بقى لمرحلة فك البودى الخارجى









من هنا بقى بدء الشغل اولا ازالة الصدء تماما من كل الاجزاء اللى فكيناها
وبعدين نبدء فى دهانها بدهانات مقاومه للصدء زى كده







بعد دهان مانع الصدء نبدء بقى فى مرحله اللون الطبيعى


يتبع

[أحمد سالم]

نكم
نيجى بقى للفتيس

[أحمد سالم]

[أحمد سالم]

طبعا اكيد العربيه تستاهل علشان الارجل يعمل فيها كل ده
على فكره هو قعد يشتغل فيها بمجهوده الشخصى لوحده لمده 6 اشهر
كان بيشتغل فيها مرتين كل اسبوع يعنى ايام الاجازه
بدء فيها فى شهر مارس 2006
وخلصها الحمد لله بس الجميل فى الموضوع انك تعمل عربيه لنفسك علشان تركبها بس مش اى عربيه ينفع تتعمل كده دى بس اللى تنفع لانها بوجودها تذكرنا دائما بأقوى عقل حربى فى القرن العشرين انه ( هتلر )

[Nour_Peugeot]

والله راجل جامد جدا انا نفسي اعمل كده بس لسه موصلتش للمرحله الفهاهم فيها كل حاجه عشان اعمل كده

بس كده الواحد يبقي مطمن ان مفبش صانيعي تعبان اشتغل فيها

[أحمد سالم]

شكرا على مرورك
هو الراجل مش دكتور برده ولا هو ميكانيكى بس هو شغل دماغه
دى حاجات بتفكها وتددها وترجع تركبها تانى
والله انا لو عندى مكان فاضى زيه كده عمرى مااودى عربيتى لسمكرى ولا بتاع دوكو
على الاقل

[shankosi]

نفسي أشوف عن حد هاوي في مصر بيعمل كده

[casper2010]

يا ريت لو نعملها في عربياتنا - نعمل جروب و نعلم بعضنا و كلنا نستفيد - بس عاوزه مكان واسع و عدد وحاجات الميكانيكا

[El.Hossieny]

يا ريت لو نعملها في عربياتنا - نعمل جروب و نعلم بعضنا و كلنا نستفيد - بس عاوزه مكان واسع و عدد وحاجات الميكانيكا

انا معاك يا كاسبر تمام في الموضوع ده .... يا ريت بجد نقدر نلم بعضنا و نحاول نصلح احنا الحاجة بايدينا علي قد ما نقدر

[Lord of the flies]

حلم حياتى اهد عربية و ابنيها من تانى

[M!NA]

حلم حياتى اهد عربية و ابنيها من تانى

+11111111

و أنا كمان... و أبني كل حاجة فيها بمزااااااااج عالي جدا...

ضفيرة الكهربا... أنضف أنواع الأسلاك...
الأويلسيلات... الأصلي..
السيور و الزيوت... أنضف و أغلى حاجات و أركبهم بنفسي...
بس فين بأة...

[أحمد سالم]

شكرا لمروركم جميعا
ان شاء الله هعمل لكم هنا مرجع لكل ماتحاجه فى البيتلز
وهنصلح كل حاجه بنفسنا ان شاء الله

[amrvw]

والله يااستاذ احمد الموضوع بتاعك جامد جدا لاكن لو واحد حب يعمل كده هنا فى مصر الموضوع هيبقى مكلف شويه وصعب برده شويه انه يعمل اللى الراجل ده عمله لان الناس هنا اغلبهم مش بيفكر ابدا انه يفهم حتى الماتور بيشتغل ازاى

بس انا نفسى اعرف انت بتجيب الحاجات دى منين
ههههههههههههههههه

[ابوهاشم]

انا عن نفسى ممكن افك العربيه حته حته واجدد فيها حاجات كتير بايدى بس المشكله هل الواحد ممكن يحفظ مكان كل حاجه ويرجعها مكانها تانى
متهيالى صعب خصوصا انك تقعد 6 شهور من تاريخ الفك للتجميع تكون نسيت

[أحمد سالم]

انا رئيي انك تصور كل حاجه بالموبايل قبل الفك
ههههههه
انا مره فكرت افك جهاز كبير عملت له خريطة على كرتون مربع كبير من اللى كنه بنعمل عليه رسومات الوسائل التعليميه ايام الاعدادى
وقب الفك كنت راسم كل حاجه والوان الاسلاك
الحمد لله كله رجع لطبيعته وتم الاصلاح