تغيير فتيس كورولا

[Fancy_man22]

معايا كورولا ٢٠٠٨ جنوب الفتيس بتاعها mmt غيرته ف الحرفيين عند اليابانيه وعملت قلبه الفتيس بصراحه حسيت بفرق شاسع ف نقله الفتيس وراحه العربيه حسيت انى راكب عربيه بعد مكنت راكب جمل بس الحلو ميكملش ولان شغلى على طريق السفر ف بعض العيوب بدأت تظهر على طول زى انى لما بكون لسه طالع بالعربيه على الطريق وبحول الفتيس منول يعنى ابدأ بالغيار التانى ف التالت العربيه تجمع معايا وحش على الطريق لغايه ١٦٠ وعلى الغيار التالت واول م اعمل العربيه اوتو علشان تجيب الرابع بحس العربيه همدت وبقت بطه بلدى وساعات كمان بحس العربيه سرعتها بتقل وبعد كدا مع الوقت ودوسه البنزين الطويله الاقى العربيه بدأت تجمع تانى بس اخرها ١٨٠ ومبتجمعش بعد كدا ومن الى ملاحظه برضوا ان التجميع عادى كأنى مش دايس بنزين بمعنى ان صوت العربيه مش عالى
تانى حاجه انى ملاحظ ان العربيه بتستهلك بنزين بصوره غريبه يعنى بعمل ١٣.٥ لتر /١٠٠ كم ودا معدل عالى اوى
تالت حاجه انا بقالى تقريبا ٣ شهور عمال القلبه دى دلوقتى بدأت احس ان العربيه مبقتش بتسحب زى الاول والبومه والشارك الى كنت بطلع منهم بفرق كمان بقوا بطلعوا منى بمنتهى السهوله ومن غير تعب
ف لو حد بيفهم فى تغيير الفتايس يقولى اعمل ايه وانا عندى استعداد اجيله افرجه ع العربيه اهم حاجه يكون فى حل
بس للامانه العربيه بقت محترمه فى النقلات بحد انا حسيت بقرق رهيب بس برضوا دا مش معناه انى اتغاضى عن النقاط الى فاتت

[عبدالله برعى]

يجب ان تحدد الوقت من تغيير الفيس الي ظهور هذة الاعراض
لو الفترة اكثر من 3 شهور اذن المشكلة لبس لها علاقة بتغيير الفتيس
لو الاعراض اقل من ذلك الوقت اذن المشكلة في تغيير الفتيس نفسة
- ما الفارق بين استهلاك الوقود بين الفتيسان
-ما تكلفة التغيير
وبالتوفيق

[Fancy_man22]

يجب ان تحدد الوقت من تغيير الفيس الي ظهور هذة الاعراض
لو الفترة اكثر من 3 شهور اذن المشكلة لبس لها علاقة بتغيير الفتيس
لو الاعراض اقل من ذلك الوقت اذن المشكلة في تغيير الفتيس نفسة
- ما الفارق بين استهلاك الوقود بين الفتيسان
-ما تكلفة التغيير
وبالتوفيق

لا من اول م غيرت الفتيس والمشاكل دى بدأت تظهر
والفرق فى استهلاك البنزين كبير بين الفتيسين
والتكلفه كانت ١٠ الاف

[lamada]

ممكن لو سمحت تقولنا يعنى ايه عملت "قلبه الفتيس" و هل كدا الفتيس بقى اتوماتيك عادى ولا لسه mmt

[Fancy_man22]

ممكن لو سمحت تقولنا يعنى ايه عملت "قلبه الفتيس" و هل كدا الفتيس بقى اتوماتيك عادى ولا لسه mmt

قالبه فتيس يعنى انى غيرت الفتيس ال ام ام تى وحطيت فتيس تانى خليجى يعنى العربيه بقت طبيعيه جدا زيها زى اى عربيه تانيه بفتيس اوتو ودى بتتعمل ف الحرفيين عند كذا واحد وفى اسعار كنير ولما تيجى تعملها متسترخسش علشان الى يعملهالك مينصبش عليك عندك محمد كمال بيعملها كويس
والكهربائى العسكرى
والميكانيكى اسمه محمد توكيل
ولو عاوز تعملها انتا على ايدك هتملف نفس التكلفه بس هيفضل معاك قطع الغيار القديمه الى هتشلها من عربيتك
والاخ الى كان بيسألنى على استهالك البنزين الحمد لله اتعدل طلع ان البوجيهات كانت محروقه والعربيه سحبها و استهلاك البنزين اتظبط بعد اما غيرت البوجيهات. الحمد لله