تحية خاصة للاستاذ محسن صالح

[aapaap855]

السلام عليكم
انا برسل التحية دي باسمي للاستاذ محسن الح على ما قام به من مجهود لتسليمي السيارة
الموضوع اني كنت عايز عربية جين 2 مود 2008 اوتماتك
لفيت المعارض كلها ملقتش غير 3 الوان معجبونيش
1-ابيض (هيطلع عينو في مصر)
2- أصفر (تاكسي العاصمة)
3- شامبين (حلو بس معجبش مراتي -الحكومة)
(ملاحظة انا كان ممكن اجيب اي لون منهم بس الحكومة انتو فاهمين طبعا)

المهم دخت في المعارض كلها وفي الآخر كلمت الاستاذ محسن وقالي انا قدامي واحدة رمادي
قلت للحكومة -معجبهاش- وطبعاً معجبنيش
المهم قالي انا في واحدة سودة في اسكندرية في المينة ممكن اجيبهالك بكرة بس ممكن تيجي مشي يعني هنلينهالك
بصراحة مسدقت اللون عجبني( الحكومة) وقلتلو تمام كدة , اشحن يا معلم
تاني يوم كلمتو قالي العربية وصلت وكمان جيبناهالك متشالة مش ماشية بصراحة طرت من الفرحة
العربية استلمتها مفيهاش اي مشكلة والغريب في الموضوع ان تاريخ شحنها كان يوم23-7-2008 ودة كان يوم فرحي

المهم انا آسف اني طولت عليكو , وعارف ان كلامي دة ممكن ميكنش بيهم كتير منكو
بس الاعتراف بالجميل والحق واجب

[eng_mido]

waahy howa ragel mo7taram w tayeb dh akeed.

[momenhamdy]

هو فعلاً موقف منه كله رجوله ............ و ربنا يباركلك و يديك خيرها و يكفيك شرها

[amrcd1]

تقريبا العربيه دى بتاعتى لان انا من اسكندريه و كنت حاجز 2008 اسود و فاضل حاجزهالى اكتر من 3 اسابيع لغاية موافقة البنك ما تخلص بس انا غيرت رايى و حجزت 2009 . على العموم الف مبروك يا باشا...

[ZIMOFOX]

السلام عليكم
انا برسل التحية دي باسمي للاستاذ محسن الح على ما قام به من مجهود لتسليمي السيارة
الموضوع اني كنت عايز عربية جين 2 مود 2008 اوتماتك
لفيت المعارض كلها ملقتش غير 3 الوان معجبونيش
1-ابيض (هيطلع عينو في مصر)
2- أصفر (تاكسي العاصمة)
3- شامبين (حلو بس معجبش مراتي -الحكومة)
(ملاحظة انا كان ممكن اجيب اي لون منهم بس الحكومة انتو فاهمين طبعا)

المهم دخت في المعارض كلها وفي الآخر كلمت الاستاذ محسن وقالي انا قدامي واحدة رمادي
قلت للحكومة -معجبهاش- وطبعاً معجبنيش
المهم قالي انا في واحدة سودة في اسكندرية في المينة ممكن اجيبهالك بكرة بس ممكن تيجي مشي يعني هنلينهالك
بصراحة مسدقت اللون عجبني( الحكومة) وقلتلو تمام كدة , اشحن يا معلم
تاني يوم كلمتو قالي العربية وصلت وكمان جيبناهالك متشالة مش ماشية بصراحة طرت من الفرحة
العربية استلمتها مفيهاش اي مشكلة والغريب في الموضوع ان تاريخ شحنها كان يوم23-7-2008 ودة كان يوم فرحي

المهم انا آسف اني طولت عليكو , وعارف ان كلامي دة ممكن ميكنش بيهم كتير منكو
بس الاعتراف بالجميل والحق واجب

بص اولا محسن صالح شخص محترم وخدوم
ثانيا انت راجل مرزق
والحكومة وشها حلو عليك
مبروووك يا ماان

[khpopo]

مبرووووووك الف مبروك وخصوصا انك عريس جديد ربنا يدك خيره ويكفيك شرها ولكل مجتهد نصيب عشان اخدت الى انت عايزة وكمان الاعتراف بالجميل ا/محسن انسان محترم ياما غلبتة ربنا يحميهالك :skeptical::skeptical:
ربنا يوفق

[aapaap855]

شكرا ليكو كلكو على كلامكو الجميل دة
ومعلش اذا كنت اخدت عربيتك يا مان تبقى في رجلك ويركبها غيرك
ربنا يكرمك ب 2009 تكون احسنلك من دي

[ringoo84]

الاعتراف بالجميل ده من شيم الرجال وحضرتك باين عليك ان انت انسان محترم علشان كدا ربنا وفقك ووقفلك انسان محترم ا:محسن علشان يكون سبب ...,
مبروووووووووووووووووووووك ......
بس على فكره اللون الاسود بيبان فيه التراب مجرد متوصل بالعربيه اخر الشارع ..

[momenhamdy]

الاعتراف بالجميل ده من شيم الرجال وحضرتك باين عليك ان انت انسان محترم علشان كدا ربنا وفقك ووقفلك انسان محترم ا:محسن علشان يكون سبب ...,
مبروووووووووووووووووووووك ......
بس على فكره اللون الاسود بيبان فيه التراب مجرد متوصل بالعربيه اخر الشارع ..

هو حضرتك حتقولي علي اللون الاسود ......... انا معايا الاسود و بسم الله ما شاء الله كل ما تتغسل يجي تاني عليها تراب و مش المشكله في كدا اول ما يجي عليها الترات تشوف الرسم بأ علي العربية العيال في الشارع يعملوها لوحه فنية بالتراب و تتمسح و ترجع تاني و هكذا عذاب و الله ........ :k41:
الحمد لله علي كل حال .........

[aapaap855]

الاعتراف بالجميل ده من شيم الرجال وحضرتك باين عليك ان انت انسان محترم علشان كدا ربنا وفقك ووقفلك انسان محترم ا:محسن علشان يكون سبب ...,
مبروووووووووووووووووووووك ......
بس على فكره اللون الاسود بيبان فيه التراب مجرد متوصل بالعربيه اخر الشارع ..

شكرا على كلامك الجميل دة وانتا بجد راجل ذوق
ممكن اعرف انتا عربيتك لونها ايه؟