ملخص مقابلة نادي جين 2 باستاذ هشام عز العرب و المدير العام لبروتون العالمية

[monmon2010]

انا بجد مبسوط اوي اني رحت المقابلة دي لان عرفت حاجات كتير وشفت ناس محترمة جدا مع اني كنت لسا لوحدي طبعا واحد رايح نادي لسا اول مرة يبقي عضو
فيه مكنتش اعرف حد خالص غير اسلام متولي و جه متاخر كمات فياريت نعمل واحدة لينا هنا بجد لاني حاسس ان نايل موتورز FAMILIAR بالنسبالي يعني بجد حسيت هنا بجد ان احنا اهل

المهم اليوم مشي كالتالي طبعا الكلام ده كان انبارح
الساعة 8:30 الناس جت كلها وكان في عصاير وحاجة ساقعة يعني وكله قعد يتسلي
الساعة 9 بدا المقابلة بمؤسسي نادي جين 2 واستاذ حبيب بدا الكلام عن النادي وهما ابتدوا ازاي بدوأ والكلام ده وفي الوسط
دخل استاذ هشام عز العرب طبعا غني عن التعريف وقعد معاهم لحد مخلصوا هما علي 9:30
كده وبدأ هو الSPEECH بتاعته المهم ان مش هاتكلم ههما قالوا ايه لانها حاجات كلها تخص النادي فملهاش لازمة هنا
انا هاتكلم عن استاذ هشام اول حاجة اتكلم عليها انوا مكنش متوقع ان جين 2 تسمع اوي ويتعملها CLUB كمان وقال احنا مقصرين في حقها جامد هي والناس الي بتشتريها ولكن اوعدكم ان يبقي ليكوا حاجات كويسة كتير
و احتمال نخلي النادي ده منظمة لا تهدف للربح ويتعملها بقي سجل تجاري و حوارات
وتبقي فيها نفع جامد قوي للناس ,واكيد احنا هنرعاها ..طبعا مش فاكر كل الكلام بس ده الجزء ال شدني يعني
الساعة 10 كده بدأ اسئلة الصحفيين المالزيين لاستاذ هشام و مؤسسي النادي للاسف كانوا ضايعين في الانجليزي و تعبوهم قوي عقبال مايفهموا منهم السؤال
سالوا برده عن النادي وعدد الاعضاء وعدد الرحلات
و هل بتعملوا حاجات ممنوعة بالعربيات يعني و شوية اسئلة عقيمة كده بجد كانوا صحفيين قلل
المهم خدنا بريك كده لغاية 10:15 وبعدها جه مسترHamdan Monawar وده المدير العام لشركات بروتون الرجل ده اتكلم كلام زي الفل يعني ابتدا الكلام انوا اول مرة يجي مصر واستاذ هشام عمال يقولوا تعال بقاله كتير
وقال انه برضه منبهر بالنادي والفكرة ومكنش متوقع ودي اول مرة تحصل في اي دولة من الي بيوزعوا فيها واتكلم عن البرسونا شوية
اهم حاجة بقي الاسئلة لان اتكلم تقريبا دقيقتين وقال يا جماعة انا عايزكم انتم تسالوا

اول سؤال لماذا يوجد عيوب جودة حتي الان وفي عربيات كويسة وعربيات وحشة؟
رد هو وقال للاسف احنا بنعتمد علي VENDORS (موردين) اي كلام بيبعتوا شوية بضاعة نصها حلو ونصها وحش واحنا اتبعنا اجراءات مشددة عشان نركز علي النقطة دي,.,,
طيب ايه اخبار تطوير المواتير عندكم؟
طبعا هو اتكلم عن الCPS واتصدم انه منزلش مصر هو كان فاكر هشام ماجلوه طلع انه ممنوع وعلي فكرة مش حوار بنزبن هو هشام قعد يبرطم معاه كده بالكلام ومحدش فهم ليه هو ممنوع وان الحكومة منعته و اتكلم انهم بيطوروا الCAMPRO TURBO وده طبعا هيبقي قنبلة وقال ده علي 2010 ممكن يكون هينزل

واحد سال تاني قاله ليه منزلوش الSAVY
قال انه بيبوصوا علي احتياجات السوق الاول لو لقي تجاوب ان المصريين عايزينها هينزلها... هي عربية صغيرة و خدت جايزة احسن عربية موفرة للبنزين في ماليزيا

طيب هل هتبيعوا شركة لوتس؟
اكيد لا طبعا دي كلها اشاعات و احنا متبتين فيها بايدينا وسنانا وخصوصا بتساعدنا نطور بروتون وبتجيبلنا مكاسب مهولة

طيب هل هتفتحوا مصانع في مصر لتصنيع بروتون؟

قال احنا اهم حاجة انا احنا نزود فلوسنا !!! فطبعا لازم ندور علي استثمارات جديدة واحنا فعلا بندرس المضوع ده وشجعني سفير ماليزيا اني اعمل كده
وانشا الله وبكرة رايح اقابل وزير الصناعة و لو عملت حاجة هتبقي بمساعدة صديقي واخي استاذ هشام (بتهيالي كده بعد عن حوار شركة النصر مش عارف بقي )

واحد سال انتوا ليه مش بتستجيبوا لFEEDBACK بتاع العميل (ده ديلير لعز العرب) يعني زي زراير فتح الازاز نقلتوهم للباب وغيرتوا مكان الساعة؟

طبعا هو اتصدم قالوا احنا كل البلاد كانت عايزة كده قاله انا اول مرة اسمع انه مش عاجب حد رد عليه وقاله احنا اصلنا الدريكسيون شمال
فنحط ايدينا الشمال علي الدركسيون وعايزن الحاجة علي يمينا انما الي دريكسيون يمين كده تمام قوي بالنسبة ليهم فقال اه كده انا فهمت ليه قال حاحط ده في الاعتبار

واحد قاله انا بحب العربية دي موت لكن مش طبيعي انا اصحي خمسة الصبح اروح اعمل صيانة وكمان قطع الغيار مش متوفرة؟
(شبه قاله وانا مالي يعني وراح بصاه لهشام ) هشام رد قال انا بعمل جهد جامد عشان اطور الموضوع ده انا عارف ان الصيانة مش علي قد العدد وبحاول ازود الفنيين و المهندسيين وهاعملكم مكان تاني انشاء الله
وعلي فكرة انا عملت مبني تاني يسمي الPDI ده خاص بينا احنا عشان نتمم علي العربية قبل ماتطلع من عندنا ورد واحد من الجروب بتاع جين2 وقال ان بشمهندس امر عامل HOTLINE دلوقتي وبقي بالحجز وحصل تطويرات دلوقتي وساحة كويسة لانتظار الاعضاء...
وعلي موضوع قطع الغيار ده رد مستر حمدان وقال دي مشكلة من عندنا عشان احنا مش ملاحقين علي الضغط و انشاء الله نطور الموضوع
وبرضه قال في موضوع الصيانة ده احنا في واحد من ماليزيا هيقعد معاكم لحد يوم 27 يعني لمدة 3 ايام في ابو رواش ومعاه التيم بتاعه عشان الي عايز يظبط العربية او لاقي عيب معين يقولوا عليه
وده الاعلان
Dear Gen.2 Owners.

It's now ur opportunity 2 go 2 the service center 4
general checkup on ur cars... the Malaysian
technical team is now available in Egypt, & will be @
the Cairo Service Center till Wednesday 26th of
November, then in Alex Service Center on the 27th
of November. Eng. Amer is advising all of u who
have any kind of problem to go to the service
center on the mentioned dates.


Thank u all.

ارجو اني اكون افدتكم بحاجة شكلي هاطلع احسن من صحفيين ماليزيا دول
مراسلكم من مينا هوس اوبروي ...مينا سمير (يعني كمان مينا هوس ده ايه
الخنقة دي انا خنقت عليكم جامد :) )

[Ayman_52]

ايه الحاجات الجامده دى...يامينا....لا ماشاء الله ولا اجدعها مراســــــــل

والواحد حاسس فعلا ان هيبقى فى تحسن كبير جاى ان شاء الله

بجد الف شكر ياباشا...وعلى انتظار باقى تقاريرك الجامده

[waleedseng]

تقرير ممتاز. :k18:
و موضوع ال Turbo في 2010 دا حلو (بفكر أستناه )

[ahmeddonky]

اول سؤال لماذا يوجد عيوب جودة حتي الان وفي عربيات كويسة وعربيات وحشة؟
رد هو وقال للاسف احنا بنعتمد علي Vendors (موردين) اي كلام بيبعتوا شوية بضاعة نصها حلو ونصها وحش واحنا اتبعنا اجراءات مشددة عشان نركز علي النقطة دي,.,,
طيب ايه اخبار تطوير المواتير عندكم؟



فين الاجراءات المشددة دية الناس لسه شارية العربيه من ايام وبيشتكو من عيوب
وبعدين العربيه طرحت عالميا سنه 2004 لسه جايين يطبقو اجراءات مشددة دلوقتي

[monmon2010]

انا نسيت اقول برده حاجة هو ثالها يا احمد ان الضغط علي طلب العربية وهما مصنع جديد( مش عشان اربع سنين انت مخليهم حاجة ) بيقولم مش بيلحقوا يراجعوا ويقفلوا كويس من كتر الطلبات بالاضافة طبعا ان حتي لو قفل كويس الvendor باعتله القطعة مش مظبوطة ..


يا جماعة دي منظومة كبير مش في 3 او 4 سنين هيعمل جين2 من غير عيوب وده عربية واحدة من ضمن 7 عربيات ده غير انهما بيملكوا لوتس كمان... يعني العربية دي 10% تقريبا من شغلهم

[momenhamdy]

اولاً يا استاذي الفاضل الشكر كل الشكر للمجهود الرهيب الي عملته لتلخيص المقابله بالنادي الخاص بالجين 2

و انا شايف ان بروتون فعلاً ليها مستقبل هايل عالمياً ( لان السوق المصري مش الهدف الوحيد لهم )
و حاجة كمان مهمة لو هما من 2004 مع شركة لوتس و وصلوا الي العربيات بمحركات بالتكنولوجيا دي في الوقت الصغير دا
امال بعد 10 او 15 سنة ممكن تعمل ايه بروتون ..... افتكر حتبقي حاجة جباره فعلاً

بس اهم حاجة الاهتمام الداخلي بالتوكيل و الموضوع الخاص بقطع الغيار و اسعارها
و انا شايف فعلاً ان عز العرب حالياً بيطور نفسه بشكل هايل
وربنا يوفق الي الخير ان شاء الله

[khpopo]

جين 2 الجميلة فعلا صحت البشر اخيرا بدون مساعدة وعز بية بتهيالى ابتدى يفوق لها ربنا يهدى كدةة كلام جميل ومطمئن انشاالله :k38:
فى حاجة مهمة قالها برضة مدير الشركة ان فى خلال شهر هايكون فى عند عز قطعة تستبدل بقطعة اظن ecu ساعتها الفجوة اى مضايقة ناس هاتبقى افضل هما خلصوها وحاليا سسطروحها وعلى مااظن قال هاتبقى فى حدود 120 دولار
ربنا يوفق

[khpopo]

جين 2 الجميلة فعلا صحت البشر اخيرا بدون مساعدة وعز بية بتهيالى ابتدى يفوق لها ربنا يهدى كدةة كلام جميل ومطمئن انشاالله :k38:
فى حاجة مهمة قالها برضة مدير الشركة ان فى خلال شهر هايكون فى عند عز قطعة تستبدل بقطعة اظن ecu ساعتها الفجوة اى مضايقة ناس هاتبقى افضل هما خلصوها وحاليا سيطروحها وعلى مااظن قال هاتبقى فى حدود 120 دولار
ربنا يوفق

[khpopo]

جين 2 الجميلة فعلا صحت البشر اخيرا بدون مساعدة وعز بية بتهيالى ابتدى يفوق لها ربنا يهدى كدةة كلام جميل ومطمئن انشاالله :k38:
فى حاجة مهمة قالها برضة مدير الشركة ان فى خلال شهر هايكون فى عند عز قطعة تستبدل بقطعة اظن ecu ساعتها الفجوة اى مضايقة ناس هاتبقى افضل هما خلصوها وحاليا سيطروحها وعلى مااظن قال هاتبقى فى حدود 120 دولار
ربنا يوفق

[amrcd1]

what is the ecu ????