نزلت التوفيقية اخد فكرة

[ZAKI32]

السلام عليكم
نزلت القاهرة اخلص مشاوير و زيارة للاقارب.واتصلت بصديق ليا عشان انزل التوفيقية.طبعا خلص شغل وجالى هو وزميله دخلنا التوفيقيه الساعة ٩م دى نزوله ولا ليها اى لازمه طبعا والمحلات هتبتدى تقفل. اخدنا الكام شارع سألت ع فرش الاستاذ للانسر بومه نوعية الاستاذ ب ٥٥٠ج وفى نوعيه تانية ب٢٢٠ ج لكن من الاستاذ وسألته قلتله ايطالى ولا امريكى. قالى يابيه متخليش حد يشتغلك احنا مفيش عندنا الا مصرى . لا حد بيستورد امريكى ولا ايطالى كله مصرى بمسميات مختلفه. وانا كنت واخد فكرة عن الخامه فى محلات اكسسوار عندى فا قدرت احدد واعرف السمك والتخانة للبطانه والتفصيل. قبل ما اعمل المشوار ده وبعديه اكدت قرارى انى هنزل مصنع الاستاذ حاجه ادامى ونضيفه واختيار اوسع وتوفير.
ثانيا:انا معايا الريموت الاصلى فتح وقفل فقط وفى واحد نصحنى قالى هات انذار من غير ريموت وركبه ع الريموت الاصلى (هل ده ينفع )عشان ميعملش لخبطه بينه وبين شريحه الريموت او عشان معملش زحمه ب اتنين ريموت
...... سألت ع الانذار ملقتش النوعيه اللى احد الاعضاء نزلها الspy5000 والنوع التانى.فتحت الموبيل وكنت مسيف صورهم ملقتهمش زيهم. قلتله دا spy انهى 5000 ولا التانى قالى ده الموجود بكام ده ياعم ب ٢٠٠ج
طبعا انا من بياخد فكره واعرف الوضع العام واقرر عشان متدبسش فى حاجه مش مرتاح لها.والانذار ده اللى عنده مكتوب spy يس نوعيته وشكل ريموت مش زى اللى شوفته ع المنتدى.
سألت لصاحبى اللى معايا ع سنتر للفرنا الراجل قاله لازم تاخد معاه انذار عشان تقدر تستخدم ريموت. انما لو سنتر فقط يبقى تفتح وتقفل من الباب بس. بكام ياعم ب ٨٥ ج . قلتله طيب اصبر بقه متجبش دلوقت هسأل اصدقائنا فى المنتدى واعرف النوعية النضيفه وبكام ومن عند مين. كان صاحبنا الثالث قالى المول ده الموزع للناس اللى تحت دول كلهم. بس كانوا قفلوا. من الحيرة كنت هطلع الفون اكتب واسالكم لكن المحلات قفلت.
كل اللى اشتريته ممسحه للعربية ورولين فاميه .
محتاج اعرف الانذار اللى من غير ريموت ده منين عشان اركبه ع ريموت الاساسى وخلاص.
تانى حاجه فى جهاز بيفصل الدواره للموتور شفره زى شفرة مفتاح الاسانسير شوفته عند محل اكسسوار لصاحبى ب ٢٥٠ سعره بكام فى التوفيقيه وعند مين
السنتر النوعية الافضل بكام عشان اركبه لصاحبى فى الفيرنا.
اسف ع الاطاله فى الكلام .حبيت اشاركم فى الموضوع ممكن اى عضو يستفاد

[ZAKI32]

اجيب منين ياجماعة سماعات وسنتر لوك لصاحبى لعربيته الفيرنا والانذار الspy للبومه مين موثوق فى حاجته فى التوفيقيه ويكون بضمان ؟؟

[shake]

متابع