ياركولي يا جماعه عربيتي خلصت بوهيه انهارده

[dr.mero90]

سلام عليكم يا احلا اخوات
انا انهارده عربيتي اترشت و فضلت معاها من الساعه 8 الصبح و لسه جاي من بره حالا و الحمد لله مفيهاش اي تسييل بوهيه و لا روايش و لا اي حاجه الحمد لله الحمد لله الحمد لله بكره هنلمعها و نركب فيها حاجتها كلها يا جدعان و هصورهالكم باذن الله
اديني احلا ازازه شربات لكل الناس اللي ف المنتدي

[A7medelfe2y]

الف مبروك وربنا يباركلك فيها
ياريت الصور والتكلفه

[dr.mero90]

الف مبروك وربنا يباركلك فيها
ياريت الصور والتكلفه

الله يبارك ف حضرتك
باذن الله الصور هتبقي موجوده اول ما نخلص كل حاجه عشان تشوفو الشكل النهائي
الاسعار علي فكره انا عامل لها موضوع لوحده اسمه اسعار تعديل كورولا 2004 و فيه كل التفاصيل لو حضرتك محتاج اسعار حاجه معينه انا ممكنن اسأل لحضرتك عليها تحت امرك يا فندم
الدهان كله بالمصنعيه بالخامات بالفرن مكلفني 1800 جنيه رشيت كله من برا ما عدا السقف بس و 50 جنيه دخان للراجل بتاع الفرن قعد يلف و يدور حولين العربيه بيهم لدرجه ان الصنايعيه بقو مستغربين من شغله ف العادي بياخد ف العربيه 15 دقيقه ف الفرن و بيرميها بره انما عربيتي قعد فيها يجي ساعتين يرش طبقه و يستني عليها شويه و يرش تاني و يسخن الفرن و براحته خالص و انا وافق معاه جوا و لما خلص قعدت افحص ف العربيه بمزاجي عشان اطلع وراه عيب او تسييل و الحمد لله مش لقيت فيها اي عيوب بوهيه و خليته يرش لي غطا المرايا بلون العربيه كمان كل ده ب 50 جنيه هههههههههههه و 5 سجاير lm بصراحه عشان ما ابقاش بكدب ههههههههههههههه

[dr.mero90]

لما زهقت من كتر اللف حولين العربيه عشان الاقي عيب قولتله مش ماشي غير لما تفك السقف عشان اشوف درجه اللون هي هي و لا لا فكينا السقف و قعدت اللمع فيه عشان اشوفه هو نفس الدرجه و لا و الحمد لله هي هي بس الجديده طبعا بتلمع حبتين لسه الشمس ما جتش عليها و لا الترابب و لا الغسيل بالبريل هههههههههههههه

[bluemail]

الف مبروك، ربنا يباركلك فيها ان شاء الله

[dr.mero90]

الف مبروك، ربنا يباركلك فيها ان شاء الله

الله يبارك ف حضرتك