انا ركبت Dvd للميجان --- قلت تدلع شويه

[human]

ازيكو يا وحوش
انا من كام يوم ركبت DVD

Panasonic cq-dx200N *
plays DVD, MP3, DIVX(woooow) and all other formats and USB
1700 l.e

Syphoney 7 insh display متركبه على حامل صغير فى المسند
750 L.E

Data Cable for Iphone بيشحن و يشغل ال play lists و لذيذ جدا لو معاك ipod او iphone
350 L.E

و شويه دواير على حاجات صاحبى ركبها عشان يشغل السى دى الاصلى مع الجديد كمان فبسمع الراديو فى القديم عشان الكنترولز اللى فى الطاره و كده و اتكلفت 300 جنيه

انا عارف ان الحكايه وسعت كنت مظبط نفسى على 2000 جنيه لليله كلها بس الاولاد مبسوطين و ده المهم


لو بقى حد عايز mp3 fm يبقى يقولى عشان ابيع اللى معايا ماكملش اسبوعين هو بيشغل ال USB and MMC و فيه وصله AUX ممكن تتوصل على ال IPOD
و فيه شاشه و ريموت كنت جايبه ب 130

[farahat]

ألف ألف مبروك يا باشا ، ربنا يباركلك فيهم ، و يا رب ديماً الأولاد مبسوطين كدة :)

[MoToRiZeR]

ألف مبروك علي الدي في دي و دائماَ مبسوطين يا رب :)

[Mustafa_Farouk]

١٠٠٠ مبروك بس ممكن تصور التابلوه منظرو عامل ازاي بعد مركبت الديفيدي، وركبت فين عشان بفكر أعمل كدة عندي في الاسترا بس بحس إن المكان فيها ممكن ميستوعبشي.

[chato_eg]

1000 مبروك يا أستاذ طارق....
أنا متوقع إن ال DVD ال Panasonic طبعا التحكم فى مستوى الصوت و خلافه لازم يتم منه و مش ممكن من الذراع خلف الدركسيون...و لا الدوائر التى قمت بتركيبها دى قامت بتوصيل ال DVD بالكونترول لل Sound System بتاع العربية ؟؟؟

[د.محمود صلاح]

كنت أفضل انك تبدل الأصلى الحالى وتركب مكانه الأصلى ابو mp3 اللى راكب فى ال 2008
لأنك كده فقدت ميزة التحكم من الطارة وفقدت ميزة خفض وعلو الصوت مع زيادة و ونقصان السرعة وميزة تناغم منظر التابلوه . والف مبروك

[Sharky]

الف مبروك يا طارق
و ربنا يبارك لك فيه

[farahat]

لا يا دكتور محمود ، من الواضح حسب ما فهمت من كلام أستاذ طارق إن الميزتين دول تحديداً لم يفقدهم عن طريق إنه وصل الصوت على الكاست الأصلي و بالتالي كدة بيتحكم في الصوت من الدرع الأصلي و كمان الصوت بيعلى و يوطى مع السرعة عادي .
كل الحكاية إنه إستعمل مدخل ال-aux في الكاسيت الأصلي و كدة يكون التحكم الرئيسي من الكاست الأصلي ، و ممكن يتحكم من ال-dvd ، بس السوط النهائي من الكاست الأصلي

[megane_man]

يوحوش هي فين وصلة ال aux الي في الككاسيت الأصلي

[Ramy_Tantawi]

الف مبرووووووووك يا استاذ طارق ربنا يبارك لحضرتك في التظبيط الجديد وربنا يكرمك وتبسط اولادك واسرتك على طول كده ان شاء الله.

طبعاً من باب التطفل نفس سؤال الوحوش هل حضرتك تقدر دلوقتي تشغل ال DVD وتتحكم في الصوت من كونترول الطاره ؟؟؟

يا ريت يا استاذ طارف تفهمنا الموضوع ده باستفاضه شويه لاني من سنه تقريباً خضت صولات وجولات في سبيل اني اركب MP3 Player وماخسرش امكانية التحكم في الطاره لكن للأسف فشلت فشل زريع فا ياريت حضرتك تفهمنا عملت ايه ؟ وهل الشغل ده عند السجان ولا حد آخر ؟

اشكر سعة صدركم يا استاذ طارق والف مبروك مره اخرى وربنا يباركلك ان شاء الله واوعى تتفرج مع الاولاد وانت على الطريق .

[waleedrahmy]

مبرروووووووووووووك ياباشا

[sa3dawy]

الف مبروووك ومبرووك للاولاد لان موضوع الديفىدى دا مهم جدا خاصة للاطفال فى المشاورير الكبيرة
الف مبروووك

[د.محمود صلاح]

لا يا دكتور محمود ، من الواضح حسب ما فهمت من كلام أستاذ طارق إن الميزتين دول تحديداً لم يفقدهم عن طريق إنه وصل الصوت على الكاست الأصلي و بالتالي كدة بيتحكم في الصوت من الدرع الأصلي و كمان الصوت بيعلى و يوطى مع السرعة عادي .
كل الحكاية إنه إستعمل مدخل ال-aux في الكاسيت الأصلي و كدة يكون التحكم الرئيسي من الكاست الأصلي ، و ممكن يتحكم من ال-dvd ، بس السوط النهائي من الكاست الأصلي

فعلا لو كان راكب على الأصلى ( من وصلة aux ) يبقى فقد قدرة خرج الصوت العالية للبناسونيك مع الإحتفاظ بميزة التحكم فى الطارة أما لو ركب الأصلى على الباناسونيك يبقى فقد التحكم من الطارة الا الصوت فقط وتصحيح الصوت مع السرعة

[farahat]

فعلا لو كان راكب على الأصلى ( من وصلة aux ) يبقى فقد قدرة خرج الصوت العالية للبناسونيك مع الإحتفاظ بميزة التحكم فى الطارة أما لو ركب الأصلى على الباناسونيك يبقى فقد التحكم من الطارة الا الصوت فقط وتصحيح الصوت مع السرعة

هو فعلاً هيكون فقد قوة الصوت و لكن إستفاد التحكم في الصوت و كمان إستفاد جودة أكتر للصوت (لأن الكاست الأصلي و مكبر الصوت الخاص بيه بيكون متوالف على هندسة الصالون بتاع الميجان بمعنى أوضح بيديك تأثير محيطي جيد للإستماع ) و دي ميزة أنا شايفها أهم من فرق الخمسة أو ستة وات RMS إلي هيكونو زيادة في الباناسونيك .

[د.محمود صلاح]

تمام كده الله ينور عليك ... صوت السى دى الأصلى محيطى مجسم وكأنى قاعد وسط الفرقة السيمفونية بالضبط