بفكر اجيب جالينا ياريت تنصحونى

**mohsal** · 10-12-2015 11:55 AM

ليا واحد قريبى اشترى اسبيرانزا a620 الصراحه عجبتنى جدا وحجم الكماليات اللى فيها لاتتناسب مع تمنها بالرغم انه جايبها استعمال بس حالتها كويسه فبفكر فى الجالينا شكلها احلى وبنفس الكماليات بس الصراحه خايف منها سواء الجالينا او الاسبرانزا عربيات عددها قليل فى الشارع وقطع غيارها ممكن تكون مش متوفره وتقيله فى البيع واستهلاك البنزين لانها 2000 سى سى ده غير انها عربيه صينى بس الصراحه العربيه مقارنه بالسعر مغريه وهل العربيه منظر وخلاص ولا عربيه اعتماديه وبتستحمل والجالينا احسن ولا الاسبرانزا ياريت اللى يعرف مميزات وعيوب العربيه ينصحنى

**A7medelfe2y** · 11-12-2015 03:17 AM

ابعد عن الاتنين
خليك في حاجه نجحت عندنا وانتشرت وتكون 1600 بلاش 2000

**احمد نور الدين** · 11-12-2015 05:30 AM

بصراحة معنديش معلومة عن الاسبيرانزا لكن انا معايا الجالينا زيرو من 2012 ومشيت 127000 كم في تلات سنين ونصف تقريبا العربية ممتازو جدا واعتمادية وثباتها غير طبيعي وكماليات كتير جدا وصالون واسع واستهلاك البنزين معقول جدا واقل من عربيات 1600

هات عربية تكون حالتها كويسة وبيعمل صيانتها في التوكيل واكشف عليها في التوكيل قبل ماتجيبها موديلات 2006 و 2007 افضل في السرعة والسحب لان الموديلات اللي بعديها الموتور مقفول علي سرعة 180 كم

قطع الغيار كتير جدا بره التوكيل في شارع دمشق و ماستر اللي في الحي السابع

في تقرير انا عملته عن الجالينا هتلاقيه في الموضوعات المثبتة وربنا يوفقك للخير