تكمله لكلامنا عن البيتلز عندي مشكله غريبه العربيه بتطلع دخان لما تكون واقفه فتره بس

[drjadoire]

يا جماعه عربيتي زيتها كويس وكل حاجهومتورها لسه متعمر ولا بيجيب نقطه زيت
بس فيه مشكله صغيره
العربيه بتطلع دخحان بسيط لما اجي طالع لو واقف في زحمه فتره والعربيه سخنهوبعدها ملاقيش دخان عادي وانا ماشي
يا تري ده عيب ولا ده عادي ولا من ايه بالظبط

[ahit]

السلام عليكم

يا ترى لون الدخان ايه؟

[drjadoire]

الدخان بيطلع من الشكمان لما بكونواقف فيالزحمه واجي اطلع
وبعدين اول مامشي بيروح بسلونه عادي دخان ابيض مش اسود
معرفش هل فيه سبب ولا الموتور مفوت
بس ازاي وهو مش بيجيب زيت وكمان لسه متعمر
ولا هي دي طبيعه العربيه

[drjadoire]

هي الفولكس لو سخنه وماشيه فتره وواقفه في الزحمه بتطلع
دخان مع الطالعه ولا ايه

[أحمد سالم]

السلام عليكم
اولا مادام انت لسه معمر الماتور يبقى الامر سهل وبسيط
بس طبعا اكيد ان لون الدخان مش ابيض لان لو ابيض
اكيد هو لون مايل للسواد وده بيطلع لو زودت بنزين والعربيه واقفه كمان
ده بيبقى سببه ن الكربرتير عندك مش مظبوط وسبب الدخان ان الكربرتير بيدى بنزين زايد عن المطلوب
وده بيسبب عدم اكتمال حرق البنزين فى غرفة الاحتراق لانه زايد عن الحد المطلوب
كل الموضوع انك تظبط كهربة العربه وتظبط الكربرتير
وكله هيبقى تمام
بس طبعا يكون اللو بتاع الدخان مايل للسواد
فى كل الاحوال لازم هتظبط الكهربا علشان تتأكد

[ahit]

السلام عليكم

أخى العزيز

الدخان لو اسود يبقى دا من الكربراتير و عاوز تنظيف و يتظبط هو و الكهرباء
بمعنى تظبيط مسمار الهوا و البنزين بعد تظبيط اشارة الإسبراتير بتاع الكهرباء
و ياريت تعمل دا عند واحد صنايعى بيفهم و أمين زى الحاج محمد على ( ربنا يباركله )
و ياريت تراجع الموضوع دا بتاع الأستاذ/ أحمد سالم
* أفضل ميكانيكى بيتلز بعد التجربة *

أما لو كان الدخان أبيض يبقى شنبر , يعنى محتاج تعمل طقم شنبر
و إنت بتقول معمر الماتور قريب
إما ماتعملش كويس أو ماتلينش كويس أو انت قرصت على الماتور فى التليين
و ربنا يستر فى الحالة دى

على العموم جرب التالى:
1- لو هاتغير زيت قريب حط زيت تقيل و غيرة عند حد نظيف.
2- ممكن تحط زيت شمبر مع غيار الزيت و دايماً تسخن العربية كويس جداً الصبح و تشوف النتيجة.
3- غير البنزينة اللى بتمون منها يمكن يكون بنزينها مش كويس.
4- لو فضل الحال كما هو لازم تروح للميكانيكى ( بس يكون أمين عشان مايشتغلكش و يقولك عمر تانى و الكلام دا )و إحكيله كل حاجة و خلية ينظف الكربراتير كويس و يظبط الكهرباء و تابع النتيجة معاة و إن شاء الله خير

و أى إستفسار أنا فى الخدمة لوجه الله تعالى لأن كلنا إخوات فى هذا المنتدى الكبير و العظيم و المحترم و اللى كل واحد فيه لا يبخل بأى جهد أو معلومة أو وقت لإفادة أعضاء منتدانا NileMotors :k10:
بالإضافة الى إدارة المنتدى المحترمة و الخيرة جزاهم الله عنا كل خير و زادهم من فضله و علمه و زادهم عطاء و نجاح

[GMakram]

ممكن اعرف عمره الموتور كلفتك كم؟انا عندى بيتلز ومكنتش مهتم بها من فتره طويله ومعلوماتى مش جامده اوى فكنت عايز اعرف العمره بتوصل كم وهل فيه مشكله فى قطع الغيار ولا هلاقى كل حاجه؟خصوصا انى كمان هحتاج اكسسوارات كتير زى مثلا ماكينه الزجاج اللى حسب مبسمع مش متوافره معرفش صح الكلام ولا ايه؟
شكرا مقدما على النصيحه واسف انى بسئل على حاجه مش فى سياق الموضوع

[drjadoire]

يا جماعه انا بشكركم جدا انكم حاسين بيا
العربيه وانا بدور عادي خالص لو بارده او حتي سخنه بقالها شويه متطلعش دخان حتي لو قرصت او زودت بنزين
لكن لو زحمه وباقلها فتره وواقف
الاقيها بتطلع
دخان من ورا بشوفه من القزاز وخصوصا او نقلت ومشيت في الطالعه لكن اول ماجري الدخان بيختفي وبالقيها عاديه
هل
ده فعلا السبب
يعنوي الكهرباء ولا الكربراتير
ولا الموتور متعمرش كويس بس يا جماعه مش بتنقط زيتولا فيه زيت عالموتور ولا كمان تاكل زيت
يا ريت تقوللولي انا حتجنن ومش عاوز اروح لماكانيكي يعملي حوارات

[El.Hossieny]

بجد لازم تروح للحاج محمد علي يبصلك عليها .. الراجل امين جدا و محترم و هو اللي هيقولك العربية فيها ايه من الاخر

[drjadoire]

يعني مفيش حل غير ميكانيكي
اوك بس ايه السبب يا جماعه
كربراتير ولا الموتور فيه حاجه
ولا البنزين مش نظيف ولا هو الفوكلس يما بيسخن فتره طويله بيدخن مع الطاعه عشان تبريد زيت ولا ايه