لانسر 98 ولا اوبل استرا 2000

[mohamed_rhem]

السلام عليكم ورحمه الله وبركاته
انا حبيت اعمل مقارنه بعيد عن التحيز لاء ماركه

في عربيتين واحده لانسر 1300 مانيوال عامله 210000 كم كلهم طوالي عربيه حالتها ممتازه
يعني تقفل ال 200 مرتاح ثبات لحد 160 كم مكيفه سنتر باور فقط
وده علي 42 الف جنيه

التانيه
اوبل استرا 2002 مانيوال 1200 عامله 60000 كم حالتها ممتاذه
بس العربيه تقريبا فيها اكتر من مشكله
اولا التكيف مش شغال
لما بدوس فرامل بسمع صوا ورعشه اعتقد ان الطنابير الاماميه عايزه تتغير
ثبات العربيه وحش مقارنه بالانسر مع ان عداد الاوبل 1200
الغيارات غلسه معرفش ده مشكله في العربيه ولا الاوبل عموما
نظام النور غلس عامل زي المرسيدس القديم

بس الاوبل تديل ايحاء بالقوه مجرد فتح الباب تحس انه باب سياره فخمه وكمان عالي عن الرصيف ميتحكش نهائي
وكمان العربيه عاليه خلاف الانسر بنحك مع الحموله

بصراحه انا محتار ومحتاج راي الخيراء هنا وهنا

ياتري اخد انهي واحده والاسعار كويسه ولا في كلام

انا يهمني اعاده البيع قطع الغيار المتوافره والمعقوله



وشكرا مقدما

ابو اياد

[mohamed_rhem]

محدش عنده معلومه عن اي من السيارتين
او كليهما؟

[ahmad--ezzat]

خليك طبعا فى الانسر
الالمانى مقرف فى قطع غيارو ولما بيفتح بؤو
يلا السلامة

[mosayed]

لانسر افضل فى قطع الغيار و اعادة البيع

[ENG\AHMED]

السلام عليكم ورحمه الله وبركاته
انا حبيت اعمل مقارنه بعيد عن التحيز لاء ماركه

في عربيتين واحده لانسر 1300 مانيوال عامله 210000 كم كلهم طوالي عربيه حالتها ممتازه
يعني تقفل ال 200 مرتاح ثبات لحد 160 كم مكيفه سنتر باور فقط
وده علي 42 الف جنيه

التانيه
اوبل استرا 2002 مانيوال 1200 عامله 60000 كم حالتها ممتاذه
بس العربيه تقريبا فيها اكتر من مشكله
اولا التكيف مش شغال
لما بدوس فرامل بسمع صوا ورعشه اعتقد ان الطنابير الاماميه عايزه تتغير
ثبات العربيه وحش مقارنه بالانسر مع ان عداد الاوبل 1200
الغيارات غلسه معرفش ده مشكله في العربيه ولا الاوبل عموما
نظام النور غلس عامل زي المرسيدس القديم

بس الاوبل تديل ايحاء بالقوه مجرد فتح الباب تحس انه باب سياره فخمه وكمان عالي عن الرصيف ميتحكش نهائي
وكمان العربيه عاليه خلاف الانسر بنحك مع الحموله

بصراحه انا محتار ومحتاج راي الخيراء هنا وهنا

ياتري اخد انهي واحده والاسعار كويسه ولا في كلام

انا يهمني اعاده البيع قطع الغيار المتوافره والمعقوله



وشكرا مقدما

ابو اياد

الفيصل هنا حالة العربية
انا مجربتش لانسر علشان احكم (اعتقد من عداد الكلم تقصد لانسر كريستالة)

بالنسبة للأسترا انا جربت ال 1.6 عربية مريحة و ثابتة , صالونها ممكن يكون ضيق شوية بس لو هتقارنها باللانسر اعتقد هيبقى اوسع (قاعدة العجل اكبر ) طلعتها تقيلة شوية علشان الوزن واتوماتيك , صاج وشاسية محترم , قطع غيار ممكن تكون غالية شوية بس معمرة , بالنسبة لل 1.2 هتبقى تقفيل المانى مش مصرى زى ال 1.6 يعنى تقفيل انضف , تقفيل وخامات اعتقد هتبقى احسن من اللانسر واعتقد دة انت حسيتة

بس الاوبل تديل ايحاء بالقوه مجرد فتح الباب تحس انه باب سياره فخمه

بالنسبة لمفتاح النور كل الالمانى كدة سواء قديم او جديد , بالنسبة للفتيس انا مجربتش اللى بتقول علية بس عموما الالمانى او الاوروبى عموما مش ناعم زى اليابانى وفى نفس الوقت مش لادا يعنى بس هو عادى مش ناشف , الثبات اعتقد العربية دى فيها حاجة فى العفشة , اكبر عيب فى الاسترا الموديل دة موتورها 1.2 والعربية تقيلة
معرفش الكماليات اللى فى ال 1.2

[ENG\AHMED]

خليك طبعا فى الانسر
الالمانى مقرف فى قطع غيارو ولما بيفتح بؤو
يلا السلامة

مقرف من ناحية ؟؟؟

[HeMa_LanCeR]

وانا كمان ارشح اللانسر
لأني ركبت الأوبل ال 1200 وحسيت اني راكب 128 خصوصا مع التكييف هتلاقي العربيه تقيله جدا جدا جدا جدا

[Ahmad Allawy]

الفيصل هنا حالة العربية
انا مجربتش لانسر علشان احكم (اعتقد من عداد الكلم تقصد لانسر كريستالة)

بالنسبة للأسترا انا جربت ال 1.6 عربية مريحة و ثابتة , صالونها ممكن يكون ضيق شوية بس لو هتقارنها باللانسر اعتقد هيبقى اوسع (قاعدة العجل اكبر ) طلعتها تقيلة شوية علشان الوزن واتوماتيك , صاج وشاسية محترم , قطع غيار ممكن تكون غالية شوية بس معمرة , بالنسبة لل 1.2 هتبقى تقفيل المانى مش مصرى زى ال 1.6 يعنى تقفيل انضف , تقفيل وخامات اعتقد هتبقى احسن من اللانسر واعتقد دة انت حسيتة بالنسبة لمفتاح النور كل الالمانى كدة سواء قديم او جديد , بالنسبة للفتيس انا مجربتش اللى بتقول علية بس عموما الالمانى او الاوروبى عموما مش ناعم زى اليابانى وفى نفس الوقت مش لادا يعنى بس هو عادى مش ناشف , الثبات اعتقد العربية دى فيها حاجة فى العفشة , اكبر عيب فى الاسترا الموديل دة موتورها 1.2 والعربية تقيلة
معرفش الكماليات اللى فى ال 1.2

وانا كمان ارشح اللانسر
لأني ركبت الأوبل ال 1200 وحسيت اني راكب 128 خصوصا مع التكييف هتلاقي العربيه تقيله جدا جدا جدا جدا

شوف يا باشا..
العربية تقفيل اسباني.. مش الماني.. و تقفيل نضيف و كويس..
العربية فيها عيب معروف.. وهو انها بتجيب جوان وش سلندر علي طول.. (بسبب عيب معين في مكان الكونترول يونيت..)
و الكلام ده من ناس شغالين ف التوكيل
العربية فعلا تقيلة علي الموتور.. و من غير تكييف كمان.. تجميعها علي قدها..
لكن لما تجمع مالهاش حل.. ثبات عالي جدا..
الانسر.. قطع غيار ارخص.. و ثبات اقل شوية من الاوبل..
و سهله جدا ف البيع..
اللنسر افضل من الاسترا دي.. بس برضه متجيبش عربية ماشية كتير..
متنساش ان العربية مش موتور وبس.. في حاجات كتير قوي بتكون عمرها الافتراضي خلص..

[KHALED AYMAN]

واضح من كلامك ان الاسترا الى معروضه عليك حالتها مش كويسه فبلاش احسن بس انا فى نظرى الاسترا احسن من اللانسر (لو حالتها كويسه)

[Ahmad Allawy]

الاسترا دي يميزها انها فيها اير باج علي فكرة.. اللانسر مفيهاش..
هي تبقي احسن في حالة واحدة..
ان اللي بيشتري مالهوش و الشد و الجري.. يعني سواقة هادية..

[mohamed_rhem]

شكراُ لكلا من
م/ احـمد عـزت
ENG\AHMED
mosayed
HeMa_LanCeR
Ahmad Allawy
wheals
والله فعلا الاوبل فيها Airbage و RPM
ولما الابواب عاليه جدا ومش بنحك في الرصيف زي اللانسر
بس انا فعلا متخوف من حكايه غلو قطع الغيار ده
انا شخصيا ميال للانسر لعده اسباب
اهمها انا برتاح للعربيه ده قوي
ثانيا الانتشار الرهيب
ثالثا سعر قطع غيارها وسهوله ميكانيكيتها وتوافرها
بس الاوبل احسن في حجات تانيه

مش عارف لسه برضه تايه

ياريت خبراء الاوبل يطمنوني شويه من ناحيه الصيانه وقطع الغيار خصوصا للموتور 1200
ولو حبيت اسقط 1600 يتكلف كام

والف الف شكر للساده الاعضاء

[Ahmad Allawy]

شوف.. متفكرش في تسقيط ووجع الدماغ ده..
عشان وش جامد.. و وارد جدا انها متتظبطش زي ظبطة المصنع..
اركب العربية علي ما هي شوية و بيعها و غير و هات اعلي..
و بالنسبة لموضوع الارتياح.. ده اهم حاجة.. لو ده موجود توكل علي الله و هات اللي انت مرتاج ليه..

[mohamed_rhem]

شكراً يا استاذ Ahmad Allawy
والله المستعان واهي شويه وربنا يكرم واجيب جديد
وشكراً لكل الي شاركونا

ابو اياد