مشــكلة تأخيــر دوران فى بيــجو 205 موديــل 1984

[madkoos]

انا عربيتى موديل 84
وغيرتلها مشت الكترونى واسبراتير

وعملت الكربيراتير

بس فى مشكلة الصبح فى الدوارة

بتغيب الصبح فى الدواره
وبتقوم وتبطل
لحد ما شويه وتتظبط

مش عارف حلها اية؟؟؟ وعلى فكرة البوجيهات والبطارية جديدة




تانى حاجة ينفع اركب الاكسدام الاودمانى بتاع ال جى تى اى؟؟؟

[madkoos]

وممكن حد يقولى ميكانيكى كويس

يكون فاهم فى الموديل دة علشان الاغلبية مش عارفين وبيفتو

[Nour_Peugeot]

حضرتك ساكن فين ؟

و ينفع تركبي اي حاجه ي تي اي علي العربيه ممكن يكون المارش فيه مشكله كمان شوف كهربائي كويس يبصلك عليه

[madkoos]

انا ساكن فى الجيزة فى شارع المحطة

والمارش جايبو جديد ....اصلى يعتبر غيرت العربية كلها

[madkoos]

شكرا يا نور على الرد

[Nour_Peugeot]

تحت امرك يا باشا انا عموما هكلملك هاني هو اكتر واحد يعرف الورش الكويسه و الوحشه و هقولك ان شاء الله انا بامانه بعشق ال 205 دي

[bee]

مبروك اولا ع العربية

موضوع الدوارة ده بيبقى متعب للاسف وبتغير شوووووية حاجات لحد ما توصله وده في أي عربية ..

شوف يا باشا

بما انك غيرت شوية من الحاجت دي اتأكد من فلتر البنزين انه كويس او غيره على طول هو بخمسة جنيه اصلا ..

وبالمناسبة اوعي تتعود على كده ..
ودايما لما العربية متبقاش راضية تدور خد بالك واتاكد انه لا قدر الله مش سير الكاتينه :k41:

نصيحتي ليك اتاكد من الفلتر بتاع البنزين ودورة البنزين عموما شوف الرداخ شغال كويس ولأ ؟؟

وليا سؤال كمان انت قصدك مش بيقوم المارش الا بصعوبة ولا بتعتل وهي بدور ؟؟ ولا صوتها عادي طبيعي يعني لكن مش بتدور؟؟؟ ولما تبدور بتفصل مرة واحده وانت ماشي ؟؟ وبعدين تدور تاني عادي ؟؟
والنسبة لقطع الغيار يا ريت لو تشرف في بورسعيد وانا اجبلك الي انت عايزه باذن الله
مستني ردك

[ahmedfouad]

يا باشا بالنسبة لموضوع الدوارة ده انا عانيت منه حوالى شهرين لما جبت العربية جديدة


لحد ما فتحت المانيوال بتاع العربية بالصدفة وكان فيه فصل اسمه دريفنج قراته لقيت انى علشان ادور العربية الصبح او بعد توقف الموتور لمدة 6 ساعات لازم اشد الشفاط على الاخر واضغط دواسة الوقود ضغطة كاملة متكررة وبعدين ارفع رجلى من على الدواسه تماماً واضغط على دواسة الدبرياج ضغطة مستمرة لحد ما العربية تدور وبعدين اسيب الدبرياج واسخن

وفعلاً عملت كدة والعربية دارت من اول سنة مارش والحمد لله

علشان متروحش لميكانيى جاهل ويخربلك حاجة

وابقا طمنا ياباشا

وعلى فكرة انا معايا رينو بنت عمة البيجو

وسلام

[madkoos]

شكرا ليك يا احمد انت و بى على الرد

بس صوت العربية بيكون طبيعى وانا شاكك فى موضوع الرداخ دة

بس الفكرة لما بتدور بتبطل لحد لما تقوم مظبوطة واول لما تسخن ولا كأن فى اى حاجة وفى المشى تمام مفيش حاجة

انا حتى جبت اسلاك البوجيهات الفرنساوى بتاعتها ولسة هركبها

واجرب ...ويا ريت حد يقولى فكرة الشفاط دة اية علشان انا عندى الميكانيكى تقريبا فصلو

وهغير فلتر البنزين واشوف

وبعدين يا شباب العربية وهى على السلنسييه تحس ان فيها قطعة صغيرة

مبتتعدلش الا فى حاله ظبط الاسبراتير الالكترونى ....والسير جايبو جديد بتاع الكاتينة

[waelms3]

سير الكاتينة بتاعت ال 205 بكام ومنين عشان العربية صوتها عالى والميكانيكى قالى ده من سير الكاتينة وسمعت انه حديد

[bee]

سير الكاتينة بتاعت ال 205 بكام ومنين عشان العربية صوتها عالى والميكانيكى قالى ده من سير الكاتينة وسمعت انه حديد

هو المكنة بتاعتك المايلة ولا العدلة ؟؟؟

[waelms3]

أعرفها منين دى يا باشا بس انا عندى البوجيهات من فوق عادى

[mood_8210]

nafs moshkeltak de 3ndy f el-504 w de msh moshkla wla 7aga ana lma zbat el-carebrateur el-mekaneky 2aly 2bl ma tdwar el-sob7 doslha bnzeen kza mra mn 5 l7ad 10 mraat w b3den dwar 7tdoor 3latool w f3ln ana kol youm b3ml kda w btdoor mn awel lmsa

[eng.khater]

بص جرب تغير طرمبة البنزين عشان الطرمبة سعات كتير بتبوظ في العربية دي و تقطع منك مرة واحدة و انت ماشي عشان مكنها الموجوده فية بيعرضها لسخونة جامدة و غير مجموعة الخرطيم بتعتها بتاعت تغذية البنزين عشان ممكن تكون ناشفة من حرارة الموتور
و شوف و ابقي قلنا اية الاخبار و لو عايز مكنيكي بس هيبقي في الضاهر بس راجل جامد جدا هوا بيشتغل في البيجو بس ابقي قول و انا اقلك مكانة لو مش بعيد عليك

[el3awaam]

[justify] [/justify][justify]

بص يا باشا عشان متعملش زى منا عملت و تعد تغير فى حاجات
و فى الاخر مش هترضى عن اداء العربية...
ممكن العربية تكون مأخرة كهربا .
زود سنة كهربا ..
و وانت بتشيك عليها الصبح ( ميه و زيت و باكم ). اقفل الباب بتاع الكاربيراتير (الشفاط يعنى ).
و اتكل على الله هتدور على طول بأذن الله .
الكلام دة لو انت معندكش تحكم فى الشفاط جوا العربية زى حلاتى.
انا عندى الموتور زى اللى عندك تقريبا . المكنة النايمة ال1300 205 .
و ربنا يحميهالك..

[/justify]