صيانة الالف عند عز العرب الصحراوي(غرام وانتقام)

[aapaap855]

السلام عليكم ورحمة الله وبركاته
انا اشتريت Gen2 2008 سودة من حوالي 3 اسابيع ورحت اعمل صيانة الالف عند عز العرب الصحراوي ودة كان اليوم من اولو:
(ملحوظة الكلام الي انا هقولو ممكن يكون ممل شوية لانو بالتفصيل حبتين, ممكن كلامي ميكنش بيهم ناس كتير, ممكن كلامي ميعجبش ناس كتير, كلامي مش بقصد بيه حاجة من بعيد او قريب على اي حد بس المهم الناس تستفيد بالتجربة)


أبدا كلامي اني من عشاق البروتون وكنت عارف ايه العيوب قبل ماستلمها ودة كلو بسبب الناس الجامدة بتاعة المنتدى الرائع دة( شكر خاص ليهم جميعا)

السبت 22.11.2008 الساعة 6.30 الصبح نزلت من البيت في المعادي وركبت الدائري ونزلت نزلة المنصورية الساعة 6.50 دقيقة وكنت فرحان اني رايح بدري
للأسف افتكرت اني نسيت دفتر الصيانة في البيت فرجعت تاني وجبتو من البيت ووصلت التوكيل الساعة 8.00 (كان في حادثة عالطريق فاتعطلت)

الصدمة الأولى: المهندس الي استلم مني العربية قالي ان الدفتر بتاع الصيانة دة ملوش لازمة

المهم كنت العربية رقم 15 افتكرت اننا كدا في الأول
(انا كنت آخر واحد ماشي من التوكيل)

العربية الي قدامي كانت صيانة الف كيلو والي ورايا كانت بردو صيانة الف

بصيت في ورقة الصيانة كتبلي هستلم العربية الساعة 4:00
الغريب ان اللي قدامي كتبولو 1.30 والي ورايا بردو 1.30
تقريبا انا كان شكلي مش عاجبهم

بصراحة الناس هناك كلهم محترمين جداً وخصوصا المهندسين( ولاد ناس بجد)
دخلت اتعرف على المهندس آمر وبصراحة قابلني مقابلة محترمة جداً (راجل محترم بجد)
دخلت قعدت في قاعة الانتظار بصراحة كانت ريحتها كلها سجاير
يدوبك مكملتش نص ساعة لقيتهم بيعلقو يافطة ممنوع التدخين (فرحت جدا)
(الملحوظة الوحيدة انهم حاطين طفايات سجاير على التربيزات وكاتب ممنوع التدخين)
شغلت اللابتوب وقعدت عالنت وكان كل حاجة تمام
الملحوظات الي انا قلت عليها كانت كالتالي:
1- صوت الموتور عالي
2- صوت تزييقة من الكنبة ورا( Standard sound in all cars )
3- زنة في دراع الفتيس زي ميكون في سوستة فاكة جوة
4- لمبة الشنطة بتعلق.
قولت يمكن عشان ملاحظاتي كتير عشان كدة همشي 4 وانا ماشي بعد عناء شديد الساعة ستة (مع العلم انهم بيقفلو 4.45 ) يعني ماشي بعد المعاد الرسمي بساعة وربع وبعد ميعاد تسليمي العربية ب ساعتين

الصدمة الكبرى: متعملش حاجة في العربية غير تزييقة الكنبة ولمبة الشنطة
(ربنا يكرمهم قعدوني لحد 6 عالفاضي)
بس بصراحة ناس محترمة جداً
- بس في حاجة واحدة بس كانت حلوة في اليوم دة
اننا قابلت ناس كتير معاهم العربية واتعرفت عليهم وبصراحة من اهمهم
الاخ Tweety معانا في المنتدى
شخصية محترمة لابعد الحدود ونفسي اتعرف بباقيت الناس الي في المنتدى هنا

انا آسف اني طولت عليكو (اسلوب كتابتي الممل)
بس كنت عايز اشارك معاكو بتجربتي المريرة يا رب متحصلش لحد فيكو تاني
ولا فية
قولو آمين

[gagareen]

الف شكر يا aapaap855 انك كتبت تجربتك هنا عشان الناس تستفيد

سؤال: هو ايه بقى الورقه اللى اسمها دفتر الصيانه دى .. هى دى بتاعه الاستلام ولا ايه.. اصل معظم اللى استلم 2009 ماستلمش غير كتالوج ال سى دى وقالو ان الكتالوج بعد العيد وايه كمان اللى المفروض نستلمه غير ورق المرور

[momenhamdy]

معلش يا استاذي الفاضل .......للاسف عز العرب عليه ضغط شديد جداً من قبل زياده مبيعات العربية
بس انا عايز اعرف اخبار اداء العربية ايه معاك بعد صيانه الالف الاولي
ويارب يكون كله بخير
وربنا يوفقك يا باشا

[eng_mido]

السلام عليكم ورحمة الله وبركاته
انا اشتريت Gen2 2008 سودة من حوالي 3 اسابيع ورحت اعمل صيانة الالف عند عز العرب الصحراوي ودة كان اليوم من اولو:
(ملحوظة الكلام الي انا هقولو ممكن يكون ممل شوية لانو بالتفصيل حبتين, ممكن كلامي ميكنش بيهم ناس كتير, ممكن كلامي ميعجبش ناس كتير, كلامي مش بقصد بيه حاجة من بعيد او قريب على اي حد بس المهم الناس تستفيد بالتجربة)


أبدا كلامي اني من عشاق البروتون وكنت عارف ايه العيوب قبل ماستلمها ودة كلو بسبب الناس الجامدة بتاعة المنتدى الرائع دة( شكر خاص ليهم جميعا)

السبت 22.11.2008 الساعة 6.30 الصبح نزلت من البيت في المعادي وركبت الدائري ونزلت نزلة المنصورية الساعة 6.50 دقيقة وكنت فرحان اني رايح بدري
للأسف افتكرت اني نسيت دفتر الصيانة في البيت فرجعت تاني وجبتو من البيت ووصلت التوكيل الساعة 8.00 (كان في حادثة عالطريق فاتعطلت)

الصدمة الأولى: المهندس الي استلم مني العربية قالي ان الدفتر بتاع الصيانة دة ملوش لازمة

المهم كنت العربية رقم 15 افتكرت اننا كدا في الأول
(انا كنت آخر واحد ماشي من التوكيل)

العربية الي قدامي كانت صيانة الف كيلو والي ورايا كانت بردو صيانة الف

بصيت في ورقة الصيانة كتبلي هستلم العربية الساعة 4:00
الغريب ان اللي قدامي كتبولو 1.30 والي ورايا بردو 1.30
تقريبا انا كان شكلي مش عاجبهم

بصراحة الناس هناك كلهم محترمين جداً وخصوصا المهندسين( ولاد ناس بجد)
دخلت اتعرف على المهندس آمر وبصراحة قابلني مقابلة محترمة جداً (راجل محترم بجد)
دخلت قعدت في قاعة الانتظار بصراحة كانت ريحتها كلها سجاير
يدوبك مكملتش نص ساعة لقيتهم بيعلقو يافطة ممنوع التدخين (فرحت جدا)
(الملحوظة الوحيدة انهم حاطين طفايات سجاير على التربيزات وكاتب ممنوع التدخين)
شغلت اللابتوب وقعدت عالنت وكان كل حاجة تمام
الملحوظات الي انا قلت عليها كانت كالتالي:
1- صوت الموتور عالي
2- صوت تزييقة من الكنبة ورا( Standard sound in all cars )
3- زنة في دراع الفتيس زي ميكون في سوستة فاكة جوة
4- لمبة الشنطة بتعلق.
قولت يمكن عشان ملاحظاتي كتير عشان كدة همشي 4 وانا ماشي بعد عناء شديد الساعة ستة (مع العلم انهم بيقفلو 4.45 ) يعني ماشي بعد المعاد الرسمي بساعة وربع وبعد ميعاد تسليمي العربية ب ساعتين

الصدمة الكبرى: متعملش حاجة في العربية غير تزييقة الكنبة ولمبة الشنطة
(ربنا يكرمهم قعدوني لحد 6 عالفاضي)
بس بصراحة ناس محترمة جداً
- بس في حاجة واحدة بس كانت حلوة في اليوم دة
اننا قابلت ناس كتير معاهم العربية واتعرفت عليهم وبصراحة من اهمهم
الاخ Tweety معانا في المنتدى
شخصية محترمة لابعد الحدود ونفسي اتعرف بباقيت الناس الي في المنتدى هنا

انا آسف اني طولت عليكو (اسلوب كتابتي الممل)
بس كنت عايز اشارك معاكو بتجربتي المريرة يا رب متحصلش لحد فيكو تاني
ولا فية
قولو آمين

ana leya 3etab wa7ed 3alek..w leh 7adretak seket?!!
ya beeh...msh 3gbk ay 7aga ro7 3la eng.ammer w 2oloh lw msh 7al lek moshkeltak edkhol el edara fo2 w e3mlo ballo
ya basha msh hatdeb mshwar dh 3shan bas y3mlolak lamba w kanaba f 6 sa3at!!!

[ahmedsiyam]

يا جماعة المهندس امر ده موش انسان خارق لو كل واحد راحله بمشكلته موش هايقدر يحل للناس كلها مشاكلها
بس طبعا لو فى ملاحظة لاى شخص فى الصيانة ماتعمتلتش من حقه مايسكتش و يقابل اى حد المهم ان مشكلته تخلص
القضية كلها ان التوكيل بقى صغير جدا على العربيات اللى بتدخل كل يوم تقريبا من 30 الى 40 عربية
عموما احنا نصبر و هم بيحاولوا باقصى قدر علشان المركز الجديد و هايبقى على مساحة 8000 متر بجوار القرية الذكية و اعتقد ساعتها ان الاداء هايختلف
صيانة الـ 1000 اخرها فى اى توكيل كبير 1 ساعة
المفروض بعد التوسعات بتاعتهم ان الصيانة هاتبقى افضل و اسرع المطلوب مننا بما اننا اخترنا العربية دى و عارفين ظروفها من قبل ما نشتريها بما فيها الورشة فى المركز الرئيسى
تحياتى لجميع الاخوة و انا موش فى صف الوكيل و لا حاجة انا مع اى شخص منكم

[mahmoud_magdy]

شكرا على الموضوع
واكيد استفدت منو
جزاك الله خيرا

[ahmeddonky]

يا جماعه استراحه ايه بس داندي مول وكارفور علي بعد 500 متر من فرع ابو رواش
انا كل مره بارميلهم العربيه وبعدين اروح هناك الف في المحلات شويه وبعدين ادخل سينما مع صاحبي
ولما يجيلي مزاج ارجعلهم الاقي العربيه خلصانه ويقولولي يااااااااااااه انت لسه فاكر

[aapaap855]

الف شكر يا aapaap855 انك كتبت تجربتك هنا عشان الناس تستفيد

سؤال: هو ايه بقى الورقه اللى اسمها دفتر الصيانه دى .. هى دى بتاعه الاستلام ولا ايه.. اصل معظم اللى استلم 2009 ماستلمش غير كتالوج ال سى دى وقالو ان الكتالوج بعد العيد وايه كمان اللى المفروض نستلمه غير ورق المرور

حسب الناس الي كان معاهم 2009 فعلا مسلمهومش الكتيب دة
دا يا سيدي زي سجل كدة بيسجلو فيه ايه الي حصل في الصيانة وايه الي عملوه في العربية
بس هما مطلبوهوش مني ولا شافوه اصلا
هما بيعملو ملف عندهم للعربية مخصوص ملوش دعوة بالدفتر دة

[aapaap855]

معلش يا استاذي الفاضل .......للاسف عز العرب عليه ضغط شديد جداً من قبل زياده مبيعات العربية
بس انا عايز اعرف اخبار اداء العربية ايه معاك بعد صيانه الالف الاولي
ويارب يكون كله بخير
وربنا يوفقك يا باشا

شكرا يا باشا عالمواساه الحلوة دي
كلك ذوووق

[aapaap855]

ana leya 3etab wa7ed 3alek..w leh 7adretak seket?!!
ya beeh...msh 3gbk ay 7aga ro7 3la eng.ammer w 2oloh lw msh 7al lek moshkeltak edkhol el edara fo2 w e3mlo ballo
ya basha msh hatdeb mshwar dh 3shan bas y3mlolak lamba w kanaba f 6 sa3at!!!

بصراحة المهندسين الي قابلوني ناس محترمة جدا بجد ومكنتش عايز ازعل حد فيهم ولا اني اشتكيهم
انا عارف ان من حقي ان اشتكي بس والله كلهم شباب زي الورد زي ميكونو اصحابك (من سن الواحد كدة)
محبتش ااذي حد

[aapaap855]

شكرا على الموضوع
واكيد استفدت منو
جزاك الله خيرا

يا رب يجازينا ويجازيك خير ان شاء الله

[ahmad alshaaer]

طبعا انا اسف للرد ولكن لظروف عملي
واشكرك على زوقك وكلامك الجميل في حقي
وربنا يباركلك في سيارتك
وموضوع الزنه ده عاوزك تتاكد هل الزنه دي عند الار بي ام 3000 بتيجي وتروح اول ماتعدي الار بي ام 3000
ولا زنه مستديمه

[mayki4u]

يعنى انت ضربت مشوار سخن وروحت وجيت ونسيت الكتيب ورجعت تانى وفى الاخر لمبه وكوتشه فى الكنبه وقعدت 6 ساعات والحاجات الاساسيه متعملتش :k26:
لا انا ليا عتاب عليك بصراحه دا ميجيش تعب الصحيان بدري بالشكل دا
المفروض كان على الاقل تطلع من هناك بعربيتك مفيهاش حاجه او حلول للمشاكل الرئيسيه

[aapaap855]

طبعا انا اسف للرد ولكن لظروف عملي
واشكرك على زوقك وكلامك الجميل في حقي
وربنا يباركلك في سيارتك
وموضوع الزنه ده عاوزك تتاكد هل الزنه دي عند الار بي ام 3000 بتيجي وتروح اول ماتعدي الار بي ام 3000
ولا زنه مستديمه

تويتي باشا الزنة دي لما العربية بتتهز عند اي سرعو او عند اي rpm دي زي ميكون في سوستة صغيرة زي بتاعة القلم الجاف كدة مفكوكة جوة
انا عارف ان انا ممكن اعملها بنفسي بس هما يعملوها احسن
الزنة دي بتروح لما بحط ايدي عالفتيس

[aapaap855]

يعنى انت ضربت مشوار سخن وروحت وجيت ونسيت الكتيب ورجعت تانى وفى الاخر لمبه وكوتشه فى الكنبه وقعدت 6 ساعات والحاجات الاساسيه متعملتش :k26:
لا انا ليا عتاب عليك بصراحه دا ميجيش تعب الصحيان بدري بالشكل دا
المفروض كان على الاقل تطلع من هناك بعربيتك مفيهاش حاجه او حلول للمشاكل الرئيسيه

مايكي باشا عندك حق بس انا سلموني العربية الساعة ستة وقالولي كل حاجة تمام
وبعد مجربتها لقيتها زي مهية
(بصراحة نصيحة لكل الناس ساعة لما يطلع المهندس يجرب العربية اطلع معاه فيها)
طبعا الساعة ستة كنت بموت قلت خلاص في صيانة الخمسة نتصرف مدام الحاجة دي مش هتمنعني امشي بالعربية