اخر اسعار التعديل ملاك كورولا 2004 اجمع هنا لو سمحتو

[dr.mero90]

سلام عليكم
اصحاب كورولا 2004 ايه رايكم نظبط العربيات شويه انا واحد من الناس اهملت العربيه كتير و نفسي بقي اظبطها شويه رحت سالت ع الاسعار و التعديلات اللي ممكن تتعمل و جبتلكم الاسعار و محتاج رايكم بقي اعمل ايه
نبدا بتعديل النور طبعا حبيت اعدل الفوانيس بس لقيت انها فكره فاشله لان عشان تعملها بجد يبقي محتاج تصرف شويه يعني محتاج طقم زينون اصلي محترم و بما ان مفيش لا في فيليبس اصلي و لا اوسرام و لا اي حاجه يبقي مش قدامك غير الاستيراد و طبعا احلا سرقه يعني رحت سالت علي طقم الزينون بتاع الكورولا الاستيراد ب1000 جنيه من غير لمبات و طبعا طقم متهبدل احلا بهدله و هتحتاج كمان لمبتين محترمين يعني 400 جنيه كمان دا الزينون بس 1400 من غير عدسات نيجي بقي للعدسات الجميله فيه عدسات صيني و سعرها بيبتدي من 400 جنيه و انت طالع و كلام بيني و بينك كل الناس بتقول عليها منظره و بس حتي الصنايعيه اللي بيركبوها يعني مش هاتفرق معاك الاضائه كتير و ف الاخر وصلت لشويه حلول عبقريه طبعا ش لوحدي دا بعد بحث اكتر من 5 ايام عشان اعرفها
عاوز تعدل النور تعالي هنا و انا اقولك ازاى و ف نفس الوقت تريح دماغك يعني مش كل شويه تلعب ف حاجه و حاجه تبوظ و اعطال ملهاش اخر
الاول الفوجات دي انا قررت اركب فيها طقم زينون 55 وات و دا كان جايلي من السعوديه و بقاله معايا اكتر من 3 سنين فيليبس و مفيش لمبه قالت كلمه بس مشكلته انه بيحتاج يسخن عشان كده هانرمميه ف الفوجات
نيجي للفوانيس قررت اني اكب فيهم لمبات هالوجين بس اكبر شويه من بتاعه التوكيل اللي بتنزل ف العربيه و ميزه الهالوجين انه اعطاله اقل من الزينون و ف نفس الوقت حاضر معاك و نوره كويس لو باغه الفانوس نضيفه و الموضوع ده هيكلف لمبتين 9006 للعالي و لمبتين للو اطي ف حدود 200 جنيه ممكن بقي لو حضرتك معاك قرشين و عاوز تظبط اوي يعني تجيب طقم زينون من اللي مش بيحتاج يسخن تحطه ف العالي و تبقي كده كله تمام و هايبقي نور العربيه زى الفل احم احم دا كلام الصنايعيه يا جماعه و الله و اللي بيركبو العدسات مش كلامي انا
نيجي بقي للصالون الجميل بتاع الكورولا
عن نفسي قررت اخلي الكراسي جلد و طبعا فيه عموله و فيه جاهز سعر العموله بيبتدي من 1000 جنيه لو عاوز حاجه نضيفه هاتدفع اكتر و الجاهز بيبتدي من 20 لحد 600 و طبعا انا اخترت حاجه نضيفه اوي جلد محترم هايبقي جاهر ب450 و الضنايعي اللي هيركبه 50 جنيه يعني 500 شايفين الفرق اد ايه يا جماعه و الله سالت سروجي قال لي 2000 جنيه للكراسي بستخيلو
قولت بقي اظبط نظام الصوت و طبعا بما اني مش بحب الصوت العالي قررت اجيب حاجه على ادى تسجيل بايونير و سماعتين بايونير و اصلح سماعات الابواب و دا كله هيكلف ف حدود 1000 بس هاتسمع صوت رايق و محترم >للاسف بسمع كاظم و ام كلثوم<
انا كان عندي شاشه للي هي بتركب ف المرايه دي قولت اشتري كلميرا لقيت انضف كاميرا ب150 و بسم الله ما شاء الله الرؤيه عليها فله
نيجي للابواب عارفين النور اللي لما الابواب بتفتح دا بيرسم علامه العربيه ع الارض انا جبت منه طقم ب60 جنيه تقريبا و هاركب ستاير من الكبس دي لل4 ابواب ب100 جنيه
نطلع بقي من الصالون و نروح للنطه و لما نتكلم ع الشنطه يبقي بنتكلم عن طقم العد بتاع العربيه اللي هو اهم حاجه ف العربيه جبت سلك بطاريه ب75 و حبل سحب ب50 و كوريك 2طن ب190 جنيه و كومبرووسور ب150 فاضل بقي شنطه العده اللي بيبقي فيها مفكات و مفاتيح و د ان شاء الله هاجيبلكم سعرها بكره
بفكر اني اعمل العريه من برا جلاد بنفس لونن العربيه هاسال بكام و اقولكم
ايه رايكم ف التعديلات دى تفتكرو فيه حاجه تانيه ممكن نعملها ؟؟؟ عاوز اقتراحاتكم
الشويه دول هيكلفوني 2700 طقم زينون للعالي من اللي مش بيسخن صيني طبعا ب400 جنيه
طقم زينون الفوجات موجود عندي هاركبه و بس
فرش كراسي ب500 بالمصنعيه
كاميرا ب150
تسجيل بايونير و وصله aux فلاشات و سماعتين بايونير ب1000
ارجوكم محتاج اقتراحاتكم و ارائكم و لو فيه حاجه ممكن نعملها تاني قولولي انا لسه هاشتري الحاجات دي بكره او بعده و لما اركبها هاجيبلكم الصور ما حدش يبخل عليا بالراي يا جماعه
نسيت اقولكم الاسعار دي من طنطا مش التوفيقيه و لا القاهره

[dr.mero90]

نسيت اقولكم ان الشغل دا هيتم بعد ما غيرت الراديتير و المساعدين و الكاوتش و ظبطت العفشه و المكنه و كل الاساسيات اتظبطت و عشان لسه فاضل معايا فلوس قولت اعدل بقي
رجاء ما تعدلش اي حاجه ف عربيه الا لما تظبط الاساسيات ارجوك حياتك اهم من منظر العربيه

[joon2]

الظاهر ان ملاك 2004 قليلين في نايل موتورز
ولا ايه مع ان العربية دي علامة من علامات التاريخ

انا معايا وفيها زينون من اللي بيسخن شارينها بيه ...
وبس كدا حبيت اشارك ولو بتعليق للتشجيع

[dr.mero90]

الظاهر ان ملاك 2004 قليلين في نايل موتورز
ولا ايه مع ان العربية دي علامة من علامات التاريخ

انا معايا وفيها زينون من اللي بيسخن شارينها بيه ...
وبس كدا حبيت اشارك ولو بتعليق للتشجيع

فعلا ملاكها قليلين مع انها عربيه بسم الله ما شاء الله زى الفل و احسن من حاجات كتير موجوده ف السوق و قطع غيارها علي اد الايد
الله يكفيك شرها يا رب

[البليهيس]

والله انا من ملاكها وبحس فعلا ان المشاركات عنها قليله جدا..ياريت يا دكتور حضرتك تعرفنا عملت ايه في التعديلات اللي قلت عليها واسعارها ايه

[dr.mero90]

والله انا من ملاكها وبحس فعلا ان المشاركات عنها قليله جدا..ياريت يا دكتور حضرتك تعرفنا عملت ايه في التعديلات اللي قلت عليها واسعارها ايه

يا فندم انا شتريت كل حاجه تقريبا كانت ناقصه ما عدا زيت الماتور و تلاجه المكيف و عدت الصوت و الجنوط مستني بقي اركب الحاجه لما العربيه تطلع من عند البوهيجي
هقول لحضرتك اللي انا اشتريته بالظبط
زيت فتيس ٧٠ جنيه اللتر
فلتر فتيس٢٥٠
جوان فتيس مش فاكر بكام
سيور جديده٤٠٠ جنيه
فلتر بنزين ٢٦٠
حبل قطر٣٠ جنيه
مساحات جديده مش فاكر السعر
مايه حمرا من الوكاله بتاع تويوتا
سلك توصيل بطاريه ٥٠ ج
كمبروسور ١بستم للطوارئ١٥٠ ج
منظف بوابات السلنسيه٣٥ج
طقم بوجيهات١٧٠ج
لمبات ١٠٠وات هاجريها عالي و واطي وطبعا كتاوت١٣٠ج
طقم زينون ٥٥للفوجات عشان ما اشغلش نور الفانوس٢٥٠ج
فرش جلد للكراسي جاهز٤٠٠ج
دواسات موكيت ١٠٠ج
راديتير جديد ٤٠٠ وحاجه
سربنتينه مش فاكر السعر
فوانيس جديده امامي ٥٢٠ج و خلفي
سبويلر الشنطه٢٥٠ ج
غطا دركسيون٥٠ج
زيت باور
زيت فرامل
طبعا شويه فواحات و منظفات
شبكه جديده و علامه تويوتا ١٣٠ج
غمازات جديده اللي هي اشارات الاجناب ٤٠ ج
لو جبت حاجه تانيه هقول لحضراتكم
ايه رايكم ف موضوع عدت الصوت دا يا تري له لزمه

[البليهيس]

معلش دخلت الموضوع التاني وافتكرتك مقلتش عن التعديلات كفيت ووفيت وربنا يباركلك فيها يارب..بس كمل جميلك جبت الحجات دي من دمشق ولا التوفيقيه...وبتتعامل مع ميكانيكي كويس وفاهم للتويوتا مريحك يعني وامين..ياريت تقولنا اسمه ومكانه يبقي كده...ميه ميه والله يا دكتور..اختك متعرفش حد....والرجاله طبعا خبرتهم اكتر زي ما انت عارف..ومفكرتش تركب شاشه فيها كاميرا وجي بي اس وكده...نفسي اعمل وحده....ومعرفش اي حاجه عن الموضوع....

[dr.mero90]

معلش دخلت الموضوع التاني وافتكرتك مقلتش عن التعديلات كفيت ووفيت وربنا يباركلك فيها يارب..بس كمل جميلك جبت الحجات دي من دمشق ولا التوفيقيه...وبتتعامل مع ميكانيكي كويس وفاهم للتويوتا مريحك يعني وامين..ياريت تقولنا اسمه ومكانه يبقي كده...ميه ميه والله يا دكتور..اختك متعرفش حد....والرجاله طبعا خبرتهم اكتر زي ما انت عارف..ومفكرتش تركب شاشه فيها كاميرا وجي بي اس وكده...نفسي اعمل وحده....ومعرفش اي حاجه عن الموضوع....

تحت امر حضرتك الاول كده العربيه دي طول ما انت واخد بالك منها عمرها ما هتوقفك عند ميكانيكي و خصوصا ٢٠٠٤ بعشقها يا نااااس بسبب الحركه دي
ثانيا لو حضرتك محتاج تركب شاشه بgps فالموضوع سهل اوي ان شاء الله انا هسال لحضرتك عليها و هاصورلك الانواع الموجوده
ثالثا اي حاجه تحتاجها ف طنطا انا موجود ممكن اجي معاك و نجيبها او اي صنايعي
انا ما كنتش اعرف الصنايعيه و كنت بعمل صيانه العربيه ال ٢٠٠٤ف التوكيل لحد ما حصلت الحادثه اللي خلتني اصلح العربيه برا التوكيل و طبعا كبكم عارفين ليه و من هنا عرفت صنايعيه امه لا اله الا الله
الاسعار دي بعضها من التوفيقيه و بعضها من هنا من طنطا بس نصيحه لو رحت التوفيقيه خد معاك حد بيفهم لان فيه نصب و اسال مره و اتنين ف الاسعار و فاصل بقلب جامد
لو احتجت اي حاجه ف طنطا انا موجود و تحت امركم

[dr.mero90]

استنوا انا لقيت الورقه اللي كنت نازل بيها التوفيقيه بالاسعار اللي اشتريت بيها كمان اهي
من عند بدر الدين اشتريت سبويلر٢٥٠ج و كاميرا خلفيه فيها اضاءه ليليه ٢٥٠ج طقم الزينون ٥٥ وات و اخدت منه لمبتين مقاس ٩٠٠٦للفوجات ب٣٠٠ جنيه
تقريبا معظم الاكسسوارتا جبتها من التوفيقيه انما قطع الغيار كنت مضطر اجيبها من عندنا من طنطا عشان ضمانها و لو حصل فيها حاجه ما اتبهدلش بيهم
نصيحه اخ انا العربيه دي بقالها معايا فوق ال ١٠سنين عمري ما وقفت عند ميكانيكي اصلح فيها حاجه عشان كانت عيني عليها علي طول و بحسب قطعت الغيار بتقعد اد ايه و هاغيرها امتي و قبل ما القطعه تبوظ اجري ع التوكيل اركب جديد مكانها مع العلم اني عمري ما اشتريت و لا قطعه من التوكيل من هنا انا بجيب حاجتها من عبد اللطيف جميل وكيل السعوديه و اركبها هنا تقريبا بربع تمنها هنا و دا اللي كان مخليني احافظ ع العربيه بس للاسف الحادثه ما لحقتش اشحن حاجه من السعوديه اضطريت اشتري من هنا بس مش مهم العربيه تستاهل و تستاهل اكتر من كده كمان
لو حد ناقصه قطع غيار للموديل دا ممكن يقوللي عليها او يطلبها بنفسه من عبد اللطيف جميل و انا هاديكم ارقام شركات شحن ف السعوديه اتفقو معاهم ع الاسعار و هاتو اللي نفسكم فيه انا بتعامل مع ناس بتسافر بتريلات خضار و بتحملها و تجيب فيها الحاجات اللي انت عاوزها و ايعار كويسه انا كنت جايب طقم الجنوط بالكاوتش بتاعه و اربع طنابير و طقم تيل و فلاتر كامله و طقمين زينون فيليبس شحنهم تقريبا ٧٠٠ جنيه كلهم كده

[البليهيس]

والله كلك زووق يا دكتور بس للاسف انا من القاهره مش طنطا....وعندي ناس ف الكويت ممكن نجيب حجتها من هناك...بس الشاشه اعتقد الاحسن تبقي من هنا عشان الصيانه وكده..في انتظار انواعها وانا متابعه مع حضرتك