احذروا سرقة اللانسر بالذات

[sh_masry]

أولا سلام للجميع:
يا جماعة انا عربيتي الانسر 2007 1300 مانيوال خليجي اتسرقت من حوالي شهرين و لغاية دلوقتي مالقتهاش.

الممهم و انا بسال في المديرية فوجئت بكمية عربيات لانسر 2006 و 2007 مسروقة كتير و من مختلف المناطق!

انا مش عارف هل في عصابة متخصصة في الانسر ولا اية؟

الرجاء تخلوا بالكم و تركبول انذار و اهم حاجة الكلبش الحديد اللي بيكلبش الدلكسيون و ربنا يخلصنا من الحرامية دوول.

و ربنا يسترها.

هذا التحذير منقول من meyouhana@gmail.com و قد تأكد لى صحه ما جاء به و قد قرأت بالفعل فى احد المنتديات العالميه ان ما يجعل اللص عاجز عن سرقه العربيه و يجعله يفكر الف مره قبل سرقتها هو الكلبش الحديد اللى بيربط على الدركسيون ( المقود ) و ربنا يستر .

a7'ookom
Sherif

[mido777]

معاك حق فعلا موضوع اللانسر بالذات سمعته اكتر من مره بالأضافه الى ان لى صديق لاعب كرة سله بنادى الأتحاد اسمه (أمير الفنان) لسه مسروقه منه من حوالى شهر ونصف وكانت مو2006

[Abdallah]

اعتقد ان السيارات دى بتتقدع وتتباع قطع غيار وعموما انا نويت شراء هذا المقود ووضعه عندى ولله الامر من قبل ومن بعد, بس انا عندى سؤال ازاى بيعدوا الانذار وبيفتحوا كونتاك العربية ؟؟؟؟؟؟؟؟؟؟؟؟

[جندى مجند]

يا جماعة اللى حيعرف يفتح العربية و يدورها رغم انها فيها ايموبيلايزر معتقدش انه حيغلب جامد فى التخلص من الكلبش ... دة قفله أسهل بكتير من قفل باب اللانسر ... و لو مش مصدقين شوفوا الفيلم دة (اضغط على Next لترى كيف يمكن فك القفل بمنتهى السهولة من ايد خبيرة):

[flash width=400 height=300:4b46dc2521]http://static.howstuffworks.com/flash/lock-picking-diagram3.swf[/flash:4b46dc2521]

[hazem_khidr]

اولا موضوع ان كل اللي بيسرق الخليجي دا انا اعتقد و الله اعلم و مش عاوز اظلم حد بس احتمال و ممكن يكون صح ان المستورد بيجيب العربيه و يعين معاه مفتاح او بيعمل واحد قبل ما يسلم العربيه لصاحبها(المفتاح الكمبيوتر اسمع انه بيتعمل بره التوكيل ب 200 جنيه انما المفتاح العادي الكل طبعا عارفين سكته منين) و بيعرف صاحب العربيه بيحط العربيه فين و يرح ياخدها و يقطعها
الحل الامثل اللي ما يخليش العربيه تتسرق و ينعه مع اي عربيه و انا شخصيا عامله عندي في عربيتي دي و العربيات اللي كانت معايا قبل كده حتي عربيات قرايبي عامل فيها نفس الموضوع انك تعمل زرار و تخفيه في مكان مش معروف غير ليك انت بس و ليكن في درج التابلوه و الزرار دا مهمته انه بيفضل الموبينه و بيقطع عنها الكهربا ف بالتالي اللي حيجي يدور العربيه لو عمل فيها قرد حتيس مش حدور معاه
انا عامله بس مش في درج التابلوه:) و يا ريت اللي يقري كلامي ينفذه دا احسن حل و تنام و انت مطمن

[sh_masry]

ا.حازم انا معاك فى كلامك ده , بس ممكن يكون الكلام ده فى عربيه قديمه او مستعمله .... انت تفتكر ان واحد شارى عربيه زيرو هايفكر يلعب فى كهربه العربيه وللا البوبينه و يحفر فى التابلوه من جوه علشان يحط زرار ؟؟؟ انا مافتكرش ...!!
ده الواحد بيبقى ناقص شويه و نفسه ياخدها معاه البيت علشان ماحدش يقعد عليها (على الكبوت او الشنطه) او حتى يسند عليها ههههههه .
A7'ook
Sherif

[hazem_khidr]

دا هو كله خرم حيتعمل مفيهو اي مشكله يعني انا معايا سويفت عامل فيها كده و معايا كورولا 2004 برضه عامل فيها كده و ايه يعني. و عموما انا بنام و انا مرتاح حتي لو سايبها مفتوحه يبقي حد يعرفني حيدورها ازاي
حل تاني ممكن يشيل كابل الموبينه معاه و هو طالع و متهيالي الحرامي مش حيجيب معاه سلك موبينه و يقعد يفتح الكبوت علشان يركبه

[M_ElSabaa]

انا برده كان معايا لانسر 2006 اتسرقت بقالها شهر ومفيش اى اخبار عنها
بس الى عرفته ان فى عصابة متخصصة فى الانسر بالذات وسرقين اكتر من 30 عربية وبرده بعد السؤال هنا وهناك عرفت ان فى جهاز موجود عند كذا محل بتوع مفاتيح بيعمل copy من الكود باع المفتاح على chip جديدة وتتحط فى اى مفتاح تانى والجهاز فى حجم ضعف كف اليد و2 من صحابى عملوا الحكاية دى فعلا عند واحد فى المهندسين د بالنسبة لل2006 اما اللانسر 2007 هما مش بيعملوا copy من الكود هما بيصفروا الكود بتاع العربية اصلا ويعملوا كود جديد ولازم يبقا معاك كل المفاتيح بتاعت العربية عشان يحطوا عليها الكود الجديد

احسن حاجة كل الناس تركب انذار وكلابش الدريكسيون ولو قدر تجيب كلابش المرور كمان يبقى 100 100
فى انذار انا سمعت عنه بس لسه مجبتش التفاصيل بتاعته والميزة المهمة بتاعته انه حتى لو الحرامى فصل البطارية بيفضل شغال على بطارية بتاعته ممكن تشغله 3 ايام
وربنا يكفيكوا شر الحرامية ان شاء الله وربنا يخرب بيتهم كلهم

[Ahmed Hassan]

بمناسبة ان الواحد بيبقي عايز ياخد العربية الجديدة معاه البيت و هوا طالع, يا ترى فيه حل للعربيات الليبيتيجي بريموت في المفتاح بس مافيهاش جهاز انذار؟ يا ترى ايه الحل في الحاله دي؟ يا ريت اللي عنده حل يفيدني. شكرا

[hazem_khidr]

هو حل الزرار دا يا جماعه بجد لو حد جربه حيطمن جدا .ما قولتلكش ركبه في التابلوه قدامك روح عند كهربائي نضيف و خليه يركبهولك في درج التابلوه بنضافه مش حيبان و لا حد حياخد باله من دا انت نفسك لو مش واخد بالك ممكن تنساه:) او تركبه في شنطه العربيه او في اي حته مش مشكله خالص

[hemma]

يا عم اكيد الحرامى اللى بيسرق العربية بيكون عارف الكلام دا ومش بعيد يكون ميكانيكى وفاهم واكيد عندة حل سريع

[hazem_khidr]

يا عم اكيد الحرامى اللى بيسرق العربية بيكون عارف الكلام دا ومش بعيد يكون ميكانيكى وفاهم واكيد عندة حل سريع

لا يا هيما مع تقديري ليك انا ححكيلك موقف بقي حصل معايا شخصيا عند الميكانيكي و علي فكره دا راجل قديم جدا و استاذ في مهنته كانت العربيه عنده و كنت عامل المفتاح دا في حته كلها مفاتيح كده جنب شداد الكبود المهم عيل و هو بيفتح الكبود ما تعرفش او بينضف اتك غلط عليه و قعدو يدورا في العربيه لا حيل الله راضيه تشتغل ابدا يجي حوالي ساعه و بعتو جابو كهربائي برضه مفيش فايده قال الموبينه بايظه و محد جه في باله خالص لحد ما جيت و انا برضه فضلت عشر دقايق تخيل م مستوعب الموقف!!!! لحد ما افتكرت و شغلتها
و علي فكره الحرامي عاوز يجي يدور العربيه دارت دارت ما دارتش في ثواني حيسبها و يهرب مش حيقعد يحاول معاها نص ساعه ولا ربع ساعه ولا حتي خمس دقايق علشان بيبقي خايف لا حد يمسكه ؟لاء بيبقي خايف لحد حتي يلمحه مش يشوفه و ما تعمله زياده امان حتخسر يه؟؟دا رايي عموما انما بقي ما نقعدش نفكر في حاجات مستحيل انها تحصل لو جيت سوري يعني تفكر بدماغ لحرامي و تحط نفسك مطرحه سوري تاني دا للتشبيه بس حتلاقي نفسك ما تعرفش تفكر نهائي في موقف زي دا و لا يجي تفكيرك انك تقعد تدور في العربيه و يا عالم حتلاقيه فين او يمكن ما تلاقيهوش و بعدين بقولك حطه في مكان مخفي عن العين عمر ما حد حبيوصله غيرك
طب الحل التاني انك تيل سلك الموبينه ؟دا صعب متهيالي لاء و بعدين فين الحرامي اللي حيجي يسرق و جايب طقم اسلاك بوجيهات معاه و لا عند وقت يفتح كبود و يوف العربيه مش بدور ليه؟؟؟!!!1

[M_ElSabaa]

اصل الفكرة ان الواحد بيبقى صعبان عليه اى حد يعمل اى حاجة فى العربية وهيه جديدة كده . انا مركبتش انذار عشان كده وقولت استنى شوية
وهو ينفع موضوع الزرار ده فى العربيات الجديدة كمان

[hazem_khidr]

اصل الفكرة ان الواحد بيبقى صعبان عليه اى حد يعمل اى حاجة فى العربية وهيه جديدة كده . انا مركبتش انذار عشان كده وقولت استنى شوية
وهو ينفع موضوع الزرار ده فى العربيات الجديدة كمان

و الله دي فكره و انا شايف انها فكره كويسه و حقولها تاني عندك تعمل حاجه زي كده و تنسي الحراميه خالص ولا تبقي نايم قلقان و خايف و مرعوب ؟؟
القرار الاخير ليك طبعا

[alaaaboelata]

هو بصراحة الموضوع دة فعلا منتشر جدا فى الانسر بالذات مش عارف لية ؟؟؟؟؟؟؟؟؟؟؟ظ
انا فى قدامى سيارة لانسر لو اشتريتها ان شاء الله هنام جواها ههههههههههههه
مع انها هتبى فى الجراج عندى فى البيت بس بردة الأمر مايسلمش ههههههههههههههههههه